انا مشروعي ابشري تريلات تقريبن خمس روس وبشغالهن سحب برادات واخذت الاوكي من الشركه بس ابي رايكم بانواع الشاحنات لاني قليل خبره بهن انا حاط عيني على نوع
مان 18-410 TGA قير عادي نوع القير ZF مع اني مادري وش ميزت نوع ZF موديل من 2001 الى 2004 نوي اجيبهم من المانيا يكون ممشاهم من 600 - 800 الف كيلو ويكون مقاس الجنط 22.5 الغماره تكون XL or XXL
انا ابي رايكم هل هاا المواصفات الي انا كاتبه زينه او لا من اهل الخبره نبي رد الله يجعله بوازين حساناتكم والمشكله جاني واحد فتح عل ابواب قالي
1-- انتبه لطرمبت الديزل تراه تختلف من نوع الى نوع
2-- ناس قالو خذ 19-414 افضل
3-- ناس قالولي ترا به شي يجيك بستم نا يم وبعضها بستم واقف
4-- وناس قالو المان مايصلح برادات خذ فلفو وانا معاهم بس الفولفو غالي بالمانيا مقارنه بالمان وصيانته ماحد يظبطه

تكفون ياهل الخبر افزعولي لاحد يبخل على بفايده لو هي صغير ولا هي لم الموضوع بس تخص الشاحنات ككل

يجي من يفيدك

ان شاء الله الله يجزاك خير

ما أقول إلا الله يوفقك ويرزقك ...

والمعذره ما اعرف شيء بهالمشروع

السلام عليكم ورحمة الله وبركاته

الله يوفقك ويسهل لك امورك

بالنسبة لخبرتي في السوق ومعلومات الاخوان المجربين اهدي لكم بعض المعلومات المهمة عند شراء المعدة:
بالنسبه للتريلات
امامك اولا القلابات
المرسيدس افضل شي وقطعه متوفره وقوي ولاكن غالي
الافضل بالسوق ***** ومن ثم العادي الموديلات طبعا من 90=96 ويكون سست قير عايدي
بالنسبه لل*** افضل مقاس 2635 وسعره مابين 170 الى 300 الف حسب النظافه والموديل
بالنسبه للالبي للعادي افضل مقاس 1935 وسعره مابين130 الى 170 الف حسب النظافه والموديل
بالنسبه للسطحات
فهي تتحمل اي مقاس ولاهناك مشكله لان حمولتها خفيفه مقارنه بالقلاب
تريلة فولفو
موديل 90=93 اف 12 من مقاس 400 وانت طالع نفس المواصفات السابقه
وجباره وقويه وتتحمل القلاب
اسعارها من 75 الى 85 الف حسب النظافه
والله الله بالنظيف لان قطعها مو متوفره مقارنه بالمرسيدس
تريلة المان
افضل مقاس 464 و414
نفس نظام الفولفو بالقطع
واسعاره رخيصة ممكن تحصل2000 بـ80 الف تقريبا

بالنسبه لتيادر القلابات
امامك خيارين اما الجديد او المستعمل
بالنسبه للجديد سعره من 75000 الى 80000 وتاجره من 3500 الى 4000
اما بالنسبه للقديم سعره اذا نظافته ناهيه لايتجاوز 40000 وتاجره من 2000 الى 2500
الصناديق اللمسموح لها بالميزان مقاس 22 واذا لايوجد ميزان في منطقة العمل فمعاك الى 32
اما بالنسبه لضمان حقك عند تاجيرها
فالمتعارف عليهانه ياجر عن طريق معرض واوراق رسميه وشهود بمواصفات القلاب لانه لايحمل استماره مقارنه بالراس
وهناك من يقوم بتوثيق العقد عن طريق الغرفه التجاريه

نجي لمواصفات الصندوق

(( شوف انا اتكلم عن مواصفات الي هوا من 22 متر الى 26 متر ))

القاعدة : 14 تتحمل الى 26 متر كحد اقصى يعني تركب قاعدة 14 على صندوق 24
ليش انا اقلك لانه لو ركبت قاعدة 16 حلوة بس لمن ينزل الصندوق راح يرتجف لو كان مقاس 22 او 24 متر
الارضية والباب: 8 ملي
الجدران والصدر : 6 ملي
البستم : هيفا وسط
الكفرات: 24 سلك كوري او صيني كلها زينة
الجنط : يمدحوون البرمك بسبب تقدم العولمة ويقولو خمسة مسمار زينه بس اعتقد البناشر صارو مايحبون الخمسة مسمار والله اعلم



ملاحظة (( يجب عليك الرفض التام في مواصفات هذا الصندوق تحميل الصخر والاسفلت ))

واذا حاب تعرف معلومات عن افضل الشياول والحفارات ابشر بعزك كلنا يد وحدة
والاخوان مايقصرون ان شاء الله

************************************************

الله يجزاكم خير كلم يارب وما قصرت بذات اخوي ( كلنا يد وحده ) الله يجزاك الف خير يارب وانا اببدا بالبرادات لان به واحد باشركه طق صدره لي وجابلي الاوكي واشياول اواحفارات ابد اذا ردينا شوي نشوفهن