[align=center]سلام عليكم ورحمة الله وبركآتـه

كل عام وانتم بخير , وعيدكم مبارك بعد الزحمــة ...!!
راح آدخل في الموضوع وابي منكم الراي والمشورهـ .. لاني محتار لي اكثر من شهر

انا متخرج من سنه تقريبآ وتخصصي " هندسة حاسب " وعندي بعثه في برنامج الملك عبد الله لدراسة الماجستير في امريكآ طلعت التاشيرة وجاني القبول وكل شيء تمام يعني ذي مضمونه والسفر باقي عليه شهر ...

اما الشيء الثاني قدمت على وزارة الدفاع والطيران " ضابط " وانقبلت نهائي بعد ما سويت المقابلة الشخصية + الفحوصات الطبيه طبعا الرتبـه " ملازم اول " مع اقدمية سنه وتسع شهور الراتب بيكون بحدود 12 الف اما تزيد او تنقص مدة الدورة تسع شهور والعمل في نفس التخصص + دورات وبعثات خارجيـة في المستقبل بنسبـة 90 % كما ذكروا لنا الاخوان في الوزارة ...

الحين انا محتار كلها لها سلبيات وكلها لها ايجابيات , وكلكم تعرفون العجز اللي صاير في الوظايف وازمة التوظيف ومشاكل القطاع الخاص وكذلك زيادة عدد المبتعثين الغير معقول كل سنه يعني السنه ذي تقريبآ بحدود 26 الف مبتعث فقط في المرحلة السابعة غير الثلاث المراحل السابقة غير المبتعثين على حسابهم الخاص واللي تم ارفاقهم بآمر من الملــك عبد الله امريكا لحالها فيهـآ اكثر من 50 الف مبتعث ومرافق ولا تنسون كذلك المشاكل النفسية والعنصرية والموارد المالية الغير كافيه للمبتعث 1850 دولار مدري وش تسوي في ولايـة مثل كاليفورنيا اقل سكن فيها بـ1200 دولار وإذا كنت عند عائلة اقل عائلـة بـ650 دولار هذا غير المواصلات والاكل والتلفون والكتب الدراسيــة ..الـخ


انا ما كتبت الموضوع الا ابي رايكم بكل صدق وبكل حيادية


عبد العزيز



[/align]

up up up up up up

ياخوي انت جاوبت نفسك بنفسك

انا اقول خلك في الدفاع احسنلك

انا أرى انه البعثة أحسن لك من العسكرية وجهة نظر فقط

اول شي صل صلاه الاستخاره

ثانيا شي لو كنت مكانك دخلت وزارة الدفاع والطيران رتبه حلوه ماشاء الله راتب حلو مميزات حلوه

موفق بإذن الله ... لك مني أجمل تحية .

انت من اي مرحله في الابتعاث
المرحله السابعه ولا لا

خلك وزارة الدفاع دورات ومكانك موجود ومحفوظ والله انا مثلك لكن العسكريه افضل
وبعدين الغالبيه يقولك اخوي ضابط وكارهه العسكريه لعلمك بني ادم مايملى عينه شي لو تسئل اي احد يقول ماني مرتاح بوظيفيتي استخر وربي يوفقك
بس ياليت اعرف كم معدلك الله لايهينك

لو تراجع موضوعك تلاقيق مجاوب نفسك رائيي لنك تكنسل البعثه وتروح عسكري ياخوك نجمتين والراتب فوق العشر الالف والامر لك



ترا النجمه هييييييبه

عصفور باليد احسن من عشره على الشجره

خلك على الدفاع افضل رتبه محترمه وراتب ممتاز

يرجال خلك في المضمون وانت تقول فيه بعثات بعدين بنسبة 90 % يعني خلك في العسكريه

خذ لك لفه على مكاتب التجنيد الناس زحمه جامعي يدوب يلقى الرقم برتبة وكيل رقيب او عريف وانت جاتك الفرصه امسك فيها بيدك ورجولك