بسم الله الرحمن الرحيم

السلام عليكم ورحمة الله وبركاته

بالنسبة لي انا معلم ابتدائي لان البكالريوس الي معي ( بكالريوس تعليم ابتدائي )
عشآآن كذآ ما رآح ادرس غير الابتدائي ولا لي رغبه في غيرهم . . .

اما السبب ، فشئت أم أبيت ما رآح أدرس غير الابتدائي بحكم الشهادة . . .

أما بالنسبة للمهام والاستعداد ف والله ما شلت هم شي كثر ماني شايل هم مكان التوجيه. . .

بالنسبة للتحضير اشتريه جاهز من المكتبة ، وكلها ملف واحط فيه التحاضير الاسبوعيه واكتب التاريخ واخذ لي لفه على الدرس في الكتاب وانتهى الموضوع . .

اما بالنسبة للمناهج انا بالنسبة لي اعرف المنهج زين ما زين ومافي اسهل منه بحكم تخصصنا سهل جداً ، وكل الي درسناهـ في المرحلة الجامعية هو الي في المنهج الدراسي . . .
وفوق كذآ انا السنة الماضيه كنت متعاقد في الرياض . . . يعني درست وعندي خلفيه عن المناهج و خلفيه بسيطه عن الطلاب . . .

بالنسبة لطلاب المرحلة الابتدائية ،لازم تنزل مستوى عقلك لهم وتعاملهم بصرامه وجديه وحذر وفي نفس الوقت بنوع من اللين بحكم انه صغير السن والعقل ولا تصير عسر وجاف مع الطلاب لدرجة انهم يكرهونك ((لاتكن ليناً فتعصر ولا تكن يابساً فتكسر)) ، واطفال اليوم يفهمون كل شي ويعرفون الي انا وانت ما عرفناه الا وحنا كبآر . . .
وايضاً فيهم ذكآء ومكر عجيب جداً . . .

في مثل يقولونه : (( الرمح من أول ركزهـ )) . . . يعني اهم شي اول الايام الي تدخل فيه على الطلاب . . . ان حسو انك معطيهم وجه وتضحك وتنكت وربي لا تصير مهزلة ومسخرة الطلاب وراح يستقوون عليك ولا يبالون لك ولا كأنك موجود . انتبه لا تعطي الطالب وجه ولا تضحك معه . . . خلك صارم وجاد ،افرض نفسك بقوة شخصيتك وليس بالعنف او الضرب ، صدقني في النهاية الطالب هو الي بيحتاج لك مو انت بتحتاج له ، يعني خل الطالب هو الي يسعى لرضاك . . .

- - - - - - - - - - - - - -


في نقاط مهمه جداً للمعلمين الجدد الي أول مرهـ يدرسون:
راح اختصرها:
أولاً: الادارة المدرسية: (المدير - الوكيل - المرشد الطلابي )
تذكر ان مرجعك الأساسي في المدرسة هي الادارة المدرسية ، لا تحاول تتصرف اي تصرف ينتج عنه عواقب وخيمه ، الا والادارة على علم ودرايه.
لا تسكت عن حقوقك ابداً ولا تقول هذا مدير ما ادري ايش ، لانك لو تنازلت عن شيء ، راح تتنازل عن 100 شيء بعدهـ ، خاصة في نصاب الحصص او اليوم الذهبي او الاشراف او وسائل وادوات الشرح او او او . . اطلب المساواهـ والعدل بين جميع المعلمين ، لان بعض المدراء يضبط فلان وفلان من اخوياه وجماعته على حسابك انت يا الجديد ، والجلد راح يكون على ظهرك.. وانا ذقت المر والعلقم من هالشي ، لكني تعلمت والمؤمن لا يلدغ من الجحر مرتين . .
ثانياً الطلاب . .
- دائماً الطالب ما يبحث عن شيء يخدشك فيه او يعلق عليه ، فحرص انك تكون بكامل جاهزيتك الظاهريه . . .
- الطالب دائماً يستخدم اسلوب جس النبض ( الاستهبال والغباء والاستفزاز والتجاهل المتعمد و و . . . يشوف ردة فعلك.

- في نسبة كبيره من الطلاب تقتدي بك يا المعلم ، في شخصيتك ، في مظهرك الخارجي خاصة الطلاب الهادئين الاذكياء والممتازين ، ويحاول ان يتقرب منك ويظهر لك ابداعه وشطارته عشان تثني عليه . . .

- راح تواجه بعض الأسئلة اللاذعه والقويه من بعض الطلاب ، والي راح تسبب لك احراج قوي جداً ، وهالاسئلة اما تكون في المناهج الدراسية او في شخصيتك وامورك الخاصة.

- حآول تكسب الطالب في صفك وتبين له انك منت متسلط عليه ، وانك هنا عشان تعلمه وتفهمه . .

- حاول تحل مشاكلك الصفيه دآخل الصف ، خآصة المشاكل الصغير او العادية (فلان عاب علي _ فلان عطاني راشدي _ فلان سرق ريالي وفلان شق دفتري ولاكتابي و و و ). . لانك صاحب السلطة العليا والادارة داخل الصف،ولا تكثر من ارسال الطلاب للمدير او الوكيل او المرشد، لان هالشي يسبب ضعف في شخصيتك في عيون الطلاب ، لانهم راح يفهمون انك ما تعرف تتصرف او تحل المشكلة. .
اخر نقطه : اشغل الطالب قبل لا يشغلك ( من الرنه الى الرنه )

تحياتي لكم ، وآسف ع الاطالة . . . .

مجرد موآطن

جزاك الله خير ويعلم الله اني كنت محتاج لتوضيح هالشغلات لقدم عهدي بها ،،،

ذكرت الله يسلمك:

الله يجزاك خير وما قصرت ... كفيت ووفيت

سؤالي : هل المعلم ملزم بالتواجد في المدرسة عدا الحصص والطابور والأمور التي ذكرتها من اشراف وغيره؟ ..

خاصة إن كانت هناك ظروف من مواعيد طبية وغيره

جزاك الله خير اخي مجرد مواطن

في نقطة ابدت اهتمامي
اللي هي 24حصه + 2 انتظار

اللي اعرفه ان المعلم اللي عنده 24 حصه ما ياخذ حصص انتظار
اما المعلم اللي عنده اقل من 24 حصه اهو اللي ياخذ انتظار

اهم خطوة لك و هي خطوة تريحك طوال العام ... شخصيتك اول اسبوع ستحدد تعامل الطلاب معك ....

الاختبارات لا ترحمهم و افضل شي ان تجعل الطالب تحت رحمتك بالدرجات و لا ياخذ شي بيده ... اسالوااا خبره

يا اخوان افيدونا ... كم الراتب؟
تربوي وغير تربوي ...
وهل العلاوة نفسها أم تختلف؟