السلام عليكم ورحمة الله وبركاته

كيفكم ياعيـــال..!

انا شفت ناس كثيرين محتارين بين حاجتين ويحطون مواضيع يستشيرونكم فيهآ وآنتم نشآما تعينون وتعاونون يالبه قلبوكم ...

المهم عندي استشاره ..؟

انا مقدم على معهد الدراسات الفنيه الجويه ومعي واسطه يعني مثل ماتقولون القبول مضمون فيها بأذن الله ..

لكن بنفس الوقت انا مقبول بالجامعه تخصص فيزياء ...

فعندي ناس يقولون روح للمعهد مستقبله مضمون شد حيلك وابتعث مع الرجال ...

واللي يقول وش لك بالعسكريه كمل جامعه وتخصصك نادر ومرغوب من الشركات وبعثة الملك عبدالله الله يحفظه وشد حيلك وتخرج بنسبه طيبه وارجع قدم على البعثات وارامكو والشركات واذا مره تبي العسكريه قدم على الكليات العسكريه وانتم تعرفونها عأد واذا مانقبلت فيها قدم في الدفاع المدني او المباحث برتبة رقيب راتب علي كيفك وهيبه ومدري وش ...

المهم انا مشتت اللحين موعدي السبت الجاي بالمعهد مره اهوجس واقول توكلنا على الله وعلى المعهد ومره اقولك الجامعه ازيــــن

فقلت ماعندي الا النشاما شرواكم نشوف رايهم ...

اكيد نصكم بيقولون اذا تقدر رح جامعه ومدري وش بيني وبينكم انا ودي بالجامعه لكن اخاف ادخل واجيب العيد فيها يعني ادخل بداية السنه دافور ثم يقل العزم واجيب درجات زفت واتندم على المعهد

اخوي كل الاسئله انت اكثر واحد ممكن تجاوب عليها

اذا فيك شده للجامعه وعمرك توه صغير افضل لك

واذا صعب عليك الجامعه وتقدر تدرس في المعهد سنتين ونص اغلبه انجليزي توكل وادرس فيها

وتتخرج وكيل رقيب زينه

واعيد حدد مصيرك بيدك تقدر للجامعه او لا

والله يوفقك وعليك بصلاة الاستخاره

والله ياخوي اذا تحب الدراسة وفيك حيل تكمل وتجتهد كمل
اما اذا مالك بدراسه رح للمعهد اللي تقول اذا مضمون ان شآء الله
تحياتي لك والله يوفقك ان شآء الله

نفس كلام اخوك ملينا من القعدة
والله ياخوي اذا تحب الدراسة وفيك حيل تكمل وتجتهد كمل
اما اذا مالك بدراسه رح للمعهد اللي تقول اذا مضمون ان شآء الله
تحياتي لك والله يوفقك ان شآء الله

موفق بإذن الله صلي استخارة والاربك كاتبة بيسير