اختكم معاقه شامخه تبي رايكم بموضوعهاالشحصي فياليت الكل يدخل شاب/وشابه

كاضم الغدير · #31 (**permalink**) 29-08-2011, 02:31 AM

[glint]
بسم الله الرحمن الرحيم
[/glint][motr1]موفقة بإذن الله ... لك مني أجمل تحية [/motr1].

معاقه شامخه · #32 (**permalink**) 29-08-2011, 04:02 AM

اقتباس:

المشاركة الأصلية كتبت بواسطة فالح الهاجري

الله يوفقك والمسلمين اجمعين اللهم آمين
البنت في بيت اهلها معززه مكرمه افضل من زواج ماهو مبني على صح

انصحك تشوفي زوج وانتي في بيتك
لانك بتكوني في بيتك وامام عيونهم
كثير معاقات متزوجات وهم في بيوتهم
لاتصعبون الموضوع
الان سليمات ومدرسات ودكاتره مالقو ازواج
وانتي من حقك الزواج والانجاب بس لابد من التنازل عن بعض الامور والهدف الاكبر من الزواج هو الانجاب
كثير منا معاقين لاينجبون وزوجاتنا هن شغالات يخدمنا بالحلال ولولا الفلوس اللي ننقط بها كل شهرين وثلاثه ماتزوجونا اكون صريح

انتي لابد لك من زوج سليم
لان اكثر المعاقين فيهم عقم والمعاقات ايضا فيهم عقم
انصحك بالفحص اذا فيه امكانيه انجاب اقبلي بما قلت لك تكوني قدام اهلك وفي بيتك معززه ومكرمه ويسرو ولا تعسرو

واذا مافيه انجاب فالراي الاول والاخير لك

حتى لو لم تقتنعي برائي الان صدقيني بعد وقت ترجعي او ترجعون تقولو رائ فالح صح
والله يوفق الجميع

فالح
اسمحلي اقولك
فيه معاقات وانا وحده منهن ضروف اهلناصعبه ومانقدر نتزوج ونسكن مع اهلنا
ومسالة السكن
ليش الرجل اذا بغى ياخذ معاقه يقول نسكن مع اهلك واذا بياخذ وحده سليمه دبر لهاسكن
فالح
كلمه اقولها لك
لاتقولو المعاقه لازم تكون عند اهلها لانها محتاجه لرعاية اهلها
أنا وكم وحده من المعاقات ثق اننا لم نفكربالزواج الابعد ماشفنى نفسنا قد المسئوليه ومومدح فينا لاوالله بشهادة من عاشرونا
فانا شخصيا" مخافتا" من الله ثم تفضلا" مني راجعت الدكتورة المختصه
عشان ماظلم من يرتبط بي
فسالتها:هل الزواج يوؤثرعلي صحيا" خصوصا" الحمل والانجاب
فاجابتني: ليس عليك تاثير
فارجو
ان لاتنقصو من قيمتنا ومكانتا بسبت إعاقه ابتلينا بها

نونا الحنونة · #33 (**permalink**) 29-08-2011, 04:29 AM

السلام عليكم ورحمة الله وبركاته كيفك ياقمر اسأل الله العظيم ان يرزقك من فضلة بزوج صالح ويرزق اخواتي ياحي ياقيوم الاعاقة مو شرط تاخر الزواج في بنات بصحتها ومتعلمات وماينقصها شيء ونصيبها لسة ماجاء اكثري من الاستغفار وقومي الليل واقرئي سورة البقرة بنية الزواج وانشاء الله ربي كريم والله كثير بنات سوها ونفعت معهم وبشريني انشاء الله بالزوج الصالح

الهم كاسيني · #34 (**permalink**) 29-08-2011, 04:36 AM

الله يرزقك الزوج الصالح ..

فالح الهاجري · #35 (**permalink**) 29-08-2011, 05:31 AM

انا مانقصت بحق احد
بس معاقه بعضهم ياختي لو يحترف الفرن وزوجها برى كيف بتطفيه او الغاز
الامريكان اذا ادخلو مشروع يعملون حساب اسؤا الاحتمالات

صدقيني الاهل يخافون على بنتهم ويبررون الرفض باعذار عاديه
انا اتمنى التوفيق للجميع للامه الاسلاميه مافي شك
بس انتي طرحتي موضوع وطبعي ماحب اجامل او ارد برد عادي
العلاج ممكن يكون مؤلم ابره بس نتايجها طيبه
فالكلام ممكن يكون مؤلم بس اعتبره مفتاح باب القناعه
المعاقات كثير ومن يرى نفسه انه قادر ليش لا
الرازق الله والله يرزق الامه ويزيل الغمه عن المسلمين اللهم آمين
اختي الكريمه دام مايمنعك شئ توكلي على الله وتزوجي وابشري بالعانيه المساعده حاضر

غاده مطلقه · #36 (**permalink**) 29-08-2011, 06:52 AM

والله يافالح ماادري وش تحس فيه بس؟!!!

وحبيبتي شآمخه وربي انتي تهبلي وماشاءالله عليك*

بالنسبه لزواج من هاللي يتكلم بالسر لا والله اسحبي على هالسالفه بكره لما يتمكن ويتزوجك بالسر بكل بساطه راح يطلق

بعدين وربي ان هالزواج واضح ان بدايته مشاكل

والاخ اللي قال يبغآك زوجه ثانيه لاتوافقي ابد عليه*

بعدين وش ناقصك اصلا حتى تربطين نفسك فيهم

والله ياقلبي ان اعمالك اللي تسوينها بنات هالوقت مايسونها وانا منهم وماشاءالله واضح انك ذربه وراعية بيت

وبعدين لا تفكرين تسجلين بمثل هالمواقع ترا اغلبهم لعااابين وفضول وحب استطلاع

على الفاضي

وشوفي *ترا الحين تاخر الزواج صار بكل بيت ومن الجنسين

ونصيبك باقي ماجاء والله كريم يااختي

الحين شيلي فكرة الزواج من راسك وفكري بتعزيز الثقه عندك اكثرر واكثرر بعدين*

فكري بالعلاج وباذن الله تتسهل وربي يشفيك

وسالفة الربكه وانتي طالعه سهله*

خذي لك جزمه وانتي بكرامه كعب بس اوزنيها صح وخلي وحده اطول من الثانيه يعني الرجل اللي ترتفع خلي كعبها اقصر والثانيه خلي كعبها عادي

وربي يوفقك ويرزقك بالزوج الصالح اللي يخاف الله فيك عاجلا غير اجل

وكرري من قول الله عز وجل*:

( ربي اني لما انزلت إلي من خير فقير)

وراح تدعين لي*

عاطله ونحمد الله · #37 (**permalink**) 29-08-2011, 07:09 AM

حبيبتي انتي مكبره الموضوع ومضخمته
اول شي رجااااااااااااء خاص غيري نكك
لانك لستي معاقه
ثانيا الزواج قسمه ونصيب وهالايام صعبه البنات يتزوجون وشوفي البيوت مليانه
بعدين الدنيا ماوقفت على زوج لازم نرضى بقدرنا الدنيا فيها اشياء كثيره نسويها غير الزواج
اهم شي الصحه والعافيه وانك تخدمين نفسك بنفسك وفوق هذا قاعده تحلين مشاكل اللي حولك واللي يعتبرون في نظرك اسوياء
احمدي الله على نعمه وانسي هالفكره لو الله كاتب لك زواج بيجي لو ماكتب لك هذا قدرك وكلنا نفس الشي
من جد اشوف بنات لو ماااتتزوج تموت يمكن تتزوجين عله يغثك طول الوقت مالهم سيره الا الزواج
وبغيت انصحك ابعدي عن مواقع الزواج لانهم كلهم نصااااااااااااااااااااااااااااااابين

مووفقه

اسيروحدتي · #38 (**permalink**) 29-08-2011, 08:03 AM

اقتباس:

المشاركة الأصلية كتبت بواسطة فالح الهاجري

الله يوفقك والمسلمين اجمعين اللهم آمين
البنت في بيت اهلها معززه مكرمه افضل من زواج ماهو مبني على صح

انصحك تشوفي زوج وانتي في بيتك
لانك بتكوني في بيتك وامام عيونهم
كثير معاقات متزوجات وهم في بيوتهم
لاتصعبون الموضوع
الان سليمات ومدرسات ودكاتره مالقو ازواج
وانتي من حقك الزواج والانجاب بس لابد من التنازل عن بعض الامور والهدف الاكبر من الزواج هو الانجاب
كثير منا معاقين لاينجبون وزوجاتنا هن شغالات يخدمنا بالحلال ولولا الفلوس اللي ننقط بها كل شهرين وثلاثه ماتزوجونا اكون صريح

انتي لابد لك من زوج سليم
لان اكثر المعاقين فيهم عقم والمعاقات ايضا فيهم عقم
انصحك بالفحص اذا فيه امكانيه انجاب اقبلي بما قلت لك تكوني قدام اهلك وفي بيتك معززه ومكرمه ويسرو ولا تعسرو

واذا مافيه انجاب فالراي الاول والاخير لك

حتى لو لم تقتنعي برائي الان صدقيني بعد وقت ترجعي او ترجعون تقولو رائ فالح صح
والله يوفق الجميع

اخ فالح الله يهديك ويصلح قلبك يأخي كلامك مبني على ايش؟
ممكن شي تعايشته انت هاذا ممكن تفسير كلامك ولا تعممه على الجميع..
يأخي والله اناس كثير واعرفهم واقابلهم عايشين حايتهم بسعاده وحب وراحه بال
سواء معاق او معاقه وفاعلين في المجتمع وفاتحين بيوت وامورهم طبيعيه وصدقني
الشي الي تكلمت فيه مبني على تفكيرك المحدود واسمحلي على كلامي .
وبالعكس الاخت الي طرحت مشكلتها اكيد ما جاءها النصيب وبأذن الله راح يتحقق ومن حقها
انها تعيش كأي انسانه تدير مملكتها بنفسها وهي كفو لذلك ومتأكد ان شاءالله .
معقوله جميع الي عندهم اعاقات لاينجبون لاحول ولاقوه الا بالله يأخي الكثير والاغلب ماشاءالله عندهم اطفال ويتمتعون بصحه وعافيه وفي المدارس وامورهم طبيعيه صراحه انا منصدم من كلامك.
وكيف زوجاتنا شغااالات عجبي والله يأخي والله ناس من ذوي الاحتياجات الخاصه واعرفهم متزوجين من السعوديه سوا من الاقارب او من بعيد من السعوديه بينهم حب ويعشون بسعاده والكثير يحسدهم ولا نقول الا ماشاءالله تبارك الله . رجاي لاتعم في كلامك
واختي معاقه شامخه صدقيني بأذن الله راح يجيك نصيبك ولاكن الجي الى ربك وكلها ان شاءالله وقت ويجي نصيبك وتعيشين مع زوجك ويكون لك مملكتك الخاصه الله يوفقك ويرزقك في هاذا الشهر الكريم..

الراآسيه · #39 (**permalink**) 29-08-2011, 08:09 AM

غاليتي انتي لست معاقه والدليل انك تقولين معاقه شامخه
يعني قويه ثابته همتك تطل الثرياء اختي المعاق هو اللي يحتاج
لمساعده دائماً وانتي زي ماتقولي معتمده على نفسك ماشاءالله
تبارك الرحمن كثير اصحاء كاس الماء يقولون هاتوه والتعليم ماافلحوا فيه
اختي تفكيرك بالزواج شيء طيب لكن لا تجعلين من اول موقف حصل لك
يعطيك ردة فعل سلبيه للموضوع اختي انا اوافقك رأيك الرافض الزواج بالسر
علشان مايجر عليك متاعب لاحقاً وفرصتك بالزواج لم تحن بعد ربي عزوجل له
حكمه بكل شيء تفائلي يالغلا وخلك مع الأسوياء اكاد اجزم ان هناك ممن حولك
محتاجك اكثر من غيرك عزيزتي انتي ايش تفرقين عنهم مشكلتك اخف من غيرك بكثير..
اسمحيلي ابدي كلمة اعجاب وشكر على بعض الردود الرائعه.