اول مارحت لهم الساعة 7:30 صباحا
اول مادخلت قسم التعين بالمستشفى قوي الامن الداخلي بالدمام
شفت العسكري قدامي يقولي ايش عندك قلت اليه عندي كشف طبي حق قوات الامن الخاصة
اخذ من عندي الاوراق وقالي روح اجلس مع الشباب اللي جالسين رحت جلست معاهم
تقريبا نصف ساعة وبعدين جاء العسكري يقول صفوا صف واحد بعد ماصفينا صف واحد قال روحوا عيادة رقم 100 الباطنية الدور الاول المهم رحنا العيادة وبعدين نادونا واحد واحد بالأسماء دخلت على الدكتور المصري اخذ ضغط الدم قالي ضغطك زين قالي قوم اخلع ثيابك قلت اليه كلهم قالي خلي سروالك القصير بس
المهم قام يكشف بالسماعة اللي عنده على بطني وصدري وظهري وقالي سليم
خلصت من العيادة ورحت قسم التعين مرة ثانية وقال العسكري انتظروا في الصالة عشان ناخد وزن وطول
لما جيت اخذ وزن وطول قالي طولك مناسب بس وزنك مو مناسب الطول 178 والوزن 63
والمهم مشاني قالي زيد وزنك قلت ابشر وبعدين جاء طبيب الجراحة وقال اخلعوا مالابسكم كلها ماعدا السروال القصير الداخلي المهم صفينا صف واحد ويدخل على الدكتور واحد واحد
المهم جاء دوري وخلت عليه ومسك السروال وحط يده في المكان الحساس طبعا فهمتوني وقالي خلاص روح استرح برا
بعد ساعة جاء العسكري يقول اللي عنده صورتين يجي انا كان عندي صورتين لما رحت دخلت عند العسكري
قالي انت وين اوراقك قلت اليه عندكم قالي لحظة وبعدين جاء لي وقالي روح الله يستر عليك انت غير لائق
قلت اليه غير لائق في ايش قلت اليه الحمدلله انا مافي شي من الامراض قالي انت مريض من امراض المزمنة ضحكت ههههههههههههه قلت اليه انعل ابو الواسطة قالي ليش السالفة مافيها واسطة
قلت اليه لو مافيها واسطة كان قبلتوني لان انا امس رح المستشفى سعد التخصصي بالخبر وكشفت على نفسي من فوق الى تحت وقالي ماشاء الله عليك انت سليم والكشف اللي سويته في مستشفى سعد كلفني 6200 ريال
وهذه سالفتي في مستشفى قوي الامن الداخلي بالدمام
حسبي الله ونعم الوكيل فيهم

انصحك ترجع ل المستشفي تقول له دامك قطعت رزقي
والله ماسامحك لين يوم الحساب واخذ حقي منك مثل ماقطعت رزقي

برب

شكلك دوبك على التقاديم وقلت الحيا


اقولك علم حطه براسك اذا نظرك سالم اظمن العسكريه لو ماتوظفت السنه هذي

ولا اللي بعده جايك رزقك ولاحق على الميدان

وايام التقديم قبل ندخل الدوره جانا اخس منك وعيني عينك بعد ولا يهرجك الا من طرف خشمه

لاكن رزقنا الله ووفقنا من دونهم احمد ربك

والله ياجاء علي علوم ايام التقديم وقلت حيا ووساخه بمستشىفى الطائف الله يهده فوق روسهم

وفالنظر بعد لاكن شوفني توظفت بالامن العام ورزقني الله ووفقني

لاحول ولا قوة الا بالله العلي العظيم

لاوصيك كثر الدعاء مثلي بـ عام 1430 بـ القبول المبدئي بـا لقوات الخاصه استقعد لي نقيب ؟؟


يقول انت العنزي الوحيدا لمقبول في الدفعه اكيد انك واسطه خل واسطتك تمشيك ؟؟ قلت يآخوي وربي مقدم من النت ولا اعرف لي احد ولا شئ ؟؟؟ قال الا واسطه تفضل بس غير لائق

شوفو العنصريه وين وصلت بس الحمدالله الحين كل ما قوم من ركعه واقول له الله لا يوفقك الله لايكثر خيرك الله لا يسعدك الله لـ يحفظ لك عيالك <<< قطع الارزاق ولا قطع الاعناق

الله العالم اللعبه من العسكري هو الي كان السبب بقطع رزقك يانه حط مكانك واحد او انه ظيع الاوراق
الله يعينك ويوفقك ان شاء الله

طيب اختبروك في المستشفى عن النظر او لا

وبعد اختبروك عمى الوان او لا
اشوف ما جبت طاري النظر

أول شيء الله يكون بعونك والله حرام يسقطونك عشان سبب تافه مثل هذا
أنا دائما اسقط في الكشف عشان حامل أنيميا
والله مستشفى قوى الامن في جازان الله لا يوفقهم يكشفون عنده 50 واحد إلي ينجحون يمكن 10 والباقي ساقطين

شوف لو أنت متاكد أنك ما فيك شيء
روح ارفع تظلم عليهم وإنشاء الله يعيدون لك الكشف
انا يوم سقط قال لي واحد ارفع تظلم إذا أنت ما فيك شيء بس رحت حللت طلع إني حامل أنيميا عشان كذا ما رفعت تطلم