السلام عليكم ورحمه الله وبركاته
والله مدري اذا موضوعي بالقسم الصحيح ولا لا لاني دووورت قسسم بخصوص الموضوع ماحصلت
فقلت اكيد هينا مناسب
بعطيكم الزبده
انا ابي اركب تقويم اسنان
انا برياض وانتم عارفين ان مستشفياتنا الحكوميه زي الشميسي وغيرها شلغتهم شغله وكل شي بواسطه الله المستعان وانا ماقدر ع تكلفه التقويم العاليه بالمستشفيات الخاصه

لكن سمعت بطريقه اني اشتري تقويم الاسنان واي مستشفى حكومي يركبه لكن مدري وش الطريقه
بحيث يكون اقل تكلفه احد يفيدني شلون


والله لي سنين وانا احووس وادوور وصعب علي

والي يعرف مستوصف خاص حلو وشغله زين وسعره ازين يقولي عليه لان من كثر المستشفيات الخاصه الواحد يحتاااااااااااااااار

لكن ودي ودي اركب بمستشفى حكوووووووووووووووووووومي لكن مابيدي حيله لااعرف احد شغال هناك ولا بيدي شي

تكفون ساعدوني او فيدوني بطريقه او او

يله فتكم بعافيه <<

عطاليه وعليكم السلام ورحمة الله وبركاته
صدقتي هالمستشفيات الحكوميه شغل واسطه وقلة حياء بصراحه
الناس بين الحياة والموت يحطونه في الطورائ واذا جت الواسطه دخلوه
لاحول ولاقوة الا بالله وش فينا كذا ماكنا مسلمين وينهم عن الكفار ورحمتهم بالحيوان
الله يغنينا بس عنهم ويحفظ لنا صحتنا / والله يااختي سمعت مثل طريقتك بس مااعرف
احد سواها يعني اسمع قصص ,,
طيب ليش ماتخلينه تقسيط اسهل لك اذا ماعندك كاش
وعيادات الاسنان قلتيها كثر التراب وكلها فرم فلوس ههه
فيه سيقال بس غالي والبسمه الدائمه وسعود نقشبندي ومراكز فهد يمدحونها

^
الطوارىء
هههه ياربي جالسه اضحك
عدلو الرد مشرفينا جزاكم الله خير