الله يـــكـــون بــــعــــونكم جـــميعـــا

السلام عليكم ورحمة الله وبركاته

من العايدين وكل عام وانتم بخير اولا خذ العلم من الراس ماهو من الكراس انا عجز مؤقت سنتين وعمري 43وقدمت علي المقطوعه في الرياض وقالو مالك حق النظام مايقبل السستم وماادراك مالسستم
وش الحل ياجماعه قالو مالك الي تروح للوزاره وتقدم علي وكيل الوزاره او الوزير غيره مالك حل شفتطيب الموضوع يبي يكبر وروحه وجيه وزير وزاره وشغله طويله عريضه بس قلت خلني اجرب فاضي ماعندي شي
رحت للوزاره قلت ابي الوزير او الوكيل قالو بعد صلاة الظهر يستقبل المراجعين صلينا عندهم وفي مسجد لوزاره في الصف الامامي وبعد الصلاه قابلت وكيل الوزاره اسهل من مقابلت مدير مكتب الظمان شرحت
ا له وضعي المادي والصحي والديون المتركمه علي ماطول الرجال معي بيض الله وجهه وعلي طول شرح علي المعروض وكلها شهرين ونصف والحمد لله شف باقيها في الحساب
هذا من تجربه شخصيه امل اني افدتك في اجابتي -- بالنسبه للاوراق الممطلوبه صوره من كرت العاليه صوره من التقراير الطبيه صوره من عقد الايجار

تقبل تحياتي

بآرك الله فيك اخــــــــوي . المسيآر . والله انك فررحتني . بس انا في محافظة حفر الباطن .. واظن انه ماعندناً وزير وش الحل . مافيه حل ثاني او نائب عن الوزير ..

ع العموم انا بروح اجرب لو ما عندك حل ثاني والله يقدم الي فيه الخير وشكور وبأرك الله فيك والله يجعلها في ميزان حسناااتك والله ييسر اموركك

يعطيك العافية

استغفر الله العظيم لا اله الا الله

السلام عليكم ورحمة الله وبركاته

انت شف مدير مكتب الضمان الي عندكم ان شفت منه حل ولا كلها ثلاث ساعات من الحفر للرياض امش

الساعه 7 الصبح والساعه 11 وانت في الرياض ريح لين بعد صلاة الظهر بس كون قريب من مقر الوزاره

عشان بعد الصلاه تروح وتسئل عن مكتب وكيل الوزاره واذا قابلت السكرتير قله ابي الوكيل هو راح يقولل

متي وفين بس للاهميه قبل ماتمشي من الحفر اتصل علي الوزاره وكلم مكتب الوكيل يرد عليك السكرتير

شف متي يقابل المراجعين يمكن غيروها يمكن بس ايام في الاسبوع محدده ولا تقول لاحد علي موضوعك

لا سكرتير ولا غيره قلهم ابي اقابل الوكيل وبس لموضوع شخصي من راسي لراسه فهمت وخلك ذيب

تقبل تحياتي

دمتم بود

ابشششر انا بشوف مكتبنا الي ب الحفر واذا مافيه فآيده .. بطلع للرياض ..

بس ممكن تعطيني رقمَ . الوزير ب الرياض بـ رسآلة خاصة . او هنا اذاا مافيه مشكلة ..

وبآرك الله فيك

السلام عليكم ورحمة الله وبركاته


منتب هين رقم الوزير مره وحده اجل ناويهم اتصل علي الرقم المجاني حق الوزاره واذا رد السنترال

اطل مكتب وكيل الوزاره وهو يحولك عليه واذا حصلت الجهاز الي هم حاطينه حاول في اي تحويله لين

يكلمك احد من الوزاره واستفتسر منه بطريقتك عن رقم مكتب الوكيل وكم تحويلته للمعلوميه اذا شرح

الوكيل علي صور الاوراق الي معك مايحتاج معروض ترا الموضع شفهي وهو يشرح صورة كرت العايله

او اي صوره ثانيه من التقارير الي معك ياخذها المراسل ويصدرها لمكتب الضمان الي في الحفر حاول

تاخذها مناوله منه عشان الوقت لانها تطول كذا اذا اعطاك الخير واهله واذا قال النظام وما ادارك مالنظام

الله يعينك عاد تصبر

تقبل مروري

ودمتم بود

ههههه . بآرك الله فيك ويعطيك العافية .. وان شاء الله سهآلات اذا ما قبلنيَ هنا بـحآول اطلع للريآضَ ..

وادعي لي ب التوفيقَ بآرك الله فيك

وماقصرررت معي . الله يجزاك خير وجعلها في ميزان حسناااتك

اول كان تقرير اما الان اذا رسمي في الضمان بس صورة من بطاقة الصراف حق الضمان وصورة من كرت العايلة وشهر وتنزل في الحساب

السلام عليكم ورحمة الله وبركاته

الرجال يقول عجز مؤقت يعني مو رسمي احتايطا خذ التقارير يمكن يصير لها طلب

تقبل مروري

ودمتم بود

بــااك الله فيكم.. وما ننحرم منكم وجزااكم الله خيرر

انا بروح واجرب حظي بـ تاريخ 6/10

والله يجزاكم خيرررر .. ويررزقكم من واسع فضله