السلام عليكم ورحمه الله وبركاته

يا اخواني الاعزاء ابغا مشورتكم ورايكم في تحديد ماهو الانسب لي مع العلم اني اعرف ماهو الانسب لي لكن موجود هنا ناس فاهمه وعارفه وعشان كذا ابغا استفيد منك الله يوفقكم

المهم

ياطويلين العمر والسلامه انا شوي مختبص مدري وش اسوي
انا سجلت في التقنيه السنه ذي محاسبه وإلى اللحين مابعد درست الدراسه بتبدي في 12 10
المهم انا دخلت التقنيه علشان العسكريه خصوصا وعشان اني مليت من القعاد والطفره عموما المهم انا دخلتها عشان اذا جيت اسجل عسكري اخذ عريف احسن من اني اخذ جندي حلو

وانا الان مقدم على الامن العام جندي اول وبقدم على المباحث باذن الله جندي اول

وطبعا انا ميولي عسكري سواء اني كملت التقنيه او ماكملت التقنيه

عسكري عسكري الله لا يعوق بشر الا ان الله ردني منها هذا شي ثاني

والوالد حفظه الله كبير فالسن وميدري عن شي هو موافق اني اصير عسكري بس يقول كمل دراسه انتم خابرين الشياب وقصه الدراسه

المهم ياشباب وش رايكم ادرس تقنيه سنتين وادخل عريف ولا اخذ شهاده حاسب واخذ جندي اول

مع ان ميولي عسكريه ولا لي فالدراسه

ابغا اسمع رايكم ومشورتكم والله لايهين من مر وادلا بما يعرف

وا
ما يشوف شر اللي مايعرف

متخرج من اثانوي عام 1431

شــوف حبيبي إنا مثـلك كان عندي ثانويه وكنت اقدم في كل القطاعات ولا اقبـل ..
المهم والله ودخلت الكليه التقنيه تخصص ادارة مكتبيه وكنت طوال فتره الدراسه اقدم علي ها العسكريه ولا اقبل ، معا العلم إني لو قبلت في العسكريه ونا ادرس الكليه التقنيه بفصل منها ورح العسكريه لان ياخوك في الزمن هذا اهم شي الوظيفه كمل وظيفتك وبعدين انظر للدراسـه ، المهم والله تخيل درست الكليه التقنيه كلها وخلصتها ونا الحين حاصل علي الدبلوم وقدمت في الصواريخ الاستراتيجية وقبلوني مبدئي ونهائي برتبه وكيل رقيب .. يعني مثل ما قـلت لك اخوي إنت ادخل ادرس وقدم اذا جاك القبول اسحب لو جندي روحها ، لان تعرف العاطلين كثيرين بالكليه التقنيه ، وذا ماجالك القبــول في العكسريه كمل الكليه إنت ما إنت خسـران .. عرفت شـلون يعني تصيب عصفورين بحجر واحــد
إي إستفسـار إنا حاضر .. ويفيدونــك الاخــوان اكثـــــــر ..

توكل ع الله وقدم ع الامن العام والمباحث واذا وفقك الله وانقبلت في اي وحدة منها

وتخرجت تتقدر تكمل الدراسة سواء تقنية او جامعة واذا خلصت ترفع شهادتك وتأخذ

عليها - رتبة و صنف ان شاء الله - انا قلت لك كذا عشان اشوفك متمسك بالعسكرية

وتبيها - هذا رائي وبنهاية انت صاحب الشآن - الله يوفقنا ويوفقك ونكون من المقبولين

اول شئ عند الله وبعدين العسكرية ...

انا مثلك بس انا داومت بالمعهد وفصلت علشان العسكريه
موفق بإذن الله ... لك مني أجمل تحية .

يعني الامر منتهي ابعرف تشاور على ايش