السلام عليكم و رحمه الله و بركاته


أخوووووووووووووي يا أخوووووووووووووووي

أفـــــــــــــــــــــــــــــــهمني


ياأخوان كم أعماركم(23-24-25-26-27...الخ) جالس بالبيت مخلي شايبك الي عمره
مسكين (50-60-70..الخ) يكد عليك و يصرف و أنت نايم اكل شارب و لا تسوي اي شيء
والي عجوزه المسكينه تبي تشوف عيالها و بناتها عرسان و تبي تشوف ذرياتهم قبل ما تموت


مين الي سلب شايبك الراحه و مخليه للحين بشغله علشان ولده الكبير و عياله و حرمته
ما يحتاجون شيء مين الي حرم عجوزك من انها تشوف عيال عيالها ..؟

طيب ياخي انت ما تشوف نفسك الناس وين وصلت و أنت مكانك سر..!
لا مال و لا ولد و لا زوجه ولا عيشه كريمه (اقسم بالله شيء يقطع القلب)

ياخي مافكرت لما شيبانك ما يقدرون يتحركون مين بيشيلهم ؟؟؟؟

أنت....! أنت ما شلت نفسك تبي تشيلهم..!!

يا ناس يا عالم لقمت عيشنا ياكلونها المسئولين و اصحاب الواسطات..!!!

يا عالم والله فيه وظاايف و الدوله ما قصرت بس المسئولين ياعالم...!!

في واحد من وزاره الصحه يقولك كل وظيفه شاغره بأي وزاره ينزل لها راتب

حتى لو ما كان فيها موظف...!!!!

اخوي والله العظيم اني ماني نايم وانا عاطل من ثلاث سنوات ماخليت شركه الا ودقيت بابها اخوي في ناس نايمه وعلى كفوف الراحه وفجاءة وظيفته جاهزة على طبق من ذهب ولكن وشو ذنبنا ذنبنا اننا لانملك الواسطه فهمت قصدي انا الحمد لله صحيح لم اجد الوظيفه ولكن قاعد اكد بسيارتي واطلع منها مبلغ كويس وش تبيني اسوي اكثر من كذا واقسم بالله العظيم واحد من اخوياي توظف عن طريق البند ومعه تقريبا 35 موظف على البند وكلهم عن طريق الواسطه هو هذا خويي يعلمني بالسالفه يقولي كلهم بالواسطه وشهادات وتخصصات الله لا يوريك لا تسمن ولا تغني من جوع لكن الواسطه فوق كل شي قلت ياولد مادام كذا اجل بروح لهم وعن طريق خويي يمكن يقبل مديرهم ويوظفني شوف الحقارة عشان مايعرفني ولا لي اي صله به قالي لازم تعرف للفوتوشوب معرفه تامه قلت انا اعرف بالفوتوشوب ولكن مبتدئ قالي لا لازم نختبرك فخلاصه كلامي ان الي عندة واسطه يلتف على النظام عن طريق البند وبعدين يترسم وهو شهادته ولله ماتسوى شي فخليني على فوردي المسكين الي اكد به اصرف ولك تحياتي

الله لا يوفقهم واحد واحد اذا بياكلون تعب الناس

وش الظلم هذا ياخي حنا مسلمين وربي اليهود مايسون كذا

خمس سنين الواحد ينتظر وظيفه والله ما صارت

يا اخواني انا من المدينه المنوره وبكون يوم السبت الصبح عند وزاره الخدمه المدنيه الساعه 8 الصبح ان شاء الله لا تخذلونا بطلع والله يعلم كيف بدبر نفسي عشان اطلع لاكن الله يسهلها

وبكون هناك باذن الله

انا ماخليت وظيفه ماقدمت حكوميه وشركات ماعندهم غير الكلمه هذي>>> نتصل عليك .؟؟؟ ياخوان قبل فتره قدمة على وظيفه وخلصت جميع الاجرات قلو تعال الاسبوع الجاي على شان نوجهك يوم جيت حصلت شخص موظفينه مكاني تدرون وش شهادته >>> شهاته ثالث متوسط يعني الكفائه ... وانا معي دبلوم كلية التقنيه ادارة مكتبيه وشهادة حاسب ...؟ شفتو الظلم مااقوال الا حسبي الله عليهم حسبي الله عليهم ..>>> اقسم بالله تحطمت

ربي يوفقكم جميعا . الله الله بدعوات الام .
وان شاء الله ربي يجبر الامور الي الشي الافضل .
صح كلامكم في جميع الموضوع . بس الشهادة لها دور . التخصص لة دور . والعدد في العاطلين لة دور . . ربي يوفقكم تقبلوا مروري .

وعليكم السلام ورحمة الله وبركاته
طيب اخوي وش تبي الواحد يسوي تبيني انتحر مثلا واريح الشائب من مصاريفي ياحبيبي اصلا من كثرة التفكير راسي شاب وصرت كاني بعمر 50 وحتى يمكن بتجيني امراض دراسه ودرست على حساب الوالد ب 50 الف احدق يصدق والله باع الغنم لاجل ادرس واتوظف وهذي اخرتها شكل الفيوزات بتضرب غندي عطاله 7 سنوات ودراسه بمعهد خاص 3 سنوات والان بعد التخرج 2 سنتين والمجموع صار 12 سنه ضياع من العمر العسكريه طولك ناقص سانتي ونص واالوالد خدم بالعسكريه 30 سنه وفوق كذا ذل نفسه عند رؤؤساه ومافي فائده ياخي والله لو بقولك كل الامور اللي حصلت لي بهالدنيا والله غير تصيبك جلطه بس انا مؤمن بقضاء الله وقدره والواحد لاكان ايمانه قوي يصبر ويحتسب الاجر من الله ياخي لو اخذو الشباب اللي بريع شبابهم كان افضل من اللي منتهيه صلاحيتهم مو يخلون الشباب يضيع عمرهم بس بوقف كلامي كثير وانت جبتها عالجرح والسلام عليكم خير ختام

يـــا شباب في حل زي ما فعلو خريجين كلية المعلمين حينما خرجوا الى الوزارة التربية وتعليم وكلهم توطفو وحمداللة

أحنا خريجين كلية التفنية للبطالة نخرج الى الخدمة المدنية .

الله يكون في عونكم وكل مسلم والله ان هذه الاشياء اللي تحصل تقهر والله انها تقهر والنبي صلى الله عليه وسلم تعوذ من قهر الرجال لكن ما باليد حيله وش نقدر نسووووووي !!!!
المسئولين تلاقي اقل واحد راتبه مايقل عن 10الاف وبيت وزوجه وسياره ولا ازيدك من الشعر بيت تلاقيه ساكن في فيلا لاقصر ومرتاح والعمل كله تواقيع وعلى مكيف ولافكر فينا واللي قاعدين نقوله وننشره لكن مااقول غير حسبي الله ونعم الوكيل
ياشباااااابالله الله بالدعاء في الاسحار والفجر ودعوات الوالدين والله انها مستجابه
موفقين ان شاء الله