السلام عليكم , صباح الخير للجميع

مثل ما تشوفون بالعنوان .. انا انقبلت مبدئي بالدفاع المدني على رتبة ( رقيب ) , والواضح انها عملها ميداني وليست اداريه .. علماً بأن تخصصي حاسب آلي

والان فاتح تقديم بالمباحث العامه على رتبة (رقيب ) وما أدري هل اضمن ان تكون اداريه الوظيفه فيها ؟؟

وبصراحه محتار خصوصا واني ادور على وظيفة مكتب (اداريه) والحمد لله دائم اصلي استخاره مره الدفاع ومره للمباحث .. واسأل الله ان يكتب لي الخيره بينهما ..

عموما لنفرض ان الأثنين كلهم قبلوني قبول نهائي !!
كل اللي أبغاه كل واحد يعطي وجهة نظره بالموضوع ووش تنصحوني فيه . ايهما أفضل من حيث العمل + الراتب + الترقيات + البدلات
ويا ليت بالتفصيل كم يكون الراتب بالاثنين , وما هي طبيعة العمل بالاثنين للي رتبته (( رقيب))

واسأل الله لي ولكم ان يرزقنا من الخير كله عاجله وآجله ..

انا من راي الدفاع المدني

والمباحث رواتبهم فوووق بعد



..؟

وعليكم السلام ورحمة الله وبركاته

صباح النور عليك

مثل ما تشوفون بالعنوان .. انا انقبلت مبدئي بالدفاع المدني على رتبة ( رقيب ) , والواضح انها عملها ميداني وليست اداريه .. علماً بأن تخصصي حاسب آلي

الله يبارك لك في القبول
من الى يقول لك انها ميدانية ؟وليست إدارية ؟ لو كان الكلام صحيح
ماشرطو لوظائف الجنود : لدية دورة سباحة وغوص = بحكم انة الوظيفة ميدانية
وباقي الرتب إجادة السباحة والغوص = لو انة منقذ او ميداني شرطو لدية دورة سباحة وغوص
اكيد فيه وظائف أدارية
وتخصصك يؤهلك عمل مكاتب وإداري

والان فاتح تقديم بالمباحث العامه على رتبة (رقيب ) وما أدري هل اضمن ان تكون اداريه الوظيفه فيها ؟؟
اخوي بالمباحث فيه ناس يقدمون بالثانوية العامة ويعمل في مكتب واداري فمبالك
بكالوريوس وتخصص حاسب ألي؟

وبصراحه محتار خصوصا واني ادور على وظيفة مكتب (اداريه) والحمد لله دائم اصلي استخاره مره الدفاع ومره للمباحث .. واسأل الله ان يكتب لي الخيره بينهما ..

خير مافعلت انك استخرت وراح ترتاح لوحدة فيهم بأذن الله وتكون خير لك
وابشرك بأذن الله ستحصل على وظيفة أدارية سوا الدفاع المدني او المباحث

عموما كل اللي أبغاه كل واحد يعطي وجهة نظره بالموضوع . ايهما أفضل من حيث العمل + الراتب + الترقيات + البدلات
ويا ليت بالتفصيل كم يكون الراتب بالاثنين , وما هي طبيعة العمل بالاثنين للي رتبته (( رقيب))

كل انسان له ميولاته وطباعه
اناس ماتحب العمل بشكل يومي تفضل الدفاع المدني لان عملة مريح
واناس تحب العمل بشكل يومي والاكشن والاحداث تفضل المباحث... وكثير ناس تفضل هالقطاع بسبب الراتب

الراتب بالنسبة لرتبة رقيب ماتوقع فيه فرق كبير

والبدلات والترقيات ماعندي خبر فيها

واسأل الله لي ولكم ان يرزقنا من الخير كله عاجله وآجله

أمين واجمعين

بكل بساطة

اسال رقيب في الدفاع المدني والمباحث وشوف وش الاجابة

وبالنسبة لي

المباحث وانا مغمض

بس الان ما تاكدت في المباحث

دبلوم إداره
*****
كفيت ووفيت على هالرد . اثريت الموضوع بجمال ردك ..

الله يعطيك العافيه ..
بس تتوقع او خمّن كم يجي راتب الرقيب بالدفاع اول ما يتخرج من الدورة )

كمل مع الثنتين الين يجيك اول قبول وروح لاتنتظر الثانية لاتروح عليك الاولى وتقعد مدام انك مستخير دوس على اي وحدة تجيك كلها حلوة وزارة الداخلية والله يوفقك ويوفقنا جميع

والله أنصحك بالدفاع المدني
حتى بالرواتب مافيه فرق بسيط أبد يمكن مايتعدى 500 ريال
شيء ثاني أنك أنقبلت فيها شيء مضمون ولا شيء ماهو مضمون
شيء ثالث ترى المباحث قلق الناس يبونها علشان راتبها بس أحس وضعها ماهو متقبل من جميع الناس
يعني لو قلت بكرا لواحد أنا بالمباحث سحب عليك أو يتجنبك
لانهم يجبرونك تكتب تقارير عن كل شيء تشوفه بحياتك
حتى عن جيرانك وعن اللي سويته من طلعت الى مادخلت

الدفاع المدني يكفيك دوراتهم والانتدابات سواء لمكه أو للحد الجنوبي أو غيرها