تجمـع الموجهين .. للشرقيـه

مجرد موآطن · #**171** (**permalink**) 07-09-2011, 02:38 PM

بسم الله الرحمن الرحيم

السلام عليكم ورحمة الله وبركاته

الحمد لله رب العالمين تم توجيهي لدراين - القطيف

انا و 4 من اخويائي كلنا في نفس المكان - الحمد لله

في 3 من العيال وجهوهم بعيد مرره
واحد للخفجي
وواحد للنعيريه
وواحد لقرية العليا

الحمد لله الحمد لله الحمد لله

راحت امانينا · #**172** (**permalink**) 07-09-2011, 03:12 PM

الحمد الله تم تعيني في سيهااات وانا من اهل الاحساااء

صالح العذيبي · #**173** (**permalink**) 07-09-2011, 03:37 PM

[align=center] بسم الله الرحمن الرحيم
السلام عليكم ورحمة الله وبركاته
ألف مبروك .. التوجيه
صراحه انا وجهوني النعيريه في متوسطة مجمع الحسي
واللي هون علي النعيريه معي 4 من اخوياي 2 قريب مني و2 بالصرار مسافة نصف ساعه
ياشباب اللي يعرف اي شيء عن مجمع الحسي ياليت يفيدني
0559828586
[/align]

مجرد موآطن · #**174** (**permalink**) 07-09-2011, 04:19 PM

اقتباس:

المشاركة الأصلية كتبت بواسطة راحت امانينا

الحمد الله تم تعيني في سيهااات وانا من اهل الاحساااء

موفق بإذن الله ... لك مني أجمل تحية .
ألف مبروك ..

حي الله أهلي . . أهل الأحساء
وش تخصصك !!

راحت امانينا · #**175** (**permalink**) 07-09-2011, 04:24 PM

اقتباس:

المشاركة الأصلية كتبت بواسطة مجرد موآطن

موفق بإذن الله ... لك مني أجمل تحية .
ألف مبروك ..

حي الله أهلي . . أهل الأحساء
وش تخصصك !!

الله يحييك ويبقيك يالغلاا

تخصصي لغة انجليزية

مارد الليث · #**176** (**permalink**) 07-09-2011, 04:28 PM

مجرد مواطن ,, كيف حالك ؟ إن شاء الله طيب
ذكرت في رد سابق إنك تشتري كتاب التحضير جاهز !! ؟ حبذا لو تزودنا بمعلومات حوله
وأيضاً ذكرت بأن العلاوة السنوية 510 وعلى حسب علمي المتواضع أنها 440 !! فما رأيكـ ؟
وأيضا ذكرت شيئاً عن قفزة للمرتبة السادسة ,, ياليت لو توضح هذه كذلك ^^
واعذرنا على كثرة الأسئلة

مارد الليث · #**177** (**permalink**) 07-09-2011, 04:31 PM

إذا في أحد من خارج الشرقية وتعين في الخبر , ياليت يتواصل معي وشكراً

مجرد موآطن · #**178** (**permalink**) 07-09-2011, 04:31 PM

وش رايكم بالفوضى الي صارت اليوم
يوم قالو بيوزعون خطابات التوجه . . . حسيت ان حنا في سوق حراج

بصراحة . . . ديموقراطية في غير محلها

مارد الليث · #**179** (**permalink**) 07-09-2011, 04:37 PM

قيل بأنه سيتم تسليمنا خطاب موجه للخدمة المدنية بخصوص تغيير المهنة ولم يحدث ذلك !
كما أنه لابد من المباشرة يوم السبت وهناك ورقة لابد من أن تكون مختمة من البنك تفيد برقم الحساب والبنوك مقفلة يوم الخميس والجمعة ! فما العمل ؟

مجرد موآطن · #**180** (**permalink**) 07-09-2011, 05:05 PM

اقتباس:

المشاركة الأصلية كتبت بواسطة مارد الليث

مجرد مواطن ,, كيف حالك ؟ إن شاء الله طيب
طيب الله يطيب حالك

انت كيف حالك ان شاء الله بصحه وسلامه . .

ذكرت في رد سابق إنك تشتري كتاب التحضير جاهز !! ؟ حبذا لو تزودنا بمعلومات حوله
الدفتر يجي جاهز وموجود في اغلب المكتبات ويجي ملون وابيض واسود ، واغلب الناس يشترون تحضير لشخص اسمه فواز الحربي. . .مجرد انك تعبي التاريخ والفصل واليوم و و و . . سهل جداً
ما راح اكثر كلام . . الصور تكفي

وأيضاً ذكرت بأن العلاوة السنوية 510 وعلى حسب علمي المتواضع أنها 440 !! فما رأيكـ ؟
نعم . . . في السابق كانت العلاوة السنوية مثل ما تفضلت 440 ريال . . . لكن الان 510 ريال وهذا سلم الرواتب . . .
المستوى الخامس

االمستوى الرابع:

وأيضا ذكرت شيئاً عن قفزة للمرتبة السادسة ,, ياليت لو توضح هذه كذلك ^^
لا يلتبس عليك الأمر
راح افهمك بشكل مبسط جداً وبعدها شوف جدول سلم الرواتب وانت بتعرف وش اقصد وانا حددت لك الدرجة الخامسه باللون الازرق في الصور اعلاه وشوف الدرجة السادسة الي بعدها واحسب الفرق . .

انت الان راح تجيك العلاوة السنوية قدرها 510 ريال للخمس السنوات الاولى من الخدمة . . . ولما توصل للسنة السادسة راح تكون الزيادة ماهي 510 ريال لآ . . راح تكون 946.4 ريال
يعني لو انت تربوي ومتعين على المستوى الخامس ، لما توصل للسنة الخامسة في الخدمة يكون راتبك 9891 ريال والسنة الي بعدها ، يعني تصير خدمتك 6 سنوات يقفز راتبك الى 10837.4 ريال اي بمقدار 946.4 ريال بدل 510 ريال.
والقفزه هذي مره وحده بس . يعني لا تظن انها في كل الدرجات . لانك برتجع لما توصل الدرجة السابعه للعلاوة السنوية 510 ريال ويصير راتبك وقتها 11301.50 ريال . . .
واعذرنا على كثرة الأسئلة

واذا في اي استفسار انا حاضر بالي اقدر عليه
واعذرني على التاخير لاني رحت اصلي وتوني جاي من شوي
واعذروني على الاطالة او الأخطاء الاملائية . . .

تحياتي لك