السلام عليكم ورحمة الله
أسعد الله مساءكم جميعاً بالخير

إخواني الكرام , أنا موظف جديد في قطاع خاص ووظيفتي مالها أي علاقة بالأمور الماليه ,والمدير طالب مني أعبي له ورقه ( كفيل غارم ) يقول لي خل واحد من أقاربك يكفلك وختمها من العمده والشرطه , طيب أنا والله مدري وش السالفه يعني على أي أساس هذي الورقه وهل هي لصالحي ولا ضدي , مع العلم أني سعودي ومثل ماقلت مالي أي علاقه بالامور الماديه يعني مافيه اي فلوس للشركه تحت تصرفي , يادووب أستلم راتبي , معي فقط سياره وخلوني أوقع أوراق عهده أني مستلمها وأرجعها لهم بحاله جيده .. فما أدري ياجماعة الخير هل أوقع هالورقه ولا أرفض

الف مبروك الوظيفة , ماهي صيغة الكفالة?

يـــاأخوي هذا شي صار اساسي بأغلب الوظائف
سواءً لها علاقة او لا !!
(أخواني دايم يقدمون ويتوهقو بهالنقطة لان النــــاس تخاف تكفل بهالوقت )
بس أذا عندك اخ ولا صديق ولا قريب لك وهو واثق فيك راح تكون امورك ممتازة
وماعليك هذا اجرأ عادي
حبيت ارد عليك باإلي أعرفه
موفق .ْ~|

وش وظيفتك بالشركة ؟؟؟

شكرا لجمع من أعطى من وقته ورد , وإجابة على الإستفسارات

الصيغه : كفاله غارم وحضوريه
والمسمى الوظيفي : مهندس معماري , ومالي أي علاقه بالمحاسبه نهائياً

للرفع رفع الله من مقداركم

روح للمكتب العمل وستفسر اكثر عن الانظمة لئن لو صار شي بعدين تبي تعرف معنى كلمة ( القانون لا يحمي المغفلين ) هناك عقود موحدة للوظائف صادرة من مكتب العمل تحمي كل الطرفين
انصحك بذهاب الى مكتب العمل ومعك الورقة