تركت العمل من البدايه والسبب التطفيش الاجنبي !

وظفوني تكفون · #1 (**permalink**) 07-09-2011, 12:40 AM

السلام عليكم ورحمة الله وبركاته

اخواني و اخواتي في بيتي الثاني

مساكم الله بالخير

في نصف رمضان جتني وظيفه

لكن براتب 2700

قلنا وش نسوي نشتغل نبي ناكل عيش على قولتهم بدل البطاله من سنوات وانا جالس

من اول يوم على طول سجلوني مكتب العمل والتامينات ماصدقوا على الله

لكن للاسف عمل شااااااااااااااق ولا 4000 تكفي وفوق هذا كله تطفيش من هالاجانب

يعني هالشركه فيها حول 200 موظف لكن 85% اجـــانــب مدير القسم سعودي رجل محترم لكن هو باجازه شهر والبقيه من سوريا والاردن ومصر ولبناني والسودان انوااع الاهانه وكاني بنقالي عندهم وازعحوني اذا بتتاخر ترى ماعندنا الا خصم ويمكن تداوم الخميس وكلاااام وااااجد

والله لي يومين غيااب ونفسي انسددت من العمل وقررت ماعاد اكمل الدوام من 8 الى 5

لكن الي يحيز فيني هو ابوي كان مستانس اني توظفت ومايدري اني غايب

انا خلااص تركتهم لكن قدمت اليوم اوراقي على عمل اخر قالوا نتصل عليك

ابي منكم ياخواني تدعوون لي تكفوون

والله طفشنا وطفرنا من البطااااله

اخيرا تقبلوا مني اجمل التحايا ,,,

حائلي وفي · #2 (**permalink**) 07-09-2011, 02:03 AM

نصيحة قدم على مكتب العمل ثم قدم على ادارة الموارد البشرية

وتابع اقسام الموقع اول باول وان شاء الله تلقى الوظيفة

" بعدين مو كل ماطفشك الاجنبي قدمت استقالتك على طول .. اصبروا عليهم وتحملوهم وبعدين إذا شافوكم رجال ماتهتمون لكلامهم راح يعاملونكم باحترام "

وردة الايام · #3 (**permalink**) 08-09-2011, 12:12 AM

المفروض صبرررت ولاهمك فيهم هذا مشكله الاجانب يكرهون السعودي بالعمل..
والله يرزقك بوظيفه احسسن
بس لازم يكون عندك صبرر كل وظيفه لابد فيهاا شوية متاعب

الله يوفقك

وظفوني تكفون · #4 (**permalink**) 08-09-2011, 03:21 AM

المشكله مو بس صبر على الطفيش

المشكله الراتب 2700 والعمل والله شاااق جدا من 8 الى 5 وذا خلصت عملك مايخلونك ترتااح اروح اشيل كراتين وارتب بالمستودع

وفيه واحد سعودي له 5 شهور قلت له يمكن يبون يشفون نصبر قالي انا الي 5 شهور كارفيني كرررررف

مابي الا دعواتكم يالغالين ,,,