السلام عليكم ورحمة الله وبركاته

ياشباب كيف حالكم خلاصة الكلام وبكل أختصار

اليوم جاني المهندس تو نزلته من الطيارة والحين راكب الى الباب الايمن جايين من المطار
المهندس مهنته تصميم مواقع الى أخره , قلت له اشتغل في محل الحاسب الألي , قال أخوه
اللي هو جايبه لي , محل الحاسب شغل فورمات هذا بسيط , هذا نفر يبغى شغل كبير في التصاميم
المهم العامل يبي يشتغل في تصاميم المواقع , بس مايعرف طريقة التصاميم عندنا هنا يعني يبي
يعرف وشهي الطريقة المطلوبة في التصاميم يبي شويه تمهيد لين يعرف , بعدين هو يشتغل من
نفسه ,,, انا ماعندي اي خلفية وهو شارط علي يشتغل في شركة , وانا بحاول اكسبه واشغله
في مشروع او أقل شي يشتغل عند واحد أعرفه ,,, العامل وراني موقع له مصصمه باين عليه فاهم
ولاكن الان ايش اسوي معه مع اني مشغول الايام ,, وهذا العامل يعتبر جزء من مشاريع
التجارة الالكترونية // لانه على الكفالة وابي حاول يستفيد , وابيكم انتم تستفيدون قبل ان تستفيد
الشركة اللي بتاخذه , .



الموقع الرياض .

وعليكم السلام ورحمة الله وبركاته

ماشاء الله تبارك الله

بالنسبة للمواقع عليه بلغات البرمجة PHP , ASP.NET وهو اكيد عارف الكثير من خباياها ولكن عليه الاطلاع على نماذج المواقع للشركات والمؤسسات والافراد ليأخذ فكرة .

ايضا افضل ان لا يكون محصور في المواقع فهذا الشئ يقوم به الكثير الكثير حاول تدخله بمجال الشبكات لو هو فاهم منه خير تصميم وبرمجة وتركيب الشبكات للمؤؤسات والشركات .


بالتوووفيق يالغااالي

هو اساسا اخوه قال يبي يجي وبيروح يشتغل بشركة , قلت ابشر , والحين جاه وابي استفيد منه قبل لايروح لشركات , لانه اهو مصمم موقع ماادري لشركة او لمؤسسه , فا عشان كذا ابحث عن طريقة اكتسابه او حتى
العمل لشخص ما , ويكون قريب من موقعي واعرف شغله وعمله صح ,, اذا راح لشركات بيخليني ولاراح يرضى
بالراتب اللي بعطيه او اللي بعطيه اي شخص مثلي مثلك .

أعطينا اسم الموقع وعنوانه عشان نشوف تصميمه ونقيمه لك
بالتوفيق

العامل توه جاي / مابعد اشتغل , ويقول ابي محل او احد مصمم اعمل معه لو براتب بسيط , لين يمسك مساره
وفي النهاية انا الامر والناهي عليه , بدون مااظلمه , وبحاول ابحث له عن عمل معكم او مع اي احد اعرفه
واللي يبي عنده مهنه ويبي يشوف العامل وشغلة انا تحت امركم ,,,,,

موفق بإذن الله ... لك مني أجمل تحية .

وعليكم السلآم ورحمة الله وبركاته . .

بختصر لك خطوة قد تكون صعبهـ عليكـ شوي ولكن صدقني هي اسهل مما تتوقع لشخص لو وفر للمحل كم ساعه باليوم وبعض المعآرفـ والعلآقآت ..

افتح محل تخصصه تصميم وبرمجة مواقع فقط .. وصدقني بتشتغل شغل غير طبيعي في حالة المصمم الي عندك ممتاز طبعآ البرمجة تتفق مع مبرمج او قروب مبرمجين من جامعة الملك سعود لطلآب لهم مشآريع قوية وبكذآ تكون انت استفدت وافدت ناس معاك .. في حالة الطلبآت كثرة على التصميم بامكانك طلب مصمم متعاون اون لآين

وانصحك بالمصممين الاردنيين لآنهم مدرسة بالتصميم بشكل عام . .طبعآ الفئآت المستهدفة تكون شركات مواقع كبيرة .. او تجيب مصمم متخصص بسكربت معين بتصميمه بشكل ممتاز .. والتصميم فيه شغلآت كثيرة مثلآ عندك توزيع التصآميم بـ css عندك التقطيع عندك تصميم هيدرات مواقع او فوتر

والله يوفقك .. ونصيحة لو تبي تشتغل بالمجآل هذآ حاول تخلي الشغل بالنسبه مع رآتب بسيط جدآ .. وجيب لك مندوب مبيعآت يرآسل الشركات والمؤسسات والجامعات والدوائر الحكومية عشآن الكل يعرفكم ..

وين اصحاب التصاميم