السلام عليكم ورحمة الله وبركاته




انا افكر اني افتح لي محل بأذن الله واديره بنفسي
المجال ..بلايز نسائيه ,
اخذ موديلات واقمشه واقوم بتفصيل عند الخياطين وممكن ادخل جاهز وابيعها

والان داخلين على فصل الشتاء , يعني لو فتحت المحل بفصل شتوي , بس جاكيتات رسميه فقط < هذا اذا فتحته في الشتاء

انا ابي استشيركم , هل الفكره زينه وبتمشي واحتمال اللقى اقبال
او لا , خاصه ان الشابات طايحين في التفصيل

وبعدين اذا تطور الحال جبت لي خياطه



واذا ماعجبكم المشروع وحسيتو انه مهب ناجح ياليت تعطوني بعض المشاريع الصغيره والناجحه بأذن الله , ولا تدبروني بأي شغله انا ابي اشتغل
بأي شكل وهذا اللي حدني افتح لي محل

ماذا دهاكم ياعرب أعطوني رأيكم فيما كتبت

صراااحة مشرووعك حلللو مرررة لاننا ملينا من تكرار بضاعة الاسواق
الشي الثاني لاازم يكوون موقعك مميز عشان ينشهر وباذن اللة نكون من زباينك انا وبنات عمي
ربي يووفقك ويكتبلك الخيييرة
ايية نسيت ابعدي عن العاري والشفاف عشان ربي يوسع برزقك

صدقني راحت تفشل وتخسر بعد ماتاكل عيش

شف اذا تقدر تفتح مريولات هو المكسب لأنه قليل وغالي

انا والله مالي خبره
بس اقولك توكلي على الله وجربي
يمكن هذا المشروع في نظر غيرك فاشل بس يكفي يكون في نظرك انت ناجح
لانك انت الي بتعملينه مو غيرك

من وجهة نظري فاشل لن الحين الناس توفرها من دول اسيا
بخمس ريال واقل وتبيع بمكسب بسيط
يعني بتكلف عليك قيمة القماش والخياط بعد مادام مو على كفالتك بياكلك اكل

استخيري ومووفقه يارب