السلام عليكم

انا بصراحه ف خاطري افتح مشغل نسائي

لكن كيف مدري ..
ابي احد يعلمني الاجراءات وكل الخطوات

لاني اول مره اسوي مشروع

ووابي اعتمد ع نفسي

خصوصا لا وظيفه وماعندي مسؤوليه زوج وعيال

ابي استغل وقتي

وكمان هل اقدر اخذ قرض او سلف من باب رزق ؟

اي شخص يعرف شي ياليت يعلمني

ولكم دعوات بظهر الغيب وبقلب صادق

لان بنحاج هالمشروع بينفتح علي باب الخير باذن الله

[align=center]اسمعي شوري وانا اخوك ليش ماتاخذين لك دورة مكياج وصبغة شعر وقص وتشترين لك شنطة مكياج وادوات تزيين وتصفيف شعر كلها ماتكلفك الف او الفين وابدي في معارفك صلحي لهم وأذا كان شغلك عدل بيعرفونك الناس ولاتروحين الا لبيوت معروفين آهلها وموثوق فيهم للحفاظ على نفسك هذا مجرد اقتراح .. وأذا مالك رغبة تصيرين كاوافيره لاتستعجلين في فتح مشغل حاولي تستاجرين مشغل جاهز جربي حظك وشغلك أذا مشت آمورك استقلي بروحك في مشغل خاص واذا مامشت آمورك سلمي المشغل صاحبتة والله يوفقك ويحفظك [/align]

إذا عندك المادة فلا أجد ضرورة في أخذ دورات تعليمية لأن مهمتك هي إدارة المشغل إلا إذا كان رأس المال غير متوفر فإني أوافق أخي اللي تحدث بخصوص دورة تدريبية

المشغل ع حسب الشغل , والتعامل معى الزبون , والتسويق له

بالتوفيق

اول شي يا أختي الموقع اهم شي

والبدايه عقد ايجار المحل+صوره من كرت العائله+ برنت آحوآل + لوحه محل

تروحين البلديه وتاخذين اوراق الطلب وبعدين تقدمين اوراقك ويطلعون يشوفون المحل اذا كان جاهز من معدات

وبعد مايوقع على المعامله تاخذين المعاملات اللي من البلديه وتروحين للدفاع المدني وتقدمين اوراقك

ويطلعون يشوفون المشغل وبعده بيومين تجين تستلمين المعامله وترجعين للبلديه عشان يطبعون لك الرخصه المشغل وبكذا خلصتي من البلديه

تتجهين غرفه التجاريه تطلعين شهاده انتساب قيمتها 850 ريال
وبعدين تتجهين لوزاره التجاره وتطلعين سجل تجاري قيمته 400 ريال

وبكذا انتهيتي

وتطلعين لمكتب العمل والعمال وتقدمين اوراقك كامله من البلديه الي السجل التجاري

وتطلبين العماله اللي تبين الجنسيه والمهنه


بالتوووفيق عسى الله يرزقك