ياشباب البعثه ولا الوظيفة

البلشان · #1 (**permalink**) 16-01-2008, 09:52 PM

ياشباب انا تخرجت حاسب الالي وجلست 3 سنوات بالبيت ومقدم على الديوان اول ماتخرجت وفجأة طلع اسمي بالبعثه لإكمال الماجستير ببريطانيا على حساب وزارة التعليم المرحلة الثانية، ولكن حصلت مفاجاة اسمي باقي له 5 اسماء بديوان الخدمه يعني قرب كثير علما ان منتظر الديوان 3 سنين ويعطوني المرتبه السابعة.
هل اذهب للبعثه ام اتزوج واحصل على الوضيفه وارتاح علما ان عمري الحين 28 سنه ، وكم مره استخرت ، ولكن ابي شوركم وراءيكم ياجماعة .

قلب المملكة · #2 (**permalink**) 17-01-2008, 02:31 AM

ينقل الى القسم المخصص

قهوة الليل · #3 (**permalink**) 17-01-2008, 02:38 AM

والله لو انا في مكانك اني اختار الوظيفة ليش ؟؟؟؟؟
لانها مضمونة حاليا يمكن انت تروح البعثة وتضيع 4 سنوات او 5 يمكن اتجي لكن ماتحصل وظيفة والحين زمن الخبرة طبعا . نصحتي لك انك تتوظف الحين و بعدين تطلب ابتعاث عن طريق الديوان بشرط ترجع ووظيفتك موجودة عندهم . هذا رأي الشخصى و انت استخير

بالتوفيق لك

وميض أمل · #4 (**permalink**) 17-01-2008, 03:17 AM

والله انا نصيحتي أن تقعد على الوظيفه
لو كان الإبتعاث من مكان الوظيفه ممكن "التطور مطلوب "
لكن احسبها صح بتطلع وتدرس ماجستير وتجي انت وأمة محمد معك تعرف الحين الإبتعاث صاير كثير بزياده
وفوق كذا مااتوقع تفرق مرتبة الماجستير عن خبرة أربع او ثلاث سنوات
والأمر راجع لك والله ييسر لك أمرك ويوفقك

برفسور · #5 (**permalink**) 17-01-2008, 03:54 AM

توظف دراسة الماسترو لحق عليها ..

asm85 · #6 (**permalink**) 17-01-2008, 05:52 AM

اذا اخترت الوظيفة فلا تفكر بالبعثة لانه الديوان بطيئ في ابتعاث الموظفين وغير كذا الواسطة تلعب دور كبير ايضاً, وايضا احتمال كبير انك راح تتكاسل في الذهاب للبعثة مع ازدياد العمر والالتزامات.
اما البعثة فيه موضوع لي عن عودة المبتعثين بعد البعثة, ويمكن البحث في قوقل عن حالات مشابهة لحالتك, لكن في النهاية انت راح تكتسب شهادة عالية/لغة انجليزية/ثقافة عمل أجنبية وهذا ماتريده الشركات لكن يلزم ايضا الخبرة, اذا كنت مغامر اختر البعثة

goto2 · #7 (**permalink**) 17-01-2008, 01:21 PM

وظيفه باليد خير من ابتعاث ع الشجره

واضح

ماذا لو فشلت ( لاسمح الله) في الحصول ع الماجستير ؟

تخسررررر كثيرررررر

لاتنسى العمر 28 سنه + زواج + وظيفه = استقرار .

ابتعاث + نجاح او فشل = وضع غير مضمون

احسبها صح

MeRiT · #8 (**permalink**) 17-01-2008, 01:42 PM

اخوي انا مثلك ترا بس انا انقلبت في اليابان وابي احولها على دوله ثانيه بس الي عرفته
انه صعب التحويل حاليا لكن وش اسوي بصراحه انا لفيت اكثر من مكان وكان اول شئ
يصك بوجهي معك لغه انقليزيه اخوي بعد الاستخاره اسال اهل العلم يعني خذ النصيحه
استشير الي تثق فيهم وبعدين لو انا مكانك الي اسويه اذا ما عندي لغه انقليزي اطلع
على حسابهم اخذ لغه انقليزي وارجع وخلي الدراسه بعدين يعني تعال وانت ترطل انقليزي
وارجع واسحب عليهم احلا سيفون بريطاني خخخخخ وتعال وان شاء الله تلاقي مليون وظيفه

waleed2050 · #9 (**permalink**) 17-01-2008, 03:18 PM

[GRADE="00008B FF6347 008000 4B0082"]
لورحت بعثة راح اولا تدرس انجليزي ثم تدرس الماجستير

وتجي وتقدم على اي شركة تاخذك وراتبك عالي

هذا من وجهة نظري واهم شي استخر اكثر من مرة

وان شاء الله يتضح لك الاحسن...
[/GRADE]