ماودكم بقصيده من جوالي مبطي ما نزلت من الجوال

اليكم هذه القصيد ان شا الله تعجبكم


ما شاء الله الوالي على الرنج لافاع ***فواع طيرن من دين الصقاقير
على ثلاثن دونهن يتسمي القـــــــاع ***حول الحنيه واكفخن توه اعصير
وتل السبوق وخالط الغيم هـــــــزاع *** والارض وعره والحباري معاشير
واقفى وراهن مطلب الصيد طمــاع ***وتقطعن دونه حبال المنـــــــــاظير
الله يقلل رفقت الطير لا ضـــــــــاع *** ضيعت عمر كامل ولا ضيعت الطير
لا صار لون وجرم وافي وطــــلاع ***واسبق من الشيهان وارهى من الزير
يملاك حزن وغيض وهموم ووجاع ***ويدق في قلبك فراقه مسامير
مكن له خوه ومقناص وامتـــــــاع ***تجيله اصفى من حليب المصاغير
تامنه في كفك واذا طار خـــــــــداع ***فالقاع غير ولرتكاء فالسماء غير
تفرح ليامن شبع وتضيق لـــــجاع ***وتنسى على شانه جميع المخاسير
فزته عندي فزت الرنج لنصـــــــــاع ***لا امري اليا كثرت علي التفاكير
يالرنج عقب شوي بنعقب امــطاع *** وايدن على السكان وايدن على القير
ما ابيك ليا مني تجاوزت ترتـــــاع ***الخط واحد والمواتر طوابيـــــــــر
ودون الرياض اهجر وشبوك وسباع ***وخطوط وبيوت وحلال ومعابير
وانته جديد وغيرك اشكال وانــواع ***بس انت فيك يسطرون الاساطير
راحه رفاهيه اليا حد الاقنــــــــــاع ***مركب املوك وعشق كل الجماهير
ولا صرت ما ارخصتك ولا ني ببياع ***مالك من الروضه مصد ومعابير
صاحبك فيه اهيام وجنون واصداع ***منا غلا احبابه ومنا المقادير
والشوق يدفع به على وصل قطاع ***عمه اذياب وجده من امه الزير
له في حنايا القلب مشتا ومربــــاع *** ومصيف عيوني ومعاليقي البير
وشلون ما اقصد واطلق ابواب الابداع ***وشلون ما اقطع في رجاه المشاوير
يالرنج فيه اخلاق وعلوم واطبـــــاع ***خلن بنات الفكر ورد ومصادير
ابطيت وحروفي كسبها بالاجمــــاع ***اما صباح الخير ولا مساء الخير
يامرحبا ذا اللحين يا مرحبا الساع ***ما بين ذيك وذيك يا وين باطـــــــير
جيته بريضان الغلى عطرها فــــــــاع ***عسى البطا ماله على العشق تاثير
وعسى الزمن ما لبسك عقبي اقنــاع ***ولا اطرتك دنيا الكبا ر المشاهير
تصدق انه من مسيرك هل القـــــــاع ***عرفت باللي صار واللي يبي يصير
كان تبي الفرقى ترا دروبها وساع ***تابع المقفي في بند المســــــــارير

الشاعر مبارك بن عينا