[align=center]
[align=center]
السلام عليكم ... اخواني انا عندنآ في المنطقه ( بدون ذكر اسمها )

قطعه ارض يمكن 600 م طيب المهم عليها انارات فوق ودي اسال هل هي للبلديه ؟؟!!

واذا ما كانت للبلديه وشريتها هل تتوقعون اني لو زرعتها وحطيت اهداف وحطيت ملعب

محترم مزورع أقدر أأجرها بالساعات ويكون عليها اقبال .. بالنسبه للمنطقه اللي انا ساكن

فيها فيها شباب زحمه ما شاء الله و 90% في الميه منهم يحبون كره القدم ~

وكم تتوقعون الاجار بالساعه ( طبعا راح يكون قطيّه بين الشباب اللي بيلعبون عشان

ما يحسون بالسعر ) ! ..

وهل تتوقعون لازم موافقه من نفس محافظ المنطقة او من رعاية الشباب ؟؟!!!!!!!!!!


عسى الله يوفقكم . < مع اني مديون بس مخربها يعني بأذن الله طالعين من الدين طالعين ..

لا يأس مع الحياه ولآ حيآه مع اليآس . عنوآني التفاؤل
[/align]
[/align]

[align=right]والله ياخوي ، أنا بقولك على شغله ،

أولاً : الفكرة مربحة و مجنونة ، ودخلها خيآلي باذن الله ومضمون ..!
تحت شروط معينه !

يكون الملعب مقبول من الشباب ( يفضل الانجيلة الصناعية ) ..
يكون الملعب واسع أقل شيء ( 8×8 ) ..

ايضاحات :
سعر الانجيلة الصناعية بالمتر ( 70 الى 150 ) ريآل ..
لو أفترضنآ أن متوسط السعر ( 90 × 600 = 54000 ريآل ) للانجيلة مع التركيب ..
الانارة تاخذ حوالي 7 الى 10 الاف ريآل ( انارة ممتازة ) ..
تحتاج شبوك حول الملعب مع اعمدة الانارة ، بارتفاع تقريبي ( 8 متر ) " لا اعرف السعر الصحيح عشان كذا ماراح افتيك "

بالنسبة للتراخيص ( ترخيص من البلدية و رعاية الشباب ) .. ورعاية الشباب لهم اشتراطات معينه لا اعلمها بصراحة بس البلدية امرها هين ..

كلامي كله تقريبي ، يعني .. وبيني وبينك المساحة صغيرة مقارنة باحتياج الشباب ..

بالنسبة للاسعار ، انا اشوف الساعة بـ 120 الى 170 ، والسبب ضيق المساحة

بالنسبة للاقبال / على حسب المنطقة اللي انت فيها دامهم يحبون اللعب .. ان شاء الله تكون مفيدة لك ، والاهم استخير واسال اهل تجربة بالموضوع ..

موضوع مفيد لك ( اضغط هنآ ) راح تلاقي بنفس الموضوع .. ( عدة مواضيع تتكلم عن المشروع ) ..

اتمنى اكون افدتك
[/align]

ملعب ومساحة 600 م ما اعتقد بأنها راح تصلح لانها صغيره مرررررره ..

ويعتمد على أطوال الأرض الطول والعرض ...

مشروع ناجح لو كانت الأرض كبيره نوعا ما اعتقد مساحه 3 الاف متر مناسبه جدا ..

بالتوفيق وكل عام وانت بخير