السلام عليكم
يا شباب انا قبلت في برنامج الابتعاث لخادم الحرمين
ويعني موعد الابتعاث اعتقد شهر 3 او 4
وش تنصحوني فيه ابتعث والا اقعد لين اتوظف وبعدين ابتعث
مع العلم تخصصي انجليزي خريج فصل ثاني 1432
معدل 4.1 معدي قياس

اذا طلع لك تعيين اكيد قبل الابتعاث اتوظف احسن لك
نصيحه وش استفدنا من الدراسه الناس كلها تسافر برى وتدرس واخرتها مثل اللي معه ثانوي واخس
اما اذا ماجاك التعيين سافر الله يعيينك عالاقل تسوي شي بدل الجلسه
موفق

[align=center]
اقولك ولا ابتعاث ولا هم يحزنون

انجليزي تعيينك بيصل لين باب بيتك

احسن ما تطير عليك الثنتين

وعلى قول المثل عصفور في اليد ولا عشرة على الشجرة

وأنا مثلك خريج انجليزي فصل ثاني ومعدي قياس

وسألت الشباب وقالوا انتظر واسمك بيطلع وأكثر شيء بتستنا سنة وحدة

يعني احسن من الجالسين 6 و 5 سنوات للحين ماتعينوا

وعاد انت ورأيك

الا اذا كنت ضعيف في اللغة وتبي تحسن مستواك وفلوسك زايدة

روح والله يسهل دربك

وخلها علا الله[/align]

السلام عليكم ورحمة الله وبركاته

اخوي العزيز انا كنت مثل حالتك بالضبط العام الماضي تخصصي تربية خاصة وقدمت على الابتعاث والحمدلله طلع اسمي بالقبول النهائي وكنت متحير اسافر ام انتظر التعيين وصليت الاستخاره وسئلت اهل الخبره فقالوا ليه انتظر التعيين انت تربية خاصة وبيجيك تعيينك والحمدلله طلع اسمي بالتدريس

ونسال الله العلي القدير ان يوفقك لما تحبه وترضاه