اما الي يتعين في ذاك المنطقة (صبيا وما جاورها ) اتحدى يمر شهر وسيارتك سالمة من الصدمات , انا دايما اروحها حرام انها سيارات اخر موديل محكحكة من الصدام الى الصدام , مافيه شبر الا وفيه صدمة , هذا القات لعب فيهم لعب , وزيادة وانت ماشي في خطك ويجيك يشطفك على 200 , واغلب السيارات لا يوجد لها مرايات , انا صراحة ما ابي اخوفكم لكن الوقايةخير من العلاج , يعني خلك مصحصح , بس صراحة يا اهلها بتتأقلم معهم , يعني لو تمشي عاري ما احد يدور لك الطلاب طيبين مرررة وحالتهم شوي صعبة ,,
اما عن المنطقة : فالجو حار صيفا دافيء شتاء مثل اجواء تهامة بصفة عامة (يعني مايحتاج لباس شتوي ابدا) , تقع في الجنوب الغربي من المملكة , اما الي من القصيم او الشرقية او الرياض فيروح الى ابها ومن ثم على خط جيزان يعني على عقبة ضلع (يعني من ابها الى صبيا تقريبا 180 كم ) وتقع منطقة صبيا قبل جيزان ب25 كم تقريبا اما الي في تبوك او المدينة او الطائف او مكة وجدة فيمسكون خط الساحل ,,
اما الشقق والايجارات فأيام الفخفخة والدلع راحت(خلاص يازين من حبكم عزلنا) , يعني اذا لقيت شقة ابو كلب فنعمة , اما الاسعار بإذن الله طيبة جدا,,
المعذرة من الله ثم من اهل صبيا ان كنت جحفت فيهم , لكن ابي اوصل لهم المعلومة صح بقدر المستطاع , وانا صراحة ساكن في ابها واتمنى ان يجي تعييني في صبيا ,
اتمنى اني افتدكم ,,,,,,
واي استفسار انا حاضر ,,,