فيه طلاب دخلو اليوم على كلام احد الاصدقاء

ليه ماقبلوني ؟؟
والله ماني مصدق للحين
علقت كل أحلامي عليها

انجليزي

أمين ياااااارب

انجليزي

أمين ياااااارب

بالتوفيق والاستدعاء باقي عليه اسبوعين

^
أمين
بس يستدعون الجميع هذه والله الي مالها مطار ههههههه

الله يصلحك يا اهلاوي فلاوي

يارب يدقون عليك ويقولون عمر تعال شرفنا للكلية

وانت ترد عليهم خلوني افكر يومين وارد عليكم هههههههه

ترى كل واحد ما انقبل مقهور وكان يتمناها ما بروح بعيد خذني انا مثال

ما دخلت الجامعه الا عشان الكلية لكن خيره وش اسوي ما املك الا الاستغفار والانتظار

ان شاء الله اسمع كلام زين الاسبوعين ذي ويا رب يدقون علينا ونفرح

^

والله وأنا مثلك مادخلت الجامعه إلا عشانه
بس قراده الحظ والهياط الزايد
كل ما أذكر حركتي مع خوي أبويه أمووووت ضحك

هذا ياطويل العمر خوي أبويه ضابط كبير توسط لكل عيال عمي الي دخلوها دفعه 39 و 40
عيال عمي لزم طبعا
وهالسنه تخرجت أنا وواحد من أقاربي
قال أبويه بكلم الرجال يتوسط لك أنت وخويك قلت أنا لا مابي أحد يتوسط لي هههههههه واثق مره بس قريبي بكيفه يبي واسطه ولا لا شي راجع له

رغم أنو خويي معدله داج ووزنه زايد وتخصصه مو حلو ولياقته ماش

وأنا تخصصي حلو ولياقه ووزن وطول وكل شي تمام التمام

بس اللقافه أبيها بمجهودي انقبل خويي بواسطه أبويه وأنا لا هههههههه
خل عزه النفس تنفعني الحين

بس يالله لعلها خيره
الوالده يوم طلعت النتائج سوت حفله وفرحانه ماتبي عسكريه خيره ي رجال

[align=center]
الظبياني + اهلاوي فلاوي+باقي الشباب الله يرزقكم اللي تتمنونه

ويعلم الله كم كان نفسي في الامنية والى الحين ... يارجال لو توصل ان اعطي اللي راح يدخلني الكلية 500 كل شهر وبطيبة نفس الين ما اتخرج من الكلية واعطيه نص راتبي حق اول شهر ينزل بعد ما اتعين بس اهم شي ادخل لكن وين اللي يخدم بسسس الله يفرجها ياشيييخ!

شفني تخصصي علوم حاسب ولا ملاقي وظيفه مع انها جات قبل وبراتب حلو لكن لعيون الامنية تركتها عشان لا يقولون موظف ... لكن الخيرة فيما اختاره الله

السوال هل راح يستدعون احد او لا ؟؟؟؟؟؟؟؟؟؟؟؟

والله خويي خاله شغال بالكلية مدري وش رتبته كلمه عشاني.. وقاله ان شاء الله السنه الجاية يقدم!!!

والله ياني تحطمت ! لكن الامل بيد الله سبحانه لانه بصراحه اذا عرفت انهم اخذوا احتياط من تخصصك فاغسل يدك من الكلية الا في حالات نادرة !!!

والى الان ودي اعرف هم اخذوا طلاب احتياط تخصصهم حاسب او لا؟؟

الله يكتب اللي فيه الخير واذا احد عنده خبر والا انقبل ياليت يبشرنا ...

خلني بس اخذ لفه على البحر ونشم الهوا ... الجو بدا يتحسن عندنا في جده ^ـــ^

بالتوفيييييق
[/align]