في الدقيقه 1:14 ان المتقدم لايكون في الضمان الاجتماعي !
ملكنا ابو متعب في قراره لم يستثني احد من العاطلين لماذا ياوزير العمل تخالف قرارت الملك ؟!
لماذا الحسد والحقد الكل يجب ان يشمله هذا المال ليس ملكك ايه الوزير لماذا تغير قرار الملك ؟ هل انت تصرف من جيبك !

ايش فرقي عن وحده متزوجه وراتب زوجها فوق 10 الاف وعيلتها غنيه ويجيها راتب حافز ؟

انا يتيمه مافيه احد يصرف علي وغير كذا عاااااطله مثلي مثل البنت هذي ليه
دولتنا غنيه وملكنا يصرف علينا ووزير العمل يغير كل قرارات ابونا
هذا الوزير حق العمل اللي اسمه عادل فقيه مايعرف وش معنى القهر والفقر والظلم

اسئلكم بالله كل مسؤل يقرا كلامي يوصل صوتي

ياجماعه فيني قهر وابي ابكي بس عارفه لو ابكي ماراح استفيد

انا ياجماعه عشت يتيمه ذبحنا الفقر ماكان الضمان يجينا شهري كان يجينا سنوي و3000 ريال فقط
عايشين ببيت ايجار خرابه مايعيش فيه هنود وكل شهر ندفع 500 ريال ندفعها من تامينات ابوي الله يرحمه 1000 ريال فقط
والنص الثاني نسدد فيه ديونا علما ان ديننا وصل 13 الف بالدكانه حتى الهندي رحمنا صار يسمح لنا نتدين وندفع له كل سنه
كنت اداوم وانا مامعي ولا ريال اشوف البنات ياكلون ومن كثر الحرج يسالوني صديقاتي ليش ماتشترين اقول ماشتهي !

وش اقول وش اخلي اقسم بربي اني جربت الفقر باشكاله وانواعه يكفي ان ابوي مات وانا عمري 3 سنوات
ولا عم لي ومالي الا خال واحد زوجته ماتخليه يجينا

جا عهد ابونا ابو متعب وصار الضمان شهريا طلع لنا عقاري وسكنا بيتنا ولله الحمد فرحتنا مالها حد
صار ضماني 300 ريال وامي 800 خير وبركه ربي لك الحمد والمنه وراضيه لاني جربت القهر

فرحت فرح شديد لما سمعت ان لنا راتب العاطلين لاني تخرجت من جامعه ولا توظفت وبحثت بكل المجالات ماحصلت كل شيء يبيله واسطه وانا مالي احد

والحين ضاق صدري من هالوزير اللي ماهمه قرار ابونا ابو متعب ولا همه الشعب السعودي
والله ثم والله ياوزير العمل عادل الفقيه لو جربت ماجربناه لما غيرت في قرارات ملكنا الغالي


ابوي ابو متعب نحن ابنائك ونثق فيك انقذنا من وزرائنا المتغطرسين على الشعب