[align=center]سلام عليكم من الله ورحمة منه وبركاته ..


















من متابعتي واحتكاكي ويمكن السن واشياء كثير .. طلعت بدروس وعبر وكان اخرها بعد ماطرحت موضوعي " المشروع لقيته يارييجل 1 2 3 "



العبره الاولى
1- لمست التعلق الشديد بالاشخاص وافكارهم ..او خلونا نقول التعلق بالافكار واشخاصها ..
ليه كذا ياشباب لييه ؟؟

المعطي الله سبحانه وهو الرزاق الكريم (وفي السماء رزقكم وماتوعدون ..الايه )


الدرس :
لاتتعلق بالاشخاص ..الناس ماتملك نفع ولا ضر .حتى لو حط الشمس بيد والقمر بيد.
انت اكثر واحد يعرف نفسه ..انت اللي بتجرب وانت اللي بتكتشف ..كل انسان له طريقه تخصه في فهم الامور وحل المسائل ..مافيه احد اذكى من احد ولا احد احسن من احد ..( اذا سألت فسأل الله واذا استعنت فاستعن بالله ) الحديث ..


العبره الثانيه
2- لأسف الشديد رأيت لدى الكثير ضعف التوكل على الله .. انا اعتقد ان هذي مصيبه كبيره ..وهي مرتبطه بالتعلق بالافكار والتجارب والاشخاص .. اعوذ بالله من الشيطن الرجيم ..وصل بنا الامر اننا نهمل التوكل على الله سبحانه ..


الدرس:
يقول الرسول عليه الصلاة والسلام ..( لو انكم تتوكلون على الله حق التوكل لرزقكم كما يرزق الطير , تغدوا خماصا وتعود بطانا) الحديث .




العبره الثالثه :
التردد الشديد ,والخوف من مواجهة وخوض التجارب ...وكأن الواحد بيقدم على السكن في الربع الخالي بقية عمره !!


الدرس:
اعلم ان الخوف من الشيطان اعوذ بالله منه ..ثم من محيط الشخص وقد تكون تربيته ايضا لها دور في ذلك وانا مااقصد احدا بعينه ..واعلم ان الخوف يجعلك فريسه للشياطين ولضعاف النفوس وللحاسدين والحاقدين لعنة الله عليهم ..

ومن يتهيّب صعود الجبال *** يعش ابد الدهر بين الحفر ..



العبره الثاله :
3- الاستعجال الشديد في الربح والتوسع والملايين ..
وتجاوز خطوات التاسيس ..الخطوات اللي لابد منها ..

الدرس :
كل السنن في كوننا العظيم واللتي صنعها الخلاق العظيم سبحانه ..الشجر , النهار , الليل , ابن ادم , المطر , فصول السنه ,ذوات الارواح وخلقها , كل شي يبدا صغير ويكبر ..الا المصيبه ..فانها تبدا كبيره ثم تصغر نعوذ بالله من شر مصائب الدنيا ..

ورجل العمال ,او التاجر ..لاشك هو جزء من هذا الكون البديع الدقيق .




نصائح عامه ..

-لاتشاور اي احد ..بالذات , موظفي البنوك ,المستشارين الاداريين والماليين اللي عملهم على مكاتبهم ,
اللي بينك وبينهم فوارق عرقية , وطبقيه , ودينيه..

"اليا نويت احذر تعلّم بطاريك **** كم واحدٍ تبغى به العرف واغواك " بركات الشريف


"لاتستمع للي يجي لك بالاقوال**** اجعل مراده غاية ماعرفها" تركي


-لاتقترض , مهما كان .. لاتسلّف .الا اذا كان عندك القدره على السداد.

"لاصار مالك من ذراعك نجده **** شربك على يدين الرجال هماج " شاعر قديم



-عليك بالدعاء , الرقيه الشرعيه , التررد على الحرمين الشريفين ..

,

انا هنا ماسوي نفسي المعلم الكبير اللي يفهم كل شي ..لا والله انا اكثر واحد اخطا وتعلم من اخطائه ..
لكن هي خواطر صادقه حبيت اقولها لكم ولا انا الا منكم اسمع منكم وارد عليكم ..




قريبا ..تقسيم انواع البزنس في السعوديه ..واشكال الفرص الممكنه في الفتره الحاليه والقليله المقبله ..ومباديء البزنس في قطاعاته الثلاث المهمه ..وتحليل شخصية الشاب السعودي المبادر , يعني اللي يبي يصير رجل اعمال او تاجر ..الخ .

وبالله التوفيق .[/align]

موضوع رائع اخوي السيف والرمح وآستمتعت بالقراءة

وبإنتظار موضوعك القادم

ودي وآحترامي لك

شكرا على شعوركم الطيب شباب ...

أخي السيف

بدون شك ان طرحك تريد به الخير الى اخوانك وجزاك الله خير ولكن لي بعض الملاحظات على موضوعك ومنها

قولك ان البعض متعلق بالاشخاص دون التوكل على الله واستشهادك بحديث الرسول في التوكل على الله

هذا ليس تعلق بالاشخاص ولكن هذا سبب من اسباب الرزق وتعلقهم انما يريدون البحث عن المعلومة الصحيحة لا التعلق بذات الشخص واستشهادك بالحديث لم توفق فيه كدليل على قولك ولنا في قصة صاحب الناقة عندما اتى الى الرسول صلى الله علية وسلم وقال هل ادعها واتوكل على الله فرد علية الرسول بل اعقلها وتوكل وهنا بين لنا الرسول الاخذ بالاسباب مع التوكل على الله

اما ذكرك للخوف ومبالغتك فيه حتى تم ربطة بالتربية هذا ليس الخوف كما صورتة لنا وحش كاسر انما هو خوف طبيعي من الخسارة ولن يقدم الشخص حتى يتم التأكد من نجاح خطواتة لن التهور والشروع في الشي دون اخذ الحذر انا اعتبرة غباء وليس شجاعة وقد قيل في المثل من خاف سلم

والنقطة الاخيرة النصائح التي ذكرتها وانا استغرب من النصيحة التي تحذر من موظفي البنوك والأستشاريين والاداريين والاستغراب الاكثر دخولك في الاعراق والطبقات حتى انتهيت بالاديان

وفي الاخير ماهو الاتعليق ولك وللجميع كل التوفيق

موفق بإذن الله ... لك مني أجمل تحية .

اركاد ..شكرا يغالي

كلام جميل كل اللي قلته تقريباً صحيح بارك الله فيك