السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
أخواني وحبايبي ياليت تفيدوني بارك الله فيكم بخصوص مستقبل الكلية التقنية هل لها مستقبل مضمون بعد الله بإكمال البكالوريوس و ماجستير او إبتعاث ولها قبول بالوظايف والخدمة المدنية
قدمت عليها هاذي السنة والحمدالله قبلت وكملت كل شي وموعدنا بعد العيد
طبعا مافي إمكانية الا تسويق الترم الاول اجيب معدل بعدها انقل ياليت برضو تفيدوني اذا الله وفقني افضل المحاسبة او التسويق او إدارة مكتبية كامستقبل
قرات الكثير عن مستقبلها والكل يذم فيها صرت خايف والله اضيع مستقبلي فيها
واعذروني طولت عليكم
جزاكم الله خير الجزاء

السلام عليكم
شف ياخوي والله الكليه التقنيه مالها مستقبل مضمون الا في حالة واحدة وهي انك تجيب معدل بالدبلوم يعني تقدير ممتاز كذا تقدر تكمل وتتخرج وتحصلك على وظيقه مهنيه ام انك تدخل ويكون معدلك ضعيف فثق تمام الثقه ان مصيرك المنزل انا اخوي متخرج منها بتقدير ضعيف تخصص الكترونيات صناعية وتحكم وقاعد بالبيت
فاذا تبي النصحيه انك تشد حيلك وهذا المطلوب اوا نك تطلع وتقدم على احد الجامعات وتشوف مستقبلك زييين

انا بنظري ان الكلية التقنية واي كليه تقدم دبلومات ,كليات جدا ضعيفة ونسبة التوظيف فيها قليل جدا ولايجي الا بعد طلعة الروح

ووفقك الله الجميع

[QUOTE=زهرة الريحان;5108822]السلام عليكم
شف ياخوي والله الكليه التقنيه مالها مستقبل مضمون الا في حالة واحدة وهي انك تجيب معدل بالدبلوم يعني تقدير ممتاز كذا تقدر تكمل وتتخرج وتحصلك على وظيقه مهنيه ام انك تدخل ويكون معدلك ضعيف فثق تمام الثقه ان مصيرك المنزل

اعتقد اخت زهرة كفت ووفت

السلام عليكم ورحمة الله وبركاته
يا اخي العزيز توكل على الله وقدم على الكليه وان شاء الله يتجيب معدل ممتاز
الله يوفق شـكرا لك وبارك الله فيك... لك مني أجمل تحية .

روح للجامعة احسن لك ...الجامعات الان تعلن انها تبي طلاب ..حتى لو بعدت شوي ..اهم شي تخصص زين وبكالوريوس

اذا مافي امكانيه ابدا انك تدخل جامعه فالامر لله وادخل التقنيه والعاطلين خريجين التقنيه كثير فأحتمال كبير ان الدوله تنظر بوضعهم مستحيل راح يبقون على الحال هذا والسبب بعطالتهم عدم الثقه بمخرجات الكليات التقنيه مع اني ارى انها نفس الكليات الصناعيه لكن هذي بالعربي وهذيك بالانجليزي

شوف حبيبي
دامك تبي
تكمل دراستك
فمعناة ان في عقل براسك شغال صح ويفكر بالسليم

هذي اول خطوة مشيتها بإذن الله بتأكلك عيش

الشيء الثاني التخصص

ادارة مكتبية حلو
بس المحاسبة احلى
التسويق للإمانة والله ماعندي خلفية عن هالتخصص
بس يقولون في شبة بين التسويق والموارد البشرية

إذا ماأنقبلت بالجامعه مو معناة ان الدنيا تقفلت والكلية التقنية مالها مستقبل
لا حبيبي
الكلية التقنية مستقبلها حلو
اولاً هي تمنحك شهادة دبلوم

صحيح ان مالها مجال معين
لكن ميزتها ان مجالات التوضيف واسعه
واقربها
شهادتك مستقبلاً مطلوبة في المجال العسكري بشك كبير وملحوظ
وبرتبة لاتقل عن عريف


هذا معناة ان الشهادة اللي حتدرسها ان شاء الله<<منها فائدة>>

العامل الرئيسي بالتوظيف هو قربك من الله سبحانه وتعالى
الشيء الثاني هو مدى اجتهادك واخلاصك بدراستك
يعني درجاتك ماهي غش بالاختبارات
ومعدل عالي اعلى من 3,75
يعني خلك من الاوائل لجل مستقبلك انت وتفكر ترفع راسك وراس اهلك



من الآخر
لاتحتقر الكلية التقنية
والله ماهي عيب

هذي هي الكلية التقنية اللي الأغلب يحقرها ويقول مالها مستقبل
مايدرون انها خرجت مهندسين
ابتدوا بدبلوم وانتهوا على ماجستير او دكتوراة في مجال تخصصاتهم وهذا هم اللحين وين
اللي معيد بالجامعه وإلا معيد بكليات التقنية نفسها


حبيبي
انت شد حيلك وسوا اللي مطلوب منك
ولو تجيب معدل يأهلك تكمل بكالوريوس
تقدر تكون معيد بالكيات التقنية او تقدم مثلك مثل خريج الجامعة على الكليات العسكرية
ومنها الكلية الامنية
وبرتبة ملازم وانت عليك الحسبة

لانك خلاص تعتبر خريج جامعه

بالتوفيق لك يابطل
وعسى الله يوفقك
و1000 ريال مكافئة تشجيع لك ومايبون ينقص عليك اي شيء