السلام عليم ورحمة اللة وبركاتة وبعد هاذي اول مشاركة لي بالمنتدى انا خريجة ادارة عامة من
جامعة سعود ومعي دورة حاسب ستة شهور لي ثلاث سنوات عاطلة كل ماقدم على القطاع الخاص يقولو مافية احتياج لهذا التخصص والحكومي لازم خبرة ارجو من الله ثم منكم تفاعلو معي
خاصة خريجي الأدارة الي توظفو وين قدمو وكيف الطريقة علما اني انسانة طموحة جداا بس هذا التخصص حطمني تحطيم خاصة بعد تعين خريجات المعهد المعلمات في مكاننا اشعر اني عالقة
ابي اخذ فرصتي على الأقل بخبرة في نفس التخصص الله يوفق الي يرد علي حتى لو يواسني ويرزقة الي يتمانة يارب

الله يرزقك يارب

الله يرزقك ويرزقني يااارب

اصبري وربك يفرجها .الله يوفقك ويرزقك الوظيفة اللي تبيها

شكرا لي كل الي ردو معقولة مافية خريجات ادارة وتوظفو او خريجين وينكم

هذي خيرة لاتستعجلين على رزقك واستغفري كثير واحسني االضن بلله قولي ان شاء الله تفرج وانك تتوظفين مو تقولين يووووووة متى اتوظف مليت << مثلي يعني :$ امزح ههههه لا والله جد اختي عيشي حياتك على التوكل بربي وبتشوفين بيجي رزقك ولو بعد حين .

كلنا بالهواء سواء
الله يرزقنا كلنا الوظيفه المناسبه الي نتمناها يااااارب ..
واستغفري وانا اختك كثر الاستغفار يجلب الرزق ..

اختي ابحاول افيدك بـ الي اعرفه عندك مستشفى العسكري (تآبع للقوات المسلحه) وانا 2 من خواتي متوظفات فيه الي على طريق خريص الرياض {التقديم يكون بحضورك}وهذا رابط لمستشفى الحرس الوطني فيه اخر الوظآئف الي ينزلونها http://www.ngha.med.sa/Arabic/EServi..._New/Main.aspx بس الحرس كله واسطات>>>جايته عقده من الحرس
بششكل عام المستشفيات تخصصك يحتاجونه ايضآ الشركات مثلِ ( آرآمكو) لاكن ما اعرف طريقه التقديم اببحث وبشوفلك بأذن الله ,صدقيني تخصصك مطلوب ولا تيأسين واول واخيرا ادعي الي ما تنام عينه . الله يوفقني ويوفقك ,,,اختي اذا افدتك دعوه بظهر الغيب تكفي

والله روحي قدمي بصرآحه قبل ساعه كلمت اختي وقالت فيه وظايف وكنت برد بس نسيت بـ القيمزر >>> غبي
روحي الله يوفقك ويسسر امرك ويوفقنآ جميعآ واي استفسار عن المستشفى وتقديماته ابشري