السلام عليكم ورحمة الله وبركاته

اليوم كان مقابلتي بالرياض خريج 1425-1426 غير تربوي وماعندي خبره بالتعليم


دخلت عليهم وسلمت عليهم وصافحتهم واحد واحد طبعا اخذ بطاقتي يطابقتي شاف القبيله مدحها
بعدها قال لغه عربيه ماراح تعينون
قلت اصلاً حنا مطلومين قال لي لا منسييين قلت لا مظلومييين كون ان كل التخصصات تتوظف الا حنا انا افسره ظلم مدري حسيت وجه تغير قلت شكلي جبت العيد من اول
سألني اول شيء ليش ما مارست التعليم ابد قلت ماجاء نصيب حاولنا بالتعليم ولا حصل مجال واتجهنا للقطاع الخاص وانا اعمل فيه منذ اربع سنوات
قااااال ليش طيب قلت والله ماحصل نصيب بالتعليييييم بعدييييين قال حلوووو انك بحثت عن مجال ثاني رديت عليه اكيد اني ماراح اقعد عاطل طول هالسنين بدور شغل لين الله يوفقني

بعدين ناظر فيني وقال طويل ماشاءالله وماتدرس قلت له ماشفع لي الطول ماشاء الله
قال اجل اكيد انك ناسي كل اللي درسته رديت عليه قلت انا اطلع على ملخص شرح ابن عقيل للالفية واشرح الحمد لله لاخواني واقربائي
قال يارجال انت ناسي كل شيء ابتسمت ولا رديت عليه سفهته بالعربي

بعدها صار الاكشن قال تعرف اول بيت من الالفيه
قلت والله ماني حافظه قالوه لي ثم رجع سألني البيت من اي بحر بالعروض قلت الطويل لا قلت البسيط قال لا قال هذا الرجز وقال هذا اسهل بحر للنظم
قال ليش ماتلحن البيت مااخذتوا التلحين قلت لا انا تركت التلحين كله قلتها بشيء بصدري قصدي الاغاني ههههههههههه
قااااال انت يائس ومحبط لييييييييش مارديت وقام يتكلم ولا عطيته اهتمامي عرفت انه يستفزني والمشكله المطوع اللي جنبه ميت ضحك ومبسوط والله شوي ويتشقق من الضحك
بعدها قال الواحد على طول يغضب قلت لازم الحكمه في كل شيء واذا تأزم الامر في الاداره تتصرف قال على طول اداره قلت اذا تأزمت الامور قهرني

المهم من ذا كله جلستي قدامهم حاط اكواع يدي على الطواله وشوي وألزق وجهي بهم وهم ينظرون نظره استفزاز وانا نفس جلستي ولا علي منهم كني مديرهم
هذا كلي اللي صار مجرد سواليف واستفزاز في استفزاز

وانتهينا وصافحوني وقعد يضحكون وانبسطوا قلت والنتيجه قال خذ هالورقه وتابعنا بالموقع وهم يضحكون ولا ادري وشو هالموقع
قلت اجل يعين الله وصافحتهم وسلمت عليهم ومشيت وبس

عربي وقديم وغير تربوي ولا يحمل خبره يارب توفييييييييقك ياااااارب

سامحوني كتبت بسرعه

بسم الله الرحمن الرحيم
امس يوم الثلاثاء 15/10
كانت مقابلتي بجده في معهد التربيه الفكريه
الساعه 4م
اولا: ذهبت الى لجنة الاستقبال واعطوني بطاقة دخول المقابله وكان فيه نواقص وكملتها وبعدين اعطيتهم صوره من الوثيقه والسجل الاكاديمي وبطاقة الاحوال .
ثانيا: تم التوجيه الى القاعه ٢ وانتظرت ما يقارب النص ساعة بعد ذلك استدعوني الى القاعه وقالوا روح اللجنه ١١ واللجنه تتكون من شخصين سلمت عليهم وقالوا تفضل بالجلوس وجلست والابتسامه لم تفارق وجهي والا القلب متخوف بشده وجلس يناطر اوراقي وقال من اي جامعه وش تخصصك قلت من جامعه الطائف تخصص شريعه ودراسات اسلاميه متخرج الفصل الاول في شهر ٢ لعام ١٤٣٢ طيب ليش ما اخذت تربوي قلت له الماده لا تسمح بذلك وقال الله يعين ثم قال طيب ليش جاى للمقابله يعني شكلك من الناس اللى على اي شئ تقدم واللى يمشي حياه الله نظرت له بأبتسامه وقلت على كف القدر نمشي ولا ندري عن المكتوب تبسم وقال عندك اي معلومه عن طريق تحضير الدرس قلت عندي معلومات بدائيه قال مثل : اهداف الدرس والمحتوى والتقويم قال يعني من هذا القبيل ثم قال موفق ان شاء الله موفق وبعدين وقعت على ورقه انى عملت المقابله ثم قال انتظر بالخارج وبنادي عليك نعطيك المشهد وانتظرت ما يقارب الربع ساعه واعطونى المشهد وكان موقع عليه فقط بدون ختم وقلت له فيه كشف شئ قال لا من عند الخدمه المدنيه وسلامتكم حبيت اشارك معكم المقابله للافاده

أنا سويت المقابلة الإثنين الماضي .. في الرياض
المقابلة ( ســــوآآآآآآآآآآآآليف ) لدرجة ما سألني عن التخصص إلي هو دين ..
أول شي قال عرفنا بنفسك .. بعدين قالي لو عينوك بأحد الثانويات وأنت تكتب على السبوره واحد من الطلاب رمى عليك قلم وش تسوي ..؟ << طبعاً تفلسفت وقلت أتجاهل الأمر بعدين قال هذا حل وغيره قلت أصلاً غلط إني أكتب على السبوره وأعطي الطلاب ظهري قال أحسنت .. بعدين كلمني وقال أنت ستحمل امانه عظيمه وهي تدريس الطلاب أمور دينهم ومن هالكلام .. المقابلة كحد أقصى ما كملت خمس دقايق
فيه شباب بلجان ثانية سألوهم عن من درسك في الكلية وبعضهم عطوهم أسماء كتب ومن مؤلفينها وبعضهم خلوهم يقرون قرآن ..
في الأخير .. لا رسوووووووووووووووووووووووووب في المقابلة

ياشباب بالله عليكم ألي عنده مقابلة في جده يسأل لنا (عندنا مقابلة سارية الصلاحة هل نقدر نضيف الدبلوم التربوي)

يا شباب .. وشهي الوظائف الادارية ..!!
يعني وشهو المقصود فيها !!!؟

+
كم رواتبهم !!؟

+
هل في مدرسيين تعينوا على المرتبة الرابعة .. ومدرسين تعينوا على الخامسة !

ياشباب أفيديوني الله يجزاكم خير ...


الورقة اللي آخذها من لجنة المقابلة ... لازم تكون مختمه او بس يكتفى بالتوقيع ؟؟؟؟

لان الورقة اللي أخذتها عليها توقيع الاشخاص اللي سوا معاي مقابلة فقط ...

يعني لازم ختم عليها ؟؟؟