حاۉلت أغيّر فيڪَ ..من ڪَثر ما اغليڪَ .. ~


البارحه مابين.. وشلون.. يمديك !!
في يوم واحد يا حبيبي تغيّرت

الليل خلاني وخلا طواريك
تلعب بقلبي كل ماداخلي ثرت

سويت شين حدني غصب ماجيك
وإلا قبل لاسير الليل سيرت

هدمت كل اللي بنيت بتجافيك
هدمت!! لاوالله بالعون دمرت

خليتني ماقلت لي شلون أخليك
ليتك بحالي قبل مارحت ناظرت

الله كريم يصبر أشواق مغليك
لاقام ينثرني غلاك وتناثرت

والله يسامح قلبي إللي مواليك
أخذت كل إللي تبي منه وانكرت

منهار جيت العام تسبق خطاويك
واليوم ماكنك قبل جيت وانهرت

في ذمتك لامن تذكرت ماضيك
من يطري في بالك أليا من تذكرت؟؟

من كثر مافكرت وشلون أراضيك
وياك في نفسي ولا يوم فكرت

على كثر ماكنت متمسكن فيك
وعلى كثر ما احتجتني ماتعذرت

جيتك وعندي حاجتن بين أياديك
والمشكله تقدر عليها وقصرت

رح بشر إللي ملتفت لك يناديك
قله تركته لخاطرك ماتأخرت

صدقني إنها غلطتي يوم أداريك
ولا إنت لولا غلطتي كان ماصرت

كبرتك بعين البعيد وحواليك
أبيك تكبر والمصيبه تكبرت

حاولت أغير فيك من كثر ما اغليك
قدرت..لكنك عليّه تغيّرت