مقابلتي في شركة السيف

بقايا طيف · #1 (**permalink**) 20-01-2008, 09:11 PM

السلام عليكم ورحمة الله وبركاته

الى الاخت
زمان الصمت وفتاة طموحة وام زومي
وباقي الاخوات بالمنتدى

اليوم العصر سويت مقابلة في شركة السيف على طريق التحلية====>>والله اول مره اجيه هالطريق

المهم كانت المقابلة مع مدير الفرع

ويقول انه الوظيفة اما كول سنتر او مندوبة مبيعات اما في المعرض او ميداني في اقسام نسائية =====>>بداية الخير

واللي عندها لغة تتوظف في كول سنتر
اما اللي ماعندي مندوبة (وتخب عليها)

ماعلينا

الدوام من 9 الصباح الين 1 الظهر
ومن 4 العصر الين 9 مساءاً
ومن السبت الين الخميس ====>>ايه هين

الاسئلة في المقابلة مثل كل مره

تكلمي عن نفسك
ماهي طموحاتك هواياتك
ايش تعرفي عن السيارات
وش السيارات اللي تفضليها===>>والله وصرنا ننسئل عن السيارات
واعطوني سؤال كيف اتعامل مع زبونه في حال
انها جت وقالت ان سيارات تويوتا افضل من سياراتكم ===>>تقصد الجاكوار
( بغيت ارد ذي ماعندها نظر وش جاب الجاكوار لتويوتا

)

المهم كان جوابي الآتي بسالها بالنقاط اللي عجبتها في تويوتا ووابدي اذكر لها المميزات اللي موجوده بمنتجنا لانه منتجنا معروف عالميا بجودته واسمه ومن هالحكي الرخيس

=====>>بغيت اقول ايه هين مصنعكم المنتج بغى يسكر لسبب خساير بان المنتج غالي السعر ولكن تفادى هذا الشي بانه قلل من جودة المنتج وكان هذا الحكي من ست سنوات بس سكت خفت لا يمسكوني الباب

وعلى فكره الراتب 2500
من غير العمولات والعموله على البيعه الواحده تبدأ من 3000 وفوق===>>طيب افرض مابعت

سيارات بقيمة 300 ألف وفوق مو كل يوم تقدر تلاقي شراي

ومواصلات مافي ====>>يعني الراتب اللي تاخذينه ياخذ السايق اللي يوصلك
بالعربي تشتغلين ببلاش

وهذي احدى مغامراتي مع المقابلات

والله يوفقنا ويوفقكم اجمعين
زمان الصمت + فتاة طموحه
والله ابي اتوظف بس يعطوني شروط تعجيزية

لازم يعرفون انه المجتمع لين الحين ما يعجبه كل شي

المهم انا مسكتهم الباب قبل لايمسكوني

مقابلتي في شركة السيف

إستفسارات ونتائج وظائف القطاع الخاص

السلام عليكم ورحمة الله وبركاته الى الاخت زمان الصمت وفتاة طموحة وام زومي وباقي الاخوات بالمنتدى اليوم العصر سويت مقابلة في شركة السيف على طريق...

مقابلتي في شركة السيف

تسجيل الدخول

مقابلتي في شركة السيف

إستفسارات ونتائج وظائف القطاع الخاص

السلام عليكم ورحمة الله وبركاته الى الاخت زمان الصمت وفتاة طموحة وام زومي وباقي الاخوات بالمنتدى اليوم العصر سويت مقابلة في شركة السيف على طريق...

مقابلتي في شركة السيف