خلاص مليت كرهت نفسي ودي اصير حر نفسي

أبي دقييش · #1 (**permalink**) 10-09-2011, 01:55 AM

السلام عليكم ورحمة الله وبركاته

بصراحه مدري اشكيلكم ولا ابي اخذ رايكم انا حياتي اصبحت ممله جدا بسبب عملي الكئيب

اصحبت شخص محطم أحس اني شخص عديم الفائده بالعكس عملي هذا اكسبني بعض

الصفات السيئه بحكم الحثاله الي فيه .

انا شخص درست بعد الثانويه 3 سنوات وحصلت على دبلوم فني ولاكن للاسف في ذيك الفتره لم

اجد مكان غير العسكريه الي غيرت كثير من واقعي وعكست كل شي فيني ايجابياتي حولتها الى

سلبيات، العسكريه باختصار هي مكان حثالة المجتمع معهم تسمع كل شي منكر وقبيح

حتى ينتهي بك الحال الى ان تكون مثلهم ،وكذالك هو مكان الاهانه والاذلال

بجد كرهت نفسي وكرهت واقعي وكرهت اليوم الي سجلت فيه عسكري

تخيلو انا رافض اي تقدم بحياتي لاني من 9 سنوات اقول لعل وعسى اغير وضيفتي

تخيلو حتى زواج مالي خلقه تعقدت بجد .

لابقولكم شي لمده 9 سنوات مافي يوم رحت الدوام مبسوط ، مافي يوم رحت واصبحت بوجه يفتح

النفس ياتصبح بوجه مدمن مخدرات او بوجه شخص جاهل او بوجه واحد لسانه وسخ .

هالشي اثر على حياتي ياجماعه ابي اصير انسااااااااااااااان مثل الخلق .

دورت وظايف حكوميه مدنيه ماحصلت وش اسوي تجي في بالي الف فكره وفكره

اقول مره بطلع ادرس على احسابي وانضم بعدين لبرنامج الابتعاث ومرات اقول عمري 32 راحت

علي ومرات اقول افصل وابدا اشتغل بزنس بعدين اقول اخاف افشل واضيع كل شي

مدري انتم حاسين فيني ولالا

تكفون قولو رايكم

تحياتي

مرجوج نجد · #2 (**permalink**) 10-09-2011, 04:21 AM

شف يالغالي

انتبه انتبه

تترك وظيفتك والله كم واحد يتمنا يتوظف عسكري

هذا رزقك توكل على واصبر ترا الصبر مفتاح الفرج ونشاءالله بتتزوج وتستانس ماعليك من احد خلك في شغلك وابعد عن اهل المخدرات واذا حسيت بضيقه اقراء قراءن والله واعلم اللي فيك هو ياعين ولاحسد

ترا الحسااد مايخلون الواحد في حاله اعرف كم واحد توه متوظف عسكري يقول اول ماخش للعمل تجيني ضيقه ويحس انه بيبكي واذا خلص وطلع ارتاح وراح عند شيخ وعلمه بسااااالفة كلها وشفه الحيين مشاءالله مرتاااااح

اسمع بقولك شي

شف الهنود اللي ينظفون الشوارع في عز الصيف الظهر يصبرون وكل هذا عشان يعيش نفسه هو وعياله ولايمد يده للغير

وراتبه مايتعدا 400 ريال

والله يالغلا انا حبيت انصحك نصيحه اخوويه وياليت تتقبلها

وأنا ادعو الله ان يشفيك وأفرج كربتك ويوسع صدرك وترتاح

الله الله بصلاة والقران وماء زمزم ماء مقري فييييه

88888

جرب اللي قلتلك علييه والله بتدعيلي وياارب يرزقك بنت الحلااااال وذريه الصاالحه انشاءالله

مابي منك الا الدعاء يالغلا

(تحيااتي لك )

العثماني · #3 (**permalink**) 10-09-2011, 06:32 AM

لك رسالة على الخاص

قولون · #4 (**permalink**) 10-09-2011, 12:55 PM

يا حبيلك هونااا و تهووون ترى أغلبنا متغربل و متبهذل إرضى باللي كاتبه الله و صدقني بتمشي امورك و لا تسخط من قدر ربك ,, ربك له حكمه في كل شي , و انت سوي اللي عليك و ابحث و لا تفصل الين تلقى لك وظيفه

ولد عمي فصل من أمن المنشاات بعد ست سنوات خدمه و الحين جالس بالبيت له سنه ونص ,وش استفاد؟,,

ياخي يعجبوني اخواننا المصريين تلقى الواحد منهم ( مرتبه 300 جنيه و سكن اجار و كومة عيال و زحمة مواصلات و .. و ..)

و تجي تسأله راتبك مكفيك يبوس يده ( وش وظهر) و يقول : رضا يابني و الحمد لله ,,

و لا يمنعك شي انك تدور الافضل و الانسب لك ...

و لا تناظر الكباريه الي بالي بالك ترى ببتعب و ترى فوقهم واااحد كبييييير بيحاسبهم

تحياااااااااااااتي لك

أبي دقييش · #5 (**permalink**) 10-09-2011, 01:46 PM

بعد روحي قولون مستعد يطيح نص راتبي بس اشتغل مكان انا ابيه

انا مو تذمري من سبب الدخل المادي انا تذمري من المكان الي انا فيه

اتمنى وصلت المعلومه

لك مني اجمل تحيه

d7ome · #6 (**permalink**) 10-09-2011, 07:33 PM

الله يحفظك ويسعدك ويرزقك من حيث لا يحتسب
يالغلا انت جالس تخدم شعب وتخدم ناس وتخدم مرضي وتخدم ناس موسوسه

بمعني الحين ما شاء الله عليك تقدر تتعامل مع جميع الاصناف من الناس ولك خبره كافيه بالتعامل المباشر وغير المباشر مع الاصناف

شيء تأجر عليه بالاول وثاني شيء اخوي انت تخدم بلد بأكمله

لا يجرحك ولا يهزك ريح يا بطل انت قدها وحاول انك تطور نفسك ايجابيا وتفكر ايجابيا

زي ما تفضل الاخوه هذي وضيفه ورزق ساقه الله اليك

فتوكل دائما علي الله
انا بقول لك
كل صباح وانت صاحي قول لنفسك يا زين هالصبحيه يا زيني فديتني ويا زين عملي
عشان ربي يفرج همك وتفتح نفسيتك للعمل وحاول تطور نفسك وعلي من مرتبتك

بالتوفيق وانا كتبت علي عجاله لان وراي خارج دوام
بالتوفيق يا عسسسسل

جرح الرياض · #7 (**permalink**) 10-09-2011, 07:55 PM

اخوي خلك واثق من نفسك أنا كنت موظفه ماسكه منصب حلو بس في مكان خايس والناس اللي فيه للأسف مو من مجتمعي المحافظ المهم صرت افرض نظامي يعني انك تلتزم بشخصيتك وأدبك واحترامك عشان نفسك ولا احد ياثر فيك خلك ايجابي وقوي وانت اللي اثر فيهم وأنصحهم
وتبي السعاده الحقيقيه في شي واحد طاعة الرحمن وقراءة القران والاستغفار وماعليك من احد وطالع الناس اللي اقل منك لترتاح وترضى على نفسك

ابرا لافي · #8 (**permalink**) 12-09-2011, 05:10 PM

كم راتبك

رضيت بالهم · #9 (**permalink**) 12-09-2011, 06:05 PM

أبي دقييش الله يحبكـ ، شوف وانا اخوكـ ، صل لكـ ركعتين و استغفر 1000 مرهـ بعدها اسجد و ادع ربكـ اذا نفسكـ قالت لكـ اطلع لا تردد اطلع وشوف لكـ شيء ثاني صدقني الله ما يخلي امثالكـ اذا اراد ، وتذكر كلامي ،، نادر وجودكـ الله يكثر من امثالكـ اخوي