االله يرزق اخوي

السلام عليكم ورحمة الله وبركاته

اخوي تجارة التمر باب رزق واسع المجالات
من السهل ان نحصل على البضاعة لكن من الصعب ان نقدر نصرفها جميعها يعني قبل ما تحفر حفرة فكر اولا كيف تصرف تراب الحفرة فانت مجتهد نشيط ترغب في نقل التمور من القصيم الى الرياض وتصرفها فهذا بحد ذاته فكرة فأنت تبحث عن التنفيذ
حسب خبرتي القصيرة بالتمور فهي تحتاج الى خبرة وتحتاج الى تضحية وقت لا تنفع للموظف ولا الشخص المشغول مرة وفاضي مرة اخرى فأول شي انصحك ان تبدأ بشي بسيط وتحاول ان تحدد تجارك
اما ان تفتح محل وهذا الصح وتجلب التمور بأنواعها من القصيم وكماليات التمور من الطحينة والعبيط وحلويات المطعمه بالتمور وغيرها وتختار محلك بعناية فائقة بأحياء مقتضه بالسكان او بأحياء راقية تقدر التمور الفاخرة هذا والله اعلم يغنيك عن المشاوير بين الرياض والقصيم
اما الحل الثاني فهوا مو مضمون ربحه وهو التوزيع للمحلات فبعض المحلات لها موزعين قداما ويأخذون البضاعة بالاجل يعني دين وحط لك كشف بالديون المعدومة او المشكوك فيها لان اغلب المحلات ما تدفع نقدا اغلبها بالدين ويصير رأس مالك موزع بين المحلات وفيها تعب وجهد
اما عن اسعار التمور فهي بآخر الموسم برخص التراب يعني تاخذ السكري ثلاثة كيلوا متوسط الجودة ومقبول بعشرين ريال
والسكري الصغير تأخذه بعشرة ريال وكذا اما الكبس من المصنع المكنوز يكلفك تقريبا ريال ونصف الى ريالين
فإذا تبي نصيحتي افتح محل وراح ترتاح اذا كان لديك راس مال محترم تقريبا يكلفك نقول بالبداية خمسون الف ريال
تحياتي