يا جماعة أنا تجيني وساويس أنت بتنطرد من الوظيفة... أنت لا تستحق الوظيفة... أنت إنسان مريض نفسياً... أنت وأنت... إلخ.

أنا معلم جديد ومتعين هالسنة في قرية صغيرة وأنا مصاب بمرض نفسي وهو الرهاب الاجتماعي وهو الخوف من الناس وأعاني من قلق مع اكتئاب وأنا أخذ حبوب نفسية لأكثر من 6 أشهر والحمد لله تعينت معلم حكومي ولكن أنا خايف من الفشل أحس الناس تكرهني بسبب هالمرض النفسي وأنا ناجح بالتدريس والحمد لله وأخاف أنطرد من الوظيفة تكفون أبي رايكم يا شباب هل أنا أتوهم وإلا ماشي غلط تكفون يا عزوتي يا تاج راسي أبي فزعتكم وتشجيعكم.

المعيط كفى ووفى ياخوي وصدقني هذه مجرد وساوس فقط لاغير . واسأل العلي العظيم بمنه وكرمه ان يزيح عنك هذه الغمه ويكشف عنك هذا المرض انه القادر على ذلك .

ماشاء الله الف مبروك التعيين والله يوفقك .. ومنها للأعلى يارب ..

وشيل هالافكار والوساويس من راسسك .. وخلك واثق ..


وبعدين آنت تقول انك ناجح بالتدريس والحمد لله ..

خلاص آنت وش تبي آكثر من كذا مدامك ناجح ومأدي عملك لا تفكر بشيء ..

وعسسى ربي يوفقك ويسسهل دروبك .. ويبعد عنك كل غم وهم ..

لك عندي علاج ناجح تدري وشو؟؟؟ اذا حسيت انك تعبان عليك بالصيام وشوف وش راح يصير معاك ؟؟ راح تدعيلي

اخوي تعوذ من الشيطان مافيك الا العافيه باذن الله
واكثر من الاستغفار والدعا
وعليك بالصدقه الصدقه
ومنتب شايف الا العافيه من الله
وبعدين مهوب لازم الناس تدري ان فيك شي

انا احب ابارك لك اول شي ثاني شي الي ابي اقوله لك

بما فادوك فيه الشباب قبلي بفيدك بشي في اختصاصي . . .

انا اتمنا انك تحب تقراء { اقراء كتب في علم النفس في تطوير الذات }

فيه كتب من عنوانها تعلمك طرق كيف تتخلص من الي انت فيه . . .

علم النفس بحد ذاته { عاااااااااااااالم ثاني } . .

اكيد هذا يجي بعد القران والي قالوه لك الشباب يالغلا . . .

اسائل الله الشافي الذي لاشفاء الا شفاه ان يشفيك . . من ماانت فيه

وابشر بدعوه لك في كل صلاة كل ماخطرت في بالي اني ادعي لك

الله يوفقك
اقراء كل يوم سورة البقرة وربي يبارك فيك

اخوي كويس عندك ثقه بنفسك عرفتها من كلمتك انك مدرس ناجح
ان شالله امورك محلوله بس وكل امورك على الله سبحانه وتعالى

الله يقويك ويوفقك ويطرد عنك الوساوس

بأذن الله راح افيدك ((ركزي معي))
اول شي توكل على الله وكل هالافكار ترى اوهام ولا تقنع حقلك الباطني فيها ,لانه لما تفكر فيها ويرسخها العقل الباطني راح تتطور الى قناعات ...!

اجلس مع الدكتور وفهمه الحالة,لانه هم الوحيد بعد الله القادر على شفائك ,اطلب تغير الدواء او غير الدكتور لو وجدت انه غير متمكن من عمله ,الدواء رايح فيدك لكن لازم العلاج السلوكي تعود على المواجه لا تتهرب ادخل بقوه الى المجتمع لاتلقي لاحد بال او اهتمال .

واسئل الله انه يطمن قلبك ويشرح صدرك