السلام عليكم ,,
اتفقنا أنا واخوي نشترك في مشروع معين واللي هو
فيه القريه القريبه من مدينتنا طبعا عدد سكانها كبير بس القريه تنقصها حاجات كثيره
ولاحظت نقص كبير في محلات مستلزمات النساء طبعا بعد البحث اللي عملته من بنات القريه انهم يتعنون الى مدن بعيده للشراء والتبضع
خطرت بالي فكره افتح به محل خاص لمستلزمات نسائيه من دشاديش ملابس داخليه
شنط اكسسوارات اقمشه بجامات وملابس اطفال
وبنفس الوقت احط زاويه فيه عطاره خاص بالأدويه الشعبيه
واستغل المحل باألعاب اطفال
يعني محل متكامل ممجميعه
راس المال 15 الف يمدحون لي اسواق جده يقولون رخيصه وناس تقول الرياض
ابي احد يساعدني الله يوفقه دنيا وأخره وين القى هالنوعيات من البضاعه بجمله او غير جمله بس رخيصه خصوصا الحين داخلين على فصل الشتاء ابي اشياء زينه من دشايش مخمليه حلوه
بجامات شتويه هالشغلات
وهل 15 الف تكفي محل كبدايه فقط بالتدريج نكثر البضاعه..
وسلامتكم ارجو الرد على استشاراتي..

المشروع حلو جدا ومربح
بس كم اجار المحل ؟
اسال عن الايجار اول ولو ناسبك
بعدها توكل على الله
يفضل يكون اللي يختار الملابس الوالده او اي احده من الاقارب
لانهم ادرى باذواق الحريم واللي يناسبهم

محلات الجمله في موضوع مثبت بالقسم

https://www.btalah.com/t206446.html

مشكوره أخت أم ناصر للمعلوميه أنا بنت خدشتي مشاعري هههه
يعطيك العافيه على الرابط ولكن ابى استشارات اكثر ومعلومات اكثر بخصوص البضاعه

وضحي اختي هل هالمبلغ شامل أيجار محل ويكور وبضاعة او بس بضاعة ؟

لا بضاعه فقط الديكور والأيجار له ميزانيه

المشاريع النسائية بشكل عام ناجحة

والنصائح المقدمة لك هي
- الموقع يكون موقع مميز واضح للجميع واللوحة تكون بمساحة كبيرة حتى تلفت الأنتباة اكثر
- البحث عن الأيجار الرخيص مطلوب ولكن دائم الموقع الرخيص يبقى رخيص ولكن المميز سعرة فية حتى لو ارتفع ايجارة
- الافضل يكون المحل فقط للملابس حتى لا يتم تشتيت الفكر بين الملابس والعطارة والعاب الاطفال ولكن لو خصصتي ركن للشنط او العطور او المكياج هذا افضل لنها مكملة للملابس
- زيارة محلات الملابس النسائية التي في القرية لنهم منافسين لك قد يكون الوقت الحاضر لا ولكن مع المستقبل سوف يطورون من محلاتهم فلابد يكون لديك الاستعداد للمنافسة
- الملابس لابد من البحث عن كل ماهو جديد في موديلة وجديد في فكرتة وانتي تعلمين اكثر مني بهذا
- الملابس ليس بشرط ان تشتري بالدرزن ولكن خذي نصف درزن وربع درزن وعندما تشاهدين ان هناك طلب على نوع معين تستطيعين رفع عدد الدرازن
- اذا هناك عامل سوف يمسك المحل لابد من الاختيار الصحيح له من حيث اسلوبة في الكلام واقناع المشتري ويتمتع بادب واخلاق المهنه لا يجعل المحل مقر لمضايقة النساء وهنا سوف تفقدين الزبون بسبب تصرف العامل
- محلات الجملة الرياض وجدة والاقرب لك خذي منه لن الفرق ليس بكبير وجدة اقل سعر من الرياض
- راس المال قليل يوجد رسوم السجل والرخصة والغرفة التجارية والايجار والديكور عليك مراجعة راس المال اذا تستطيعين رفعه واقل تقدير هذا المبلغ يكون للبضاعة والباقي من رسوم واجار وديكور توفرينة من عندك

ابن الهيلا يعطيك العافيه على النصائح

ياتسبد الحي تسبدك ماتشوف شرر هههههههههههه
ومووفق يارب

ليش ما تشوفي لك شقه بقريتك وتحطي بضايعك فيها يعني تسوين سوق نسائي مصغر على قدك وتتوسعين شيئا فشيئا

أنا أشوف لو ترفع راس المال شوي يكون أفضل ..

حط في بالك الإيجار .. ما ينفع محل 6 متر في 6 متر ..

لازم مساحة كبييرة ..

خصوصا أنه القرية كلها ان شاء الله بتجيك

ولا تنسى تحط مبلغ بسيط للإعلانات ..

يعني لو تخلي راس المال 50 ألف يكون أفضل

وتوكل على الله