بخصوص الدفاع المدني والمباحث العامه ؟؟؟؟؟

حملة قاطعوهم · #1 (**permalink**) 07-09-2011, 04:08 PM

السلام عليكم ورحمة الله وبركاته

جيت هنا ابي اقدم نصيحتين للشباب .

الاولى بخصوص التسجيل في المباحث العامه : وهي تابع طلبك بموقع وزاره الداخليه الى اخر لحظات التسجيل هناك ضعاف نفوس يعدلوا البيانات ليس من الوزاره الموقع ملخبط شوي معه مرض انفلونزا تكتب تعديل طلب الان لسجلك المدني يجيك اسم اي شخص ثاني وبعد شوي تسوي تعديل او بحث اوتحقق عن سجلك يجيك سجل اخر لشخص اخر وبعضهم يستغل الفرصه لتعديل البيانات اليوم جيت وبياناتي مو موجوده انحذفت رغم اني مطلع رقم وجاني عالايميل تنبيه لكن مانقول الا حسبنا الله من ضعاف النفوس اللي همهم ينقبلوا ويخربوا عالثانيين .اتمنى منكم متابعة الموقع للاخر لحظه عشان لااحد منكم ينخدع او احد يغير معلوماته والفضيحه الثانيه ولد عمي جاء الا والايميل مغير ورقم الجوال مغير وربي قهر عاد الكارثه الثالثه جيتافتح سجلي حصلت واحد بياناته قدامي قمت اقرا حصلت مكتوب نسبته 100% واتصل عليه قلت نسبتك 100% وتبي جندي اول مباحث قال مين قالك 100 قلت قبل شوي دخلت سجلي وطلع اسمك وينك عن البعثات وعن الجامعات قال نسبتي 82
قلتاجل مكتوب بالموقع 100% قال شوي وراح للموقع شوي اتصل علي وشكرني قال وربي مغيره الشهاده والقياس محذوفه
قلت عوافي معنا لحقتنا لاتخاف حنا سبقناك لكن شيك عالموقع الى اخر لحظه .

فصرت كل الساعه 11 ليلا اشيك عالموقع لان الموقع يقفل 11:59 ويبدا من 8 صباحا .

الثانيه بخصوص المقبولين بالدفاع المدني تسليم الاوراق ليس باي موقع دفاع مدني وليس بادارة شؤن الموظفين رقمك لايروح عليك عليك متابعه مركز تدريب الدفاع المدني بكل منطقه التي ارسلت اليك لان ادارة التجنيد هم المسولين عن ملفك ورفع اوراقك لاتروح ضحية واسطه يقول جيب ملفك عندي لان الملفات لازم تكون بالتجنيد عشان يرفع اسمك للماليه من التجنيد وترفع بيانات للوزاره ويرفع ملفك وترسل بقية الاوارق لك للشيخ والفرز والفحص النهائي من المستشفى العسكري وبعدها تنتظر موعد الدوره هذي امور بعدين تسويها لكن المهم والاهم هو تسليم الملف للاداة التجنيد لان هناك موظفين خاصيين باستلام ملفات الافراد وحصر الاسماء عندنا 20 الف رقم مقبول ولايبون الا 6000 والفرز بعدها وسلامت الجميع

مجرد نصيحه اخويه من ارادها فليقبلها ومن لم يردها فليتركها عابرة سبيل ......
دعواتي للجميع بالتوفيق والنجاح