السلام عليكم ورحمة الله
أخواني فكرت في تأسيس مشروع تجاري خاص بي وبصراحه أفكر في محل لبيع أدوات السباكه والكهرباء وكتبت هذا الموضوع عشان أستفيد من آرائكم وتجاربكم في هذا الموضوع وهل يعتبر مشروع ناجح وكم التكلفه التقريبيه له
ولكم جزيل الشكر

السلام عليكم ورحمة الله وبركاته توكل على الله وافتح انا انشاالله ابفتح بعد العيد بالنسبه لتكلفه من 40 الف حتى 160 الف بس خلك مثلي جب المستهلك والباقي على كميات صغيره حتى تتوسع وصدقني مشروع حلو بس يبي صبر شف موضوعي عندك حتى الان مجاء احد يفيدني المهم توكل على الله وستخر اهم شي الاستخاره واي استفسار انا حاضر دعواتك الله يوفقني ويفققك

[align=center]
اخوي نادر السلام عليكم ورحمة الله وبركاته
استعن بالله وتوكل عليه سبحانه وتعالى وعليك بالصبر وعليك بتخفيظ الأسعار عن الجميع الي حولك او المنطقة التي انت فيها يعني بالمكسب المعقول حتى تعرف فيك هذي الميزة وتنتشر السمعة الطيبه بالسماحه وعدم التشدد في الأسعار .
وشل من فكرك أن هذه القطعة مربح قليل وميخارج التعب والدخل اليومي او الشهر ماعليك بأذن الله تعالى انه سيبارك الله لك الرزق وهذا اهم شيئ
واحذر من التعامل بالدين لأنه مال مفقود لا تأمن من السداد فالحيل كثير عن ضعاف النفوس .
والشيئ الأهم حط في بالك انك انت تدير المحل وعده وظيفة مسائية اذا كنت لديك وظيفة صباحيه حتى لا يتنطبق عليك المثل القديم ( الي يودع حلاله يبيعه ) لأن العماله همها الأول والأخير كيف يحصل على المال الوفير ويهاجر الى بلاده أعطهم حقهم وبازياده بالتدريج .
مرة سألت واحد لبناني اعرفه يدير مطعم قلت له ليش حنى نفتح مشاريع وتخسر على ان الموقع تم اختياره بدقه والتجهيزات كامله قالي كلمة مرايح انساها وانصح بها كل غالي يبغى يفتح مشروع تجاري ولو كان صغير في الحجم او النشاط يقول لي ( الي مايكسر رجله في المحل ويمسك هو بنفسه الحسابات مارح ينجح لابد من صاحب الحلال هو الي يديره ويظعه وضيفة رسميه له ويكون له كذلك راتب زيه زي اي عامل عنده ولو كان بسيط بالمئات حتى يتطور ) وهذه والله مقوله اعتبرها صحيحة 100% .
ونصيحه حاول ان تظع لك برنامج للجرد السنوي للبظائع الصادرة والمباعة والباقيه حتى يعرفون ان هذا حلال محفوظ ولاتنسى زكاة الأموال ليبارك الله في الحلال والمال .
واسف على الأطاله
[/align]

اخوي نادر

شوف المدينة اللي انت فيها هل فية احتياج ولالا هذي نقطة

النقطة الثانية لاتعتمد على كلام المنتدى لأن كل واحد له نظرة مختلفة عن المشاريع لكن الاهم هو انك تدرس السوق عندكم وتتطلع عن قرب وتشوف الاسعار كم بالجملة وبكم يتم بيعها ,,,
وبعد شوف اسعار ايجار المحلات عندكم بعدها عاد ضبط دراسة جدوى ووبتطلع معك التكلفة التقريبية للمشروع وحط في بالك مصاريف المحل لمدة 6 شهور من ايجار ورواتب عمال وكهرباء ووو,,,

يعني خل عندك احتياط الواحد مايدري وش يطلعله

واهم شي الورقة والقلم حطها علطول في جيبك وامش وسجل المهم واللي تشوفة غير مهم بنظرك طبعا الورقة والقلم هذي قبل بداية المشروع ووبتحتاجها أكثر اذا شاء الله وبديت المشروع..


وبالتوفيق للجميع

مواد البناء وادوات السباكة والكهرباء فيها خير كثير اذكر اني طلبت مرة من واحد ساكن في قريتنا انه يقبل مني المحل اللي يملكه ولكنه رفض رغم اني اعطيته بالشهر 5 الاف و محله مش حالك يعني لو يترتب اكثر ويدعم ببضاعة اكثر راح يدخل اكثر بكثير والله الموفق

بالتوفيق لك

والاخوان المشاركين مثل عمر عاطل

ممكن احد يتكرم ويحط لنا تسعيرة بسيطه لاسواق الجمله او اماكن تواجدها او ارخص مكان ممكن تجيب منه البضاعه !

يعطيكم الف عافية وماقصرتو

وكل عام وانت بخير

ياليت يفيدونا اهل الخبرهـ حيث انني من اهل القصيم وبالتحديد بريدهـ

وشكرا

اخوي المشروع ناجح

بس ركز على عاملين

جب لك ثلاث عمال على كفالتك من الهند

ويكون كهربائي وسباك بنفس الوقت

والبضاعة راح تكلفك مبدئيا حوالي 80 الف ريال

وابدا الشغل وان شاء الله ربي يوفقك

حسب ما سمعت ان فيها خير
اذا الله وفقك بعامل جيد وموقع ممتاز للمحل