بسم الله الرحمن الرحيم

اللي فهمته منتس اختي انك الكل بالكل بالبيت واعاقتك الخفيفه ماتعتبر اعاقة بمعناها الكبير بالعكس ثقتك بنفسك الكبيره اؤيدك عليها وتعجبني شخصيتك عند رفضك للزوج لاتنزلين حق من حقوقك مهما كان او تستسلمين لو مكتوب لتس تعرسين بتعرسين ان شاء الله
والله وانا اخوتس اشيف وجياكر مانزلوو من مقامهم شي ومع ذالك شايفتن نفسها انتي اللي شخصيتك تسذا وتستسلمين بالسهوله هاذي وبسرعه لا والف لاااا اختى خلي عندتس ثقه وكبرياء وادعي الله سبحانه دائم انو يوفقتس وتتزوجين الرجل اللي تتمنينه

ثانيا حاولي بقدر المستطاع انك تعالجين بنفسك ومثل ماقال اخونا عماد السلمي حاولي لانو ببساطة لو تروحين لمستشفي مدينة الملك فهد الطبيه تتعالجين وبيفتحون لتس ملف

وندعو الله سبحانه انو يوفقتس ويحقق مرادتس

انا رايي من راي مديني رايق
والله يوفقك ويرزقك بالذرية الصالحةويكتب لك الخير حيث كان ويرضيك فيه

اختي الله يوفقك بالدنيا والاخره ومن قالك انك معاقه وربي الي فيك ما مهو [mark=#FF0000]اعاقه[/mark] [mark=#0000FF]الاعاقه شلل والي عنده نقص با عقله [/mark]وحمدي ربك انك تقومي با اشغالك ورجااء خااص لا تقولي انا فيني اعاقه وتحطمي بنفسسك وترا العريس بنااات كثيرات مهن لقيته مو بس انتي ويارب انك تعرسي با اقرب وقت بالزوج الصالح الي يسعدك ويريحك بالدنياا

شوفي ياحلوه

انا رأيي ان تعريف الأشخاص ذوي الاحتياجات الخاصة (هم اشخاص لايستطيعون العيش الا بمساعدة)

وانتي بسم الله عليك مافيك الا العافية ..تطلعين وتروحين وتجين ,وتشترين..

تحتاجين احد يوكلك؟لا الحمدلله
احد يشربك ؟
احد يحممك؟
احد يمشط لك شعرك؟؟

لالا الحمدلله ..

اذن انتي بخير ومافيك شي الحمدلله ..

لكن نصيحتي لك ,حتى مسكة الشارع لاتحوجين نفسك لها ..جيبي لك عصا واعتمدي على نفسك ..

الشي الثاني ..

اللحين تعالي قولي لي ,ليه هالموضوع شاغلك ؟
بيجي نصيبك ان شاء الله لكن لاتستعجلين واذا تبين رايي هذا اللي يبي يخبيك عن اهله مافيه خير ..
دامه من اولها خايف منهم ,كيف بعدين ؟

ممكن يطلقك لو عرفو صح ؟؟

خليه عنك وفكري باللي جاي ..

الآن اشتغلي على موضوع ثقتك بنفسك ,شوفي وش مميزاتك ونميها ,ووش عيوبك واخفيها ..

جاي العيد ان شاء الله ,غيري ستايلك واطلعي للناس ..

جددي مجتمعك ..توسعي لدائرة صديقاتك ,صديقات خلاتك ,عماتك ..

تعرفي على ناس راقية وجديدة ..

اصلا الزواج وشو ؟الا علاقات اجتماعية ومعارف ..وطالما هذا هدفك اشتغلي عليه ..

اهم شي الدعاء طبعا ..

الله يكتب لك الخير ويسعدك يارب ..

وعليكم السلام ورحمة الله وبركاته
اصبري واحتسبي ولاتيأسي من رحمة الله وتأكدي تماماً بأن الاعاقة هي أعاقة الذهن لاالجسد وأنتي ولله الحمد تتمتعين بمميزات رائعة لاتوجد في هذا الزمن في كثير من الفتيات .
فأنتي متعلمة وربة منزل ناجحة وذات رأي سديد بدليل انا أهلك يستشيرونك و يأخذون برأيك ونسأل الله ان يرزقكِ الزوج الصالح الذي يقدركِ

الله يرزقك يارب بالزوج الصالح


اعرف كم وحده كان عندها اعاقه بسيطه مثل حالتك وقبل كم شهر بنت الجيران نفس حالتك

ورزقها الله بالزوج الصالح والله يوفقك ويوفق جميع البنات المسلمات يارب

ماشاء الله تبارك الله
الصراحة اعضاء هالمنتدى قمة في الاخلاق
والمستوى الثقافي .
من وجهت نظري الشخصية
ان الحالة التي وصلتي لها الأن هي بسبب الزواج
المشكلة عامة في كل بيت
وترى ماعي مقتصرة على انسانة معاقة او انسانة سوية او غير معاقة
المشكلة بصفة عامة مشكلة اجتماعية على مستوى البلد
البنات في البيوت جالسين الى 30 و40 سنة بدون زواج
لكن رحمت ربك هي اللي مصبرتهم
بكل فخر اعجبني رد الاخت جادة جداً
فعلاً هذا اللي تحتاجينة في الوقت الرهن
الحمد لله
انتي ما فقدتي البصر
او فقدتي السمع
او فقدتي احد اعضاء جسمك
عشان يكون الزواج عائق لك
باذن الله ربي ما راح يخليك ابد
الله يوفقك ويرزقك ابن الحلال اللي يصونك

انا من رائي ترفضين الزواج هذا من اولة

لانة من البداية مبني ع الغلط

ليش خايف ومستعر منك

لوكان جاد ومحترمكي ماكان شرط بالسر

انسان ماحط لكي اعتبار وقيمة من البداية

ارمية وراكي ولاتفكرين فية وانا اختك

والله يعوضكي بخير منة

ان شاء الله يارب

أختي الكريمة ولا مؤاخذة "أنتِ تبالغين" في ردة فعلك تجاه ما يحدث لك ..
والسبب أن كل ما قمتِ بذكره قد يتعرض له أي إنسان ليس شرط أن يكون معاق في الأصل .

ماشاء الله عليك أنتِ فيك الخير والبركة ومو ناقصك أي شيء أبدًا , فلا تعرضين نفسك على أحد أبدًا
خلي نفسك عزيزة (وهذا ما أحسبه فيك بالتأكيد) وتظل لك كرامتك وكيانك ووجودك ,
مافي رجال بالدنيا هذي كلها يستحقكك وهو شايف نفسه عليك لو مين يكون يا أختي

العيش بكرامة وبحرية وتغذية ذاتك بالعلم والنجاحات أفضل من بليون رجل ..
وإذا على الولد هذا بيجي النصيب مع رب العالمين .. وماله صلة باعاقتك المذكورة أبدًا
هذا أنا "رجل" وأخاطبك كأنثى لك حقوقك مثل أي أنثى , وراح أكون إنسان حقير ووضيع ولا أستحق ذكر اسمك على لساني لو كنت أنظر لك كمعاقة وأستغل زواجك لأغراض .. او أقلل من شأنك , الزواج هو تفاهم
هو إلتقاء فكري وربّاني قبل أن يكون جسدي .. خلي ثقتك بنفسك أكبر من اي رجل وأكبر من أي تفكير مثل هذا

مصيرك بإذن الله حتتزوجي وحتقولي صادق في كلامه , بس المهم لا تخلين شي يحبطك مهما كان أبدًا
خذيها مني .. الدنيا هذي ما يبيلها هالتفكير .. ركزي على طموحاتك ونجاحاتك واقرأي وثقفي نفسك

واسأل الله من قلبي انه يوفقك ويوفقك كل بناتنا

تحياتي أختي

أختي الي فيك ليست إعاقه اذا انتي معاقه أنا اش اقول عن نفسي الي أمشي على كرسي متحرك
لاتحطمني نفسك وماعليك من المجتمع فيك مميزات المتعافيات ماسووها أحمدي الله كثيراا الي وهبك نعم كثيره
واذا على هذا العريس اتركيه هذا مافيه خير من الأول يتشرط ومتخوف ,,
والله الذي لاإله إلا هو أن الله كاتب لك زواج راح تتزوجين غصب عن كل النااس
بس ارضي بالقدر وأحسني الظن به وهو أرحم الراحمين