14-01-2008, 11:35 AM
|
|
Guest
|
|
تاريخ التسجيل: Jan 2007
المشاركات: 18,846
معدل تقييم المستوى: 0
|
|
|
يا طير ياللي بالحويه تغني
يازين قلبـي مـن غلاكـم يونـي
حبيتكم يازيـن غايـب وموجـود
يابـو عيـونٍ سـود لاناظـرنـي
يسريبي الهاجوس لحظات ويعـود
يوم الخميس وخاطري مرجهنّـي
باول شهرعشره من العام وحـدود
شفت الذي غيـر حياتـي وظنـي
شفت الذي مرفوع عن كل منقـود
شفت الـذي بوصافهـا يسحرنـي
وقمت اتأمل في حلايـاه بركـود
يوم اسمعـت وعيونهـا ناظرنـي
علىصميم القلب ضربه من سكود
ساعة لمحني يرفع البشـت عنـي
واقفى ايتمايل بالخطا والدلـع زود
دار الزمان وباعـد الزيـن عنـي
يم الحويه مسكنـه دونـه احـدود
نسايـم الغربـي ياكـم هيضنـي
يهيم قلبي كل ماهـب لـي نـود
عسى السحايب لبرقن ورزمنيـي
على الحويه سيلها بـرق ورعـود
تمطـر اليـن اشعابهـا يرتونـي
ولايحتوي سيله محاجير وسـدود
حتى الشجر ووراقها يخضرنـي
والعشب ينبت وارضها كلها اورود
ياطيـر ياللـي بالحويـه اتغنـي
بلغ سلامي للغضي ناعـم العـود
الشاعر : غازي العوني الحربي
|
العرض العادي
