رسمت الشوق بحروف القوافـي والحنيـن الـوان
معاني تنسج اللوعـه وتعـزف صرخـة الحانـي


على بوح القصيـد العـف بقايـا تنشـد النسيـان
عن أحلامي ؟ عن أوهامي ؟ عن اللي سّبب أحزاني


أشد القاف من واقع وانـا فـي واقعـي حيـران
وأسولف عن ألم جرحي من المجني مـن الجانـي



إهيّجن صوت قيفاني وصوتي بالقصيـد أشجـان
على رجوى أمل كاذب لقيـت البـوح يعصانـي



وأصوّر مـن معاناتـي ملامـح مالهـا عنـوان
وإثير الموج من فيـض المشاعـر ليـن يقرانـي



أترجم لوعـة الذكـرى حنيـن العاشـق الولهـان
وأهيم بطيفـه العابـر وأعانـق غربـة أوطانـي




أحسه داخلـي عالـم بـلا شاطـيء بـلا ربـان
وأعوم بموجـه العاتـي ولا أدري ويـن ودانـي



خذاني لآخر الدنيا ويرسـم فـي سمـاي ألـوان
تلّون لي بلون الطيـف ونسيـت بجـوه ألوانـي



عليك الله وأمـان الله وجـاه الله عزيـز الشـأن
تراك أقرب من أنفاسي وساكـن وسـط وجدانـي



هلا ياعمري الحاضر .. هلا ياحلمي اللـي كـان
هلا يانشـوة الخافـق .. هـلا يانصفـي الثانـي



حبيبي قولها لو كـذب أبنسـى لوعـة الحرمـان
حبيبـي كلمـة أحبـك تبّـدد فيـك حرمـانـي



أشوفك جنة الدنيا .. أشوفـك روضـة التحنـان
أجيك بشوقي العاصـف وطيـف البعـد يحدانـي



هدير الموج يأخذني وأنا الظامـي وأنـا الغرقـان
علـى شاطـي غـلاك اللـي تمنيـت وتمنانـي



إحسه نبضي وذاتـي شعـور الشاعـر الانسـان
كأنه غيمـةٍ تطـرد سمـوم القيـض بأغصانـي


أو أنه حرف والريشـه تجسـد صـورة الفنـان
حبيبً يعزف أحسـاس الغـلا ويترجـم الحانـي


أحبة كثر حبـي لـه وأنـا لـه عاشـقً ماخـان
وعزاي أنـي رسمتـه للوفـا بحـروف قيفانـي

منقووووووووووووووووووول

يسلموووووووووووو ع هيك نقل

يعطيك العافيه عاطل على المرور

لاهنتي ع النقل الرائع

مشكور الحب ع الزياره

يسلمووو وناسة على النقل الجميل

بسكويته
منوره قلبي