أخوي أنا معلم تعينت العام الماضي مثلك .. وحطوني بالقريات .. صدقني أنك بتنبسط بالحيل بالحيل .. أهل القريات ناس طيبين وفي حالهم .. والتدريس هناك راحة وفلة على كيفك .. فيه مناطقة أنصحك فيها تطلبها .. الحماد ولكنها تبعد 70 كيلو عن القريات لكن ما حولك أحد .. وعندك الناصفة وغطي تبعد حوالي 20 إلى 30 كيلو والدوام فلة .. ناس محترمين ويقدرون .. أبتعد عن متوسطة الغزالي وعن مدرسة نسيت أسمها لكن مديرها دوسري شديد بالحيل وتعامله سئ وعالعموم وسط القريات فيها مدارس حلوه وفيه مدارس سيئة فحاول أنك تكون برا القريات .. والحديثة كويسة لها سكن خاص للعزاب والعوايل .. لكن فها شده بالعمل وتبعد عن القريات 30 كيلو
بالنسبة للخدمات .. القريات فيها جميع الدوائر الحكومية الرسمية على الرغم من صغرها .. والبنوك الموجودة الأهلي والبلاد والراجحي والرياض فقط هذه أقرب البنوك لك .. وفيها مطار أيضا ولا يبعد سوى 15 كيلو عنها فقط
واللي أعرفه ما فيه طريقة تسمح لك بالنقل غير النقل الداخلي اللي يجي نهاية السنة وصدقني بتنقل بالراحة وخصوصا للمناطق اللي انت ذكرتها .. بس أنت فلها وأستانس وأحمد ربك فيه ناس توجهوا لنجران غربه صح ومناطق نائية عن الخدمات
تحياتي لك