السلام عليكم ورحمة الله وبركاته
اخواني اخواتي
يدور في راسي اني افتح محل ايسكريم بجوار مدرسه متوسطه وابتدائيه
الموقع موجود لكن حبيت اخذ ارائكم وتجربتكم
مع العلم ان مكينة الايسكريم تكلف 35 الف الاصليه
الصينيه 15 الف وش رايكم اجازف مع العلم اني اول مره ادخل تجاره
كل شي مزهب لكن هل المشروع فيه نجاح وفيه مكسب والرزق على الله


نسيت اقول ان الموقع ايجاره مابين 17 الى 20 الف

وشكرا لكم على حسن القراءه

اخوي اذا الحي نفسه فيه حركه طيبه اتوكل على الله

اما اذا الحي مافيه الا المدرسه لا تغامر


موفق اخوي

السلام عليكم
كانت عندي ماكينة توت يبغالها صيانة رحت لمركز الصيانة عشان اصلحها لقيت عنده واحد سعودي صاحب سياره فان فيها مكينة ايسكريم وفريزر فيه مويه وعصيرات يقول الدخل اليومي مابين 600الى 1500 وانا تركت وضيفتي عشان الشغله هذي الف على البحر والمنتزهات وقت مافضيت
ليش ماتاخذ فان وتسوي زيه والله انه فيها خير

شكرا على مروركم والمشاركه
اتمنى من المجربين يعطونا تجربتهم
اخوي الغريب المهاجر الحي فيه حركه طيبه المحل على شارع 20

الله يرزقك

خل معه عصاير طبيعيه .. وموفق خير

خل معاه عصيرات وبطاطس مقلي زي حقت كريسبي
وكوب ذره والبوب كورن اللي بالكراميل والتشوكليت وصدقني بيمشي معاك ان شاء الله بس اهم شي الموقع والتصاريح
والله يوفقك

.



ليش ماتخلية بوفية صغيرة
فلافل ومشكل وصاج كبدة وتقدر تحط جرة فول وشاهي ونسكافية وعصير
لو المحل كبير تقسمة بالنص وتخلي نص بوفية ونص خباز ..
المدرسة رأح ياخذون منك والطلاب بوقت الاختبارات
ومشروع عام للحي كلة


.

مرحبا فيكم
الاخوان اللي قالوا فك مخبز
او بوفيه الحي مليان مخابز وبوفيات
ومافي محل اسكريم على طول الشارع اللي يبلغ طوله كيلو