لاتزعل مني انا بعد
بس ذكرتني بواحد من الشباب
راكب معي بالسيارة ورايقين ومستكنين .. فجأة قال يافلان لقيت طريقة اجمع بها مليون ريال .
قلت له كفو ذيبان هات ماعندك .. قال نجيب ورقة ونكتب فيها اسماء كل اللي نعرفهم .. المهم نوصلهم مليون شخص .. وباروح لكل واحد منهم واقول له هات ريال .. كلهم بيقولوا الريال ولا شي خذ هذا ريال .. وباجمع مليون ريال
بعد اخذ وشد وعطا معاه انه ماحد بيعطيه ريال كذا ببلاش قال خلاص اجل جهز لي مليون نصيحة كل واحد اخذ منه الريال باعطيه ورقة صغيرة مكتوب فيها نصيحة واكيد النصيحة تسوى مية ريال مو بس ريال واحد ...








من يومها غسلت يدي منه من ناحية المشاريع والفلوس ههههههه


تبينا نتكلم بجدية الحين ؟
مو صعب انك تتعرف على تجار ، ومعرفة الرجال تجارة .. مو شرط كلهم يكونوا تجار .. انت بمعرفتك واحترامك وتقديرك لفلان تقدر توصل لعلاقاته كاملة ..
بمعنى سعد يعرف عبدالله .. وسعد محترم مع عبدالله ماتطلع منه العيبة وشوي شوي مع الوقت صاروا يمونون على بعض ويخدمون بعض .. انت لو احتجت بيوم مثلاً تاجر متخصص بمواد البناء بتلاقي عبدالله ماقصر معك بيوديك لتاجر يعرفه .. وهكذا انت ياطويل العمر بتكون علاقة مع هذا التاجر الوسيط بينكم عبدالله ، اتمنى تكون وضحت الصورة ، لكن بالطريقة اللي تقصدها ياطويل العمر ماراح توصل لشيء ، التاجر اللي قدر يكون نفسه مثل مايقولون حبة حبة اول مابيدري انك جاي تتعرف عليه عشان هالشيء نظرته لك بتتغير ناهيك عن انه ينفذ لك اللي تبي .
الله يوفقك انت ماشاءالله عليك مخك نظيف لكن تحتاج تركز على شيء معين ومعقول شان تتفوق فيه اخوي سعد

يا هلا بكم جميعا

للتوضيح يا احبائي انا اطرح المشاريع ليس لأستفيد إلا من الاجر من الله ولو كنت ابي تمويل او شراكه ما اعلنت افكاري للملأ وبموضوع عام ..... المسأله اهم من المال بالنسبه لي فلو شاف احد العاطلين فكرة مشروع كتبتها انا وطبقها واستفاد وذكرني بدعوه صالحه بتكون افضل عندي من كنوز الارض


وبأذن الله راح اطرح المشاريع و الافكار ما دام في العمر بقيه وبالنسبه للمشروع هذا فأنه ماهو صعب بس يحتاج وقت مثل ما ذكرت .... وقت يعني اشهر وربما سنه لكن بالنتيجه راح يظهر مشروع يستفيد منه الوف الناس

اما العدد ليس مربوط بألف لكن قدر الاستطاعه

ارجو اني وضحت المقصد ودمتم بخير

الموضوع صعب زي ماقالوا الاخوان