فكرة مشروع ملعب كرة قدم انجيلة مزروع !

سي سفن · #71 (**permalink**) 22-11-2012, 11:33 PM

يااخوان انا لي اكثر من شهرين وانا ابحث في هذا المشروع

وتبقى لي الاتصال بمالك اي مشروع رياضي حتى آخذ منه

افضل نوعيه والمساحه المناسبه

اللي عنده خلفيه الله يحرم وجهه على النار

يبلغني هنا او يراسلني خاص ويعطيني رقمه او انا ارسله على الخاص رقمي واتواصل معه

الوافي بكم · #72 (**permalink**) 23-11-2012, 04:27 AM

السلام عليكم. انا بجيب لكم الغايبه عندي صديق توه مسوي ملعب وجاهز للاستخدام بس مو فاضي له ويبي ياجره لمدة سنه كامله قيمة الايجار بالسنه ١٨٠ للف وانت وشطارتك في تاجيره على اللاعبين وماابي منك غير العموله الي تقدرها انت الي يحب يستاجره يتواصل معي على الخاص وهذا الامر ينفع للي ماعنده سيوله كبيره لانشاء ملعب وكذلك للي يخاف يغامر ويجرب اول شئ تاجير وكذلك ينفع يشترك في استئجاره اكثر من شخص ومقع الملعب بين مجموعة ملاعب من حوله الملعب جديد وكامل من الالف الى الياء ماناقص الا توقع العقد وتدفع الدراهم وتقول يامسهل وفق الله الجميع الى مافيه الخير

سي سفن · #73 (**permalink**) 23-11-2012, 06:13 PM

180 الف السنه قويه مره مره

الله يرزقكم والمبلغ خيالي

وجه آلسعد · #74 (**permalink**) 24-11-2012, 04:40 PM

هالمشروع براسي من زمان وقدمت على صندوق المئوية ورفضوه وتحطمت

ابي شريك او شريكين من الرياض عشان ننفذ هالمشروع

العزة لله وبالله · #75 (**permalink**) 15-04-2013, 12:23 AM

أبي اتواصل معك أبو خالد ليتك ترسل رقمك

العبدالعزيز20 · #76 (**permalink**) 15-04-2013, 02:16 AM

مشروع جددا ناجح بس التكاليف متعبه جدا ..

الله يسهل يارب ..

رؤية صادقة · #77 (**permalink**) 15-04-2013, 04:44 AM

نفس فكرة اخوي قبل كم سنه لكن التكاليف منعته لكن بجد مرررررربح

العازف السعيد · #78 (**permalink**) 15-04-2013, 05:56 PM

المشروع جدا ممتاز . لكن لنتكلم عن التكاليف كم تتوقعون يكفي له اذا كنت بتسوي مشروع محترم و ممتاز؟ و كم الدخل المتوقع له تقريبا ؟و اذا مان بالرياض افضل الامكان لهل مشاريع ؟ الثمامة مثلا ؟

صاحبة الليل · #79 (**permalink**) 15-04-2013, 11:24 PM

أخواني مسوين ملعب وماشاء الله ناجح ومطلع ذهب
أهم شيء الأرض إذا عندك خلاص ولا تنسا إيجار الملعب بالساعات مو باليوم

تغيير 0519 · #80 (**permalink**) 09-10-2013, 04:57 PM

اقتباس:

المشاركة الأصلية كتبت بواسطة النجيلة الصناعية

مرحبا ,,
المشروع رائع جداً خصوصاً اني درسته جيداً ونفذت مشاريع تسليم مفتاح ..
والان ناوي افتح مشروعي الشخصي ان شاء الله ,, هذا ردي واقتباس لي
باحد المواضيع :

مرحبا اخوي ,,

هذا ثاني رد لي , لأن الرد الاول كتبته بالجوال بالاخير طار

شف يالغالي .. انا مسوي دراسة جدوى قبل سنة للمشروع , واعدت دراسة الجدوى ( مجددة ) قبل 6 اشهر
طبعاً دراسة الجدوى اعتمدت على البحث بالسوق + اقمت 5 مشاريع ( الرياض - حفر الباطن - تبوك )
ومو شرط اكون صاحب المشروع , انا كنت الشركة المنفذة للمشروع , بعضها فرش نجيلة وبعضها مشروع كاملاً بالتسوير والمرافق ( تسليم مفتاح )

اذا انت جاد وصامل ارسلت لك دراسة الجدوى بالتفصيل ,,

عموماً بطرح نقاط سريعة ع البال :
* تختلف ميزانية المشروع حسب ( تأجير الارض - عدد الملاعب واطوالها - نوع تسوير الارض - المرافق ) ماعدا ذلك لايذكر .
* على حسب رؤيتي للمشروع ومعاصرتي لأكثر من مالك , يفضل وضع ملعبين على الاقل ,, وان لاتقل اطوال الملعب عن ( 58 × 33 ) .
* لاتتردد في الاختيار بين النجيلة الصناعية و الزراعية , الأولى أوفر كثير , وتردد في اختيار الشركة المنفذة ( من ناحية سعر و اعمال الشركة ) وانتبه من الشركات الي سمعتها شينة .
* تكلفة المشروع التقريبية ( 299.444 الى 350.000 ) بدون تأجير الارض .
* الدخل الشهري ( 22.000 - 60.000 ) يخصم منها قيمة التأجير الشهري وراتب العامل والكهرب والماء .
* فيه اكثر من طريقة تزيد فيها الدخل , مثل استضافة كوفي شوب لمباريات الدوري وغيرها .
* انتبه تفكر تاخذ رخصة تأجير ملعب , لأن الرخصة تحتاج انك تروح رعاية الشباب , ومجرد مايذكر اسم رعاية الشباب في أي مكان معناتها الموضوع انتهى اذا مافيه واسطة , فالمفروض تطلع رخصة تأجير استراحة مثل جميع الملاعب الموجودة على اشتراط ماتكتب على اللوحة ( اكاديمية ) .

اذا محتاج اسعار النجيلة الصناعية والزراعية بلغني وارسلها لك على الخاص ..

ابراهيم العمران - مؤسسة العشب الصناعي

عندي سؤال اذا تسمح .. مشروعك بأي مدينة ؟

اخوي ممكن تراسلني في الخااص