بسم الله الرحمن الرحيم
السلام عليكم ورحمة الله وبركاته
انا من ضمن 11052 وطلع اسمي من المرشحين لبرنامج خادم الحرمين للابتعاث الخارجي فتكفون ابغى مشورتكم اختار التعليم ولااااطلع بعثة

الله يوفق الجميع ان شاء الله

بالمبارك ان شاءالله
انا بقولك رأيي والقرار بالبداية والنهاية يرجع لك
اذا كنت فعلا ضامن الوظيفة فلا تفرط فيها
لاني اشوف ان الناس يسافرون يدرسون برى لانهم مالقو وظايف ولو فيه مافكرو يسافرون
واعرف فيه ناس مسافرين برى يوم اسمعو ان اسماءهم انزلت ارجعو عشان الوظيفة
فأنا اشوف الوظيفة اهم لانك احتمال حتى لو سافرت ورجعت يمكن ماتلقاها بعدين
وبالاخير اقولك استخيروالله يدلك على الخير
هذا مجرد رأي وشوف رأي غيري والله يوفقك بالدارين

ملاحظة اذا كنت ضامن الوظيفة مائة بالمائة

مشكوووور اخوي وكلامك ذهب صراحة لااني سالت واحد كان مبتعث وجاوب نفس جوابك
اسعدني مرورك وتعليقك وفقك الله والمسلمين لما فيه الخير

دام جاتك الفرصة لا تضيعها من يدك ولا تنسى ان الترشيح بيجيك مرة في العمر
اما الابتعاث بامكانك تقدم عليه مع بداية كل سنة وامورة بسيطة جدا

اتمنى لك التوفيق

نصيحه اذا خلصت اوراقك في الترشيح ومابقى الا توجيهك للمكان اللي بتتعين فيه
امسك الوظيفه احسسسسسن ياما ناس سافرت ودرست ورجعت في البيت بدون فايده
بعدين لو في راسك ابتعاث خذها بتكون اسهل من انك تدرس وترجع تدور على وظيفه
او ممكن تدرس بأي جامعه هنا وانت معلم
موفق

[align=center]صلي ركعتين استخاره وربي يكتب لك اللي فيه الخير[/align]

اول شي اكييد استخير وادعي ربك
ثاني شي : لو ان براسك دراسة بجد وتبغى تضمن مستقبلك وتحارب عشانو روح الابتعاث ولا تفوتو

مع الحرص على اختيار الدولة المناسبة يعني مثلا عندك كندا .. قبولات الجامعة جدا صعبه وشروطها معقده
يعني لو جاتك دوله اسال عنها وشوف قبولات الجامعه فيها سهله او صعبه
وتوكل على ربك لو انك بجد تبغى تدرس ..

اسمحلي اقلك اذ انت بتجيب الماستر فقط فاحسن لك الوظيفه هنا اما اذ ناوي دكتوراه وعمرك الان اقل من 25 فالله يوفقك واحسن مايكون...