السلام عليكم ورحمة الله وبركاته

اخواني الكرام

في حراج السيارات خير كثير لكن غافلين عنها.... ومنها فحص السيارات

مشروع فحص السيارات بالحراج يدخل ذهب خصوصا اذا نافسة بالخدمة والسعر

وهي ما تحتاج تكاليف كثيرة.... تحتاج وانيت وتركب عليه جهاز فحص السيارات وفني يستقبل الزباين اللي يبون يفحصون السيارات اللي بيشترونها .... وتركن السيارة قريب من المدخل وتخلي اسعارك معقوله يعني لو الفحص في المنطقة بحدود ال300 ريال. تخلي سعرك 200


يوجد بدبي اجهزة فحص سيارات كثيرة وبجميع الاسعار بس انت اشتر الجهاز اللي متخصص بالمكينه والغير بس لان الطلب على فحصهم اكثر شي

والله يرزقكم

موفق بإذن الله ... لك مني أجمل تحية .

هالمشروع فيه تآمر مع الشريطية لا علا لهم شأن

بحيث ان جهاز الكمبيوتر يخدع المشتري بحيث يظهر لك كهرباء السيارة بشكل عام اما الميكانيكا ما تطلع

احذر الاخوان من المجازفة في هالمشروع لان فيه اكل اموال الناس بالباطل

الا اذا كان الجهاز يكشف لك عيوب السيارة ميكانيكا وبشكل واضح للعميل

اخوي قاصر شر

الجهاز اللي اتكلم عنه يفحص فقط كهربا السيارة وسعره ما يتعدى الف ريال وصغير اكبر من حجم اليد بشوي وما يحتاج سيارة وانيت لنقله ومو هو اللي اتكلم عنه

انا اللي اتكلم عنه جهاز كبير يفحص السيارة ميكانيكيا وما له دخل بكهربة السيارة

يا شباب

انا فني سيارات ولي خبره بالسيارات

الكميوتر الي تتكلمون عنه يشيك على حساسات السياره بس

يعني لو لمبه تشك انجن الي في الطبون طافيه بيقول لك السياره سليمه

وبعض السيارات تطلع لك الخلل في الطبلون بدون جهاز جهازها منها وفيها

والاعطال الميكانيكيه ما تطلع في الكمبيوتر ابد ابد ابد

لدرجه انه واحد من العيال بايع فان شفر موديل 99 قيره خربان محترقه كلتشاته اذا وصلت السرعه 70 فصل القير

وفحص الكمبيوتر طلع سللييييييييييييم

على شان كذا محلات الفحص عندهم رافعات ويروح يشيك السياره في خط ومطبات ويدور فيها

افضل ان مشروعك يكون انك تشتري جهاز فحص السمكره قيمه حوالي 1000 ريال الماني ديجيتال

وتحط لوحه على قزازاه سيارتك وتحط رقمك وتفحص بـ 50 ريال لكل سياره

بتشوف الزباين عليك بالهبل

وتقبل مشاركتي

اعتقد والله اعلم بأن السيارات اغلبها فيها كمبيوتر يعني تظهر رسالة على الطبلون تبين الخلل او العطل
وينطبق هذا على السيارات القديمة

الله يوفق الجميع

ونعم الافكار حتى لو ما طبقها الواحد يستفيد معلومات

وفق الله الجميع

افضل ان مشروعك يكون انك تشتري جهاز فحص السمكره قيمه حوالي 1000 ريال الماني ديجيتال

وتحط لوحه على قزازاه سيارتك وتحط رقمك وتفحص بـ 50 ريال لكل سياره

بتشوف الزباين عليك بالهبل

وتقبل مشاركتي

الراعي الوحيد لو تكرمت((أين يباع هذا الجهاز])
مع الشكر والتقدير

اخوي الراعي الوحيد

يا ليت تشرح لنا كيف تأسس المشروع بمنظورك بما انك فني متخصص بالسيارات ويا ليت تفرد لها موضوع عشان الكل يستفيد

مع الشكر*