استفسار عن الدفاع المدني الله يوفق اللي يدخل

اسفون · #1 (**permalink**) 02-09-2011, 05:53 PM

السلام عليكم
انا قبل سنة لو قدمت على الدفاع المدني راح يقبلوني بس ماقدمت
وألحين جارنا يقول بيتوسط لي بس مدري وش بيتوسط لي فيه بس قال لي الدفاع المدني

المهم انا مدري وش تنصحوني
واذا دخلت الدفاع المدني الدورة كم شهر ؟
ووش التخصصات
وش السالفه انا فجأه لقيت نفسي مضطر ادخل الدفاع المدني مع اني كنت ما أبي
ابيكم تفيدوني من جميع النواحي

وقت الرحيل · #2 (**permalink**) 02-09-2011, 06:14 PM

ان سمعت ان الدورة حق الدفاع المدني مافية كرف اي تعب يقول ان الدورة بديتها دوام من الساعة 7 الي 12 هذا ان الي سمعته
عاد التخصص في نص الدورة هم يحطونك
ونصيحتي لك الدفاع المدني لايفوتك
الدورة مدتها 9 اشهر احتمل

م يصير · #3 (**permalink**) 02-09-2011, 07:38 PM

ليس كل م يشتهي المرء يدركه
م تدري إذا بتمشي فيه وإلا لا , لكن الله يوفق الجميع
الحين من كثر العطاله الناس صارت تبي أي شي تتوظف فيه
والدفاع المدني مره حلو
إذا ع الدورة على حسب اللي سمعته من الأخوان إنها 8 شهور
والتخصصات : مسعف , إطفاء , منقذ ... إلخ
ماني فآكر وش بعد
والله يكتب اللي فيه الخير ي بعدي

خالد وحبي خالد · #4 (**permalink**) 02-09-2011, 09:13 PM

انا الحين في الدورة في عسير .

الدورة 8 شهور . والتخصصات . فيه كثير تخصصات

بس إلي يقبلون الثانوي . تخصصات ( سايق - اداري - غوص )

سايق لازم يكون معه شهادة رخصه عمومي

الاداري لازم يكون معه شهادة حاسب

الغواص لازم يكون يعرف يسبح ويكون معه شهادة غوص

اي استفسار ثاني انا حاضر

والحين صارت الدورات حجز وفيها سكن

م يصير · #5 (**permalink**) 02-09-2011, 09:38 PM

اقتباس:

المشاركة الأصلية كتبت بواسطة خالد وحبي خالد

انا الحين في الدورة في عسير .

الدورة 8 شهور . والتخصصات . فيه كثير تخصصات

بس إلي يقبلون الثانوي . تخصصات ( سايق - اداري - غوص )

سايق لازم يكون معه شهادة رخصه عمومي

الاداري لازم يكون معه شهادة حاسب

الغواص لازم يكون يعرف يسبح ويكون معه شهادة غوص

اي استفسار ثاني انا حاضر

والحين صارت الدورات حجز وفيها سكن

طيب يالغالي دام أنك بالدورة وكذآ
الرتب الثآنيه وش تخصصآتهم وهل يختبرون السباحة والغوص ؟؟
كيف الدورة تعب وملل وإلا تحس إنك مع الشباب بالوناسه ؟؟
ي ليت تشرح لنا

وحدشلي فرحان · #6 (**permalink**) 02-09-2011, 11:45 PM

لا تترك الدفاع المندي نصيحة واحد عاطل

رباح الاسهم · #7 (**permalink**) 03-09-2011, 02:53 AM

اللي يسأل عن الدفاع المدني وانا للان بالدورة وقريب باخلص تقريبا باقي شهرين وبيودونا الحج وبعدها بروفات ومن ثم التخرج باذن الله.

المهم دخلنا الدورة في تاريخ 23/3/1432هـ محلقين رؤوسنا وشايلين عفشنا وثيابنا في شنطتنا منها صابون وادوات نظافة ومعطر و520 ريال وبدلتين رياضة زرقاء كامل الكم وموس للحلاقة وقالوا الينا سوف تدخلون 45 يوم مافي طلعة والزيارة للاهل كل اسبوعين فلا جوال ولا دخان ولا هروب من المركز ،

المهم اول يوم اوراق معلقة تاخذ معلوماتك في اي فصيل وكم رقمك لانه جزؤونا الى 10 فصايل ورتبونا طوابير في الملعب يسمونه ميدان واستنى دورك في الطابور تعطيهم صورتين حتى يجهزوا لك بطاقة الطالب وغيره ... طبعا من الحين لا تسمعوا لاي اشاعة من الطلاب ولو كان ولد قائد المركز، كلها كذب...

المهم رحلونا الى السكن وكل 20 تقريبا في غرفة يسموها حضيرة ، ورتبنا اغراضنا ورتبنا السرير والغرفة حلوووة وتكون احلى اذا معك ناس من نفس ديرتك او ناس طيبين وحلوين، وقعدنا نسولف لين جا وقت الصلاة نزلنا ببدلة الرياضة وصلينا وبعدها الغدا وكان الجو حلو بارد بالشرقية وعلمونا بعد الغداء على بعض الامور العسكرية مثل:

1. يمينًا تراصف : يعني كل واحد يمد يده اليمين الى زند خويه الي على اليمين ويدقدق رجايله على الارض ووجه باتجاه اليمين ، والغرض منها عمل خليه كالتالي

* * * * * *
* * * * * *
* * * * * *

ليكون بهذا الشكل

2. وزنًا: اذا قال وزناً تقول امرك مع حركة اليدين مقبوضتين ووضعهما على الصدر، وهو الاستعداد للهرولة، ومن ثم يعطيك امر هارول والمجموعة اللي معك

3. التعليم على كلمة - ثابت : يعني توقف مكانك ولا تحرك اي شي لو حكة جات لك ما تحك لين يعطيك كلمة راحة
4. اجمع: كلمة يعني تعال او اقبل
5. رقمك العسكري: الموجود على بطاقتك تحفظه
6. ويش اسمك: الطالب العسكري فلان بن فلان امرك
7. يالوح - يا ابله - يا افدغ - يا طرطنقي - يا زفت - يا زق - يا مروح - اقطع الصوت - انت حيوان ما تفهم - الحيوان ما يفهم الا بالدق - ومن كلمات الباكستانية المدربين: انتا هيوان - انت مافي حياء - انت مافي انسان انتا هيوان - خربوتي اول - انت هرك دودة زيادة - انت يبغى جزاء - انت مافي مزبوط - اقطع صوت - مافي قرقر - انت يبغى راحة روح بيت(يعني افصل) : اسماء الدلع هناك تعود عليها .
* تكميل: يعني اخذ عد الطلاب لكل فصيل ويستغرق تقريبا 45 دقيقة بدون تحرك للطلاب بشكل منظم فصايل.

8. التدريب يوميا لمدة اسبوعين كالتالي:
من الساعة 4:15 الى الساعة6:30 : ثابت من الساعة 4:15 الى الساعة 5 للتكميل(يعني اخذ عد الطلاب)ثابت زي الالف ولا تتحرك ويديك مضمومتين ، ومن الساعة 5 الى 5:15 هذي هرولة ، ومن الساعة 5:15 الى 5:45 تدريبات رياضية(ضغط 10 مرات - اجلس انهض 15 مرة - وغيرها من الرياضات الحلوة) ومن الساعة 5:45 الى 6:30م تعليم على استعد واستريح واليمين در واليسار در والوراء در ومشاة عسكرية، والوقت سريع.

من الساعة 6:30 الى 7:30 فطور ، ومن الساعة 7:30 الى 7:45 التهيئ الى الذهاب الى الميدان ومن الساعة 7:45 الى 10:30 تعليم على العسكرية وكل ساعتين بريك جلوس ربع ساعة ، ومن الساعة 10:30-11 بوفية ، ومن 11- 12:30 صلاة وبعدها الخروج من المسجد للتكميل حوالي 45دقيقة ومن ثم الى الميز للغذاء ومن ثم الساعة 2:00الخروج وثبوت الى الساعة 2:30 ثم التهيئ للصلاة واللي مسجل اسمة جزاء يطلعوه للجزاء الى ان يؤذن العصر ، ثم الساعة 3:35 الى الساعة 5:30 تدريب وتعليم الثبوت اكثر شي في هالاسبوعين ، ثم من 5:30 الى 6 بوفيه وبعدها التهيئ للصلاة الى الساعة 7 وبعدها ميدان الى الساعة 8 وبعدها صلاة العشاء وبعدها وقوف 45 دقيقة وبعدها عشاء وبعدها ومنى الساعة 8:45 الى 9:30 عشاء وبعدها اللي عليه جزاءيطلع واللي ما عليه ينام.

وسبب الجزاء هو مخالفة امر المدرب، الكلام في المسجد والميز،عدم عمل التدربب الشكل المطلوب، ضرب ، هواش مع المدرب، الحركة اثناء الثبوت،وغيرها من الامور وساعات يكون جماعي.
والجزاء اما يكون زحف او اجلس وانهض او انسدح على الارض كامل وقوم ، طبعا المدرب يقول 1-2 وانت شغال تدريبات او ساعات يقولك دور جسمك على الارض الى مسافة معينة او ساعات يجيب لك ماء وطين ويقولك يالله ازحف او دور جسمك، وغيرها بس حلوه من اولها لانك مجرب حاجة جديدة.

وكل يوم على هالروتين،

بعد اسبوعين يعني بعد 15 يوم تجي 30يوم نفس الروتين بس مافي تدريب في الليل ولا تدريب او وقوف بعد الغذاء ، واخر يوم يعطوكم بدلات عسكرية تقيفها عليك وقت ما تخرج.

وبعد ال45 يوم يعطوكم اجازة 2 اسبوع تقريبا، كلها تمريخ ونوم من التعب وحتى يرجع وجهك، وبعدها
2 شهر تاهيل عسكري تلبسوا البدلات، اخف بكثير من ال45 يوم

ودوام من بعد صلاة الصبح الى 6:30 ثم فطور وبعد الفطور تعليم من8 الى 11:30 راحة بالتعليم

وبعدها صلاة وبعد الصلاة يصفوكم ثبوت 45 دقيقة الى الميز وبعدها الى المسجد او التعليم جلوس فقط الين الصلاة واللي عليه جزاء يطلعوه في هالفترة ، وبعد الصلاة من 4 - 5 تدريب وبعدها بوفية وبعد البوفية صلاة المغرب وبعد المغرب خروج للتكميل اي العد 30دقيقة ومن ثم عشاء 30 دقيقة وبعدها صلاة العشاء وبعدها تكميل 30 دقيقة وبعدها تصريف نوم واللي عليه جزاء يبقى.

وبعدها في تاهيل فني 4 شهور نفس التاهيل العسكري تقريبا ويمكن في راحة اخف من حيث فتح السكن للطلاب بعد صلاة الظهر 1ساعة للراحة.

نصيحة اخر الموضوع : اذا لم تجد مكان يضفك ووجدت اخر حل العسكرية وحصلت لك فلا تطلع منها واجعل شعارك( الموت ولا الفقر وذل الحاجة الى الناس) والراتب الجندي في التدريب 5780 ريال وهذا الراتب ما تحلم فيه.