طيب يا أحبابي في الله . .

الآن مثل ما أنتو عآرفين الواحد مطفر ولا معه الا مبلغ قليل ، هل كيف راح يدبر ويمشي أموره ، مثلاً :
أجار الشقة . .
العزبة (أكل وشرب) . .
المصروف اليومي من بنزين ومغسلة للثياب وشحن جوال و و و . .
لوازم المدرسة . .
- - - - - - - - - -

قرأت مشاركة سابقة لأحد الأخوان يقول ان ادارة التعليم تسلفك صح؟؟
كم المبلغ ؟؟
ومتى أردهـ لهم؟؟
وهل ياخذون هامش ربح او فوائد >> الاخ ماخذ قرض من البنك

- - - - - - - - -
ايضاً استفسار آخر مهم بالنسبة لي :

متى أستطيع آخذ قرض من البنك ؟؟
انا سمعت انك ما تستحق القرض الا بعد الراتب الثالث . . هل هذا صح ولا خطأ ؟؟

- - - - - - - -

ايضاً استفسار لمن لديه العلم:
بالنسبة للمتعاقدين مع الإدارات السنة الماضية ( اخص ادارة الرياض) مثل ما حنا سمعنا في الايام السابقة ان الوزارة وجهت بصرف رواتب في الاجازهـ ، ولا شفنا شي من الادارة الى الان
راواتب الاجازة راح تفك ازمه ماليه عويصه راح نواجهها في الايام القادمة
هل في احد عنده خبر عن الرواتب . . . ولا لهطو الدراهم ونردد ياليل ما اطولك!!