المشاركة الأصلية كتبت بواسطة جوري المساء كيف ادق ع حافز واتاكد

كنت اتابعكم من خلف الكواليس وكل يوم سالفة جديدة وخبر جديد متى نرتاح من مسؤولين حافز كل يوم طالعين لنا بتصريح حتى اللي تأهلو ما سلمو منهم

ما ننسى نباااارك للي تأهلو واستلمو اول شهر الف مبرررروك وعقبال بقيه الشهور يارب
الله يكفينا شر المسؤولين وحسدهم بكرا يقطعونها والسبب ما حدثتم البيانات بلاه ما عندنا شغله غيرهم كل يوم ندخل نحدث

خلصنا من مسؤولين حافز نجي للبنوك وش هالحسد والنذاله والمرمطه لو انها تصرف من جيوبهم الله اكبر عليهم

قريبتي راحت امس بنك سامبا تفتح حساب طبعا اتصلت فيني قبل وقلت لها اياك ثم اياك تقولين لحافز والله مايفتحون لك حساب الى بعد 3 او 4 أشهر بالكثير لكن خذي من اخوك 1000 ريال تفتحين فيها الحساب بعدها تسحبينها وسمعت الكلام فديتها المهم راحت هناك قالت للموظفة بفتح حساب جاري اودع فيه مبلغ عشان مصروفي كل شهر )~

قالت لها الموظفة متاكده مو لحافز لانه لو كان لحافز ترا ما ينفع الحساب اللي بتفتحينه ما تتحول له الفلوس حق حافز وماراح تستفيدين شيئ )~ ياتسذبها وياليت جات على هالكذبه الا طلعت لها ورقة مكتوب فيها انه لحافز حساب خاص غير الحساب الشخصي عاد قريبتي تسذا

قالت لها لحظه واتصلت فيني تقول لي كلام الموظفة خخخ )~ قلت لها لا تصدقينها تخوف اللي بيفتحون لحافز عشان يصرفونهم ويعطونهم موعد وشكلها حست بكذبك وتبي تتغدا فيك قبل ما تتعشين فيها

رجعت للموظف وقالت لها اسمعي انا بفتح حساب لي الحين واذا فكرت بحافز ما عليك برجع افتح عندكم حساب لحافز خخخخ قالت مو زين لك اكثر من حساب )~ وش دخلها
والتناقض بالكلام لما جات حرمه تبي تفتح حساب حافز قالت لها الموظفة بعطيك موعد فقالت الحرمه طيب انا عندي حساب عندكم من اول ينفع قالت دام كذا خلاص ما يحتاج تفتحين
)~ وقريبتي تسذا
وبعدها
فتحت حساب لقريبتي ولما عطتها بطاقت الصراف ورقم الحساب والايبان قريبتي سحبت عليهم وما أودعت الالف

العبرة من هالقصة

لا يضحكون عليكم ويقولون لكم حساب حافز يختلف عن الحساب الشخصي لو كان كذا مو نص المؤهلين نزل لهم المبلغ بحسابهم الخاص

بس في سؤال في بالي ليييييييييييييييييه البنوك تتعامل بهالطريقة مع اللي يبي يفتح حساب لحافز بعكس لو يبي يفتح حساب خاص فيه يودع اي مبلغ لو بالكذب وش يخسرون اذا فتحو حساب وهي نفس الاجراءات والا في سر او هدف من تأخير فتح حسابات لحافز ياعالم ليه يعقدونها على العاطل في كل شيئ اعوذ بالله منهم