السلام عليكم ورحمة الله وبركاته
كل عام وأنتم بخير
الموضوع باختصار
عندنا جامعه جديده وفكرت افتح مكتبه (خدمات الطالب) بجوارها لانه لا يوجد بجوارها او بالقرب منها أي مكتبه واخترت هالمشروع لان عدد طلاب الجامعه اكثر من 15 الف وكل طالب عنده 10 مواد وكل ماده لا تقل عن 50 صفحه ولازم يحتاجون مكتبه لتصوير المذكرات لان الجامعه ما فيها الا مذكرات ما فيها مقررات مطبوعه
المهم بديت ابحث عن اول خطوه في المشروع وهو المحل
ما وجد الا محل واحد في محطه الان الجامعه خارج النطاق العمراني على الطريق السريع
المهم اتصلت على صاحب المحطه قلت ابي محل قال انا ابي اجر المحطه بالكامل

قلت طيب وش المرافق اللي فيها قال محطه جاهزه من الى فيها 7 محلات وفيها مغسلة سيارات جاهزه
مصلى ودورة مياة رجال ونساء ما ينقص المحطه الا طرمبات البنزين
قلت طيب بكم الاجار قال 200 الف
مميزات المحطه
1- بجوار الجامعة يفصل بينها الشارع
2- على شارع رئيسي يربط بين المدينه والمحافظه
3 على طريق المطار
4 لا يوجد على الطريق بانفس الاتجاه اي محطه ممكن اقرب محطه تبعد 30 كيلو
5 قبل المحطه وبعدها اوتير للرجوع
6 فيه طريق اخر من محافظه اخرى يلتقي بالطريق اللي عليه المحطه يبعد عن المحطه نصف كيلو تقريبا
اكيد فيه مميزات اخرى بس ممكن ما انتبهت لها

السلبيات ماعندي سيوله لتشغيل المحطه

ابي شوركم تكفون لاني لا خبره لي ولا عندي اي معلومه عن المحطات
وش رايك استاجر او لا واذا استاجر وش رايكم وفكاركم لتشغيلها

وهل اقدر احصل على تمويل للتشغيلها ؟؟

يعني ماعندك خبرة وماعندك سيولة والايجار 200 الف أنا أشوف لاتغامر لان هالمشروع يحتاج أنسان عندة مادة مايهمة الخسارة في اول سنة لان احتمال تكلف علية اول سنة 300 الف عشان يشغل المحطة ويعرفونها الناس .. وانت اخوي استخير وشاور وبالتوفيق

المحطة ياحبيبي اجارها 200 الف بالسنة / فالتاجر اذا بيستاجرها بياخذها 5 سنوات قدام أقل شي
عشان يجمع زبائن ويشغلها صح بحيث مايرتفع عليه الأجار فترة الإيجار , (يعني انت ابعد بعيد ) هه



بعدين وين مكان المحطة بإي مدينة

السلام عليكم ورحمة الله وبركاته



مشروع حلو ..

على كلامك أخوي إن فيه 7 محلات .. وأنت بتحط مكتبه يعني بيروح محلين من ال7
وبقآله لآبد تكون كبيره شوي وفيهآ كل شي أقل شي 4 محلآت كذا بيبقى لك محل يعني تظمه مع المكتبه او البقاله

وتأجر مغسلة السيارات على حسب الموقع وحجم المغسله تقريبآ ( 25000 )
وتأجر البنشر على حسب الحفر اللي فيه تقريبآ ( 60000 )
وطبعا إذا ماكان لك رغبه بالبقاله فـ أنت أجرهآ آحسن لك ( 30000 )

هذآ إذا كآنت آلمحطه بـ آلريآض

يعني كل سنه بيدخل لك تقريبآ ( 115000 ) وال ( 85000 ) البآقيه من البنزين وآلمكتبه

طبعآ آلآرقآم تقريبيه لكن لآزم تسأل لك أكثر من محل عقآري عن أسعآر الآجآرآت وإنتبه لآيخذونها لمعآرفهم

آلله يوفقك أخوي دنيآ وآخره

نصيحه ( إخلص ألنيه لله )

الله يعطيك العافيه
انا اقول لاتفوتك لو بتجر (6)المحلات فقط وكذلك المحطه بتجيب 200000 ريال
واكيد المخططات الجديده باتجاه الجامعه والمطار
لكن المهم العقد اشترط فيه علي الاقل 10 سنوات من صالحك

[align=center]
تدخل مشروع وأنت ما عندك أي خلفيه عنه !!.. عجيب

ولا عندك قيمة المشروع !!.. عجيب عجيب

المفترض الإجابه تكون عندك واضحه وبدون ما تشاور أحد ..

ما أتوقع مكتبه بمحطه ناجح حتى لو كانت المكتبه الوحيده بالمنطقه .. والله اعلم ..

شف لك أقرب محل للجامعه حتى لو اضطريت تستأجر أرض تجاريه وتقيم على دور واحد

محلات ويكون إيجارك للارض لا يقل عن عشر سنوات حتى تستفيد من ايجار المحلات

وش رايك بالفكره على كيفك ...

[/align]

موفق بإذن الله ... لك مني أجمل تحية .

والله موضوع غريب جدا

ماعندك سيولة ولا عندك خبرة

اجل منزل الموضوع ليش ؟؟؟؟؟؟؟؟؟


بالمناسبة وش اسم المنطقة اللي انت فيها؟

[align=center]
الاخ / الكريم ....

الله يوفقك .......

طبعا مثل ما قالوا لك بعض الاخوان لاسيوله ولاخبره ....صعبه شوي
[/align]

واذا ما لك خاااطر في المشروع عطني خبر ومعلومات عنها وسوف تستفيد ان شاء الله

ولي موضوع في المنتدى عن المحطات ممكن تستفيد منه

انا برأي انك تحط نفسك وسيط يعني لك نسبة علشان الوساطه وانا مر علي


مواضيع عن المحطات وناس مهتمه بالمحطات وابحث وإن شاء الله تلقى اللي يفيدك.