بسم الله الرحمن الرحيم....السلام عليكم ورحمة الله وبركاته ...بصراحه من الأمور اللي تضيق الصدر وتحزن القلب ماتدعو اليه بعض الاخوات بالمنتدى من دعوات التجمعات النسائيه امام الوزارات بدعوى انهن مظلومات ويطالبن بحقوقهن !!!! طيب وين الحياء والخوف من الله ؟؟؟!!! يعني صوتك ماهو عوره خروجك لمواجهة الرجال والاختلاط فيهم بغير ضروره امر غير مقبول شرعا الدعوه لتصوير تجمعكن بالصحف اليس بمنكر ... مالكن اولياء امور يطالبون بحقوقكن اكتبن بالصحف اكتبن بالانترت بس لا تجمعن قدام الرجال والوحده لاحياء ولا خوف صوتها اعلى من صوت الرجال ... كثير مظلومات وكثير ماتوظفن ولهن عشرات السنين ولافكرن بالشي هذا لانهن بنات حمايل وعندهن شرف وغيره على انفسهن يعني عشان وظيفه انسى الحياء وانسى التربيه ؟؟؟؟!!! العيال لما تجمعوا يبقون عيال يجوز لهم مالايجوز للمرأه ورايح يقابل رجال مثله وحتى لو صوروه بالصحف ماعنده مشكله ... واقول لكل وحده تدعو لمثل هالتجمعات سوف تحملين وزرك ووزر من تنصاع لدعوتك ....ما اقول الا الله يهديكن بس ولا تخلن الوظيفه تنسيكن اصلكن وحياكن واتركن عنكن هالسوالف وارجعي لربك اللي بيده الرزق كله واحسني الظن فيه وهو خير الرازقين ..بس اللي نالنا من هالدعوات انها تقفلت مواضيع بالمنتدى حنا بحاجه لها ...وسامحوني ع الاسلوب بس حبيت اوصلكم وجهة نظري بهالأمر ..

لاحول ولاقوة الا بالله ويعني اللي بتروح وبتتصور على قولتك ماهي لابسة عبايتها ومحتشمة زي مانطلع للمستشفى والسوق والاماكن العامة وروحتنا وجيتنا للمدارس الطرق مافيها رجال يشوفونا والمدارس ماقدامها حارس يشوفك وانتي داخله وخارجه ولدك لمن يتعب وتوديه للدكتور ماتسألينه عن حالة ولدك المستشفى مافيها احد يشوفك ولاخلاص نجلس ببيوتنا عشان الرجال مايشوفونا ...اتوقع احنا ببلد الحرمين والحمدلله باقي متمسكين بحجابنا ومااشوف فيها اي شي لمن البس عابتي واطلع ولا وش الحكمة من الحجاب اذا ممنوع اطلع لاي مكان فيه رجال!!!!!
هما طالعين يطالبون بحقعم فقط لاغير وحتى لو صوروهم فهم محجبات .....
كلامي لايعني اني مؤيدة لتصرفهم او اني مشاركة فيه فقط لاني احس بمعاناتهم

يا أختي
أنا ضد التجمعات الهمجية..والتخريبية..ورفع الأصوات
بس إذا كان ماراح ألاقي أحد يسمع لي..ولاراح يوصل صوتي للمسؤولين إلا بالخروج..فمكره أخاك لابطل..؟؟!!
النار ماتحرق إلا رجل واطيها
واللي حست بالمعاناة والظلم..والتمييز والتخبيص اللي قاعد يصير..
وهي جالسة تتنتظر على أمل إنه فيه أحد من المسؤولين راح يلتفت لها ويقدر سكوتها ..
لين تنهار أحلامها قدامها وهي مكانك سر..
ماهي زي اللي دوبها متخرجة..أو مايفرق معاها الموضوع..أو لسى عندها أمل إنه أحد يحس فيها والا يطالب لها بحقها..!!

ليتك سكتي

الناااس محروووقه اعصابهم وانظلمنا سنين من عمرنا وقاطعين رزقناا

وفي الاخير تجين وتقولين اسكتوا لاتتكلمون اخرسوا صوت المراه عوره!!!!!!!!!!!

هذه ماتشوفينهاا ضروره اذا سألناهم ليه موقفين في طريق توظيفناا؟؟؟؟

صااار الواحد يفتي بكيفه

انا ضد التجمعات التخريبيه والفوضويه
والدوله ولله الحمد الآن بالذات في سعي دؤوب لتوظيف الجميع
بس الصبر ياجماعة الصبر الشغلات هذي تحتاج وقت

لكن حبيت اصحح لك معلومه ان صوت المرأه ماهو عوره الا اذا كان فيه مياعه وفتنه
ثاني شي ظهورها بالصور وهي محتشمه وبعبايتها مافيه شي
ثالث شي النار ماتحرق الا رجل واطيها

ياعالم ياناس انا قلت وجهة نظري ... واتوقع انه اي وحده عندها ولي امر يطالب بحقها واللي ماعندها ولي امر تقدر توكل محامي ... وبعدين للاخت اللي تقول ليتك سكتي ... اقول الله يسامحك وانا تراي عانيت مثل ماعانيتوا وباقي نعاني وماندري وش يصير علينا ... وبعدين هالتجمعات اللي تحكون عليها ماصارت الا هالسنه وهي موضه لا اكثر فيه عالم خللوا ببيوتهم ولا يفكرون بالتجمعات ... واذا لكم حق ماراح يضيع اذا وضعتوا ثقتكم بالله وحده ... والله يسامح كل من رد علي بسوء او شكك بمبادئ او رد علي بهمجيه والله وحده يعلم نيتي اني غيوره على البنات ومانبي ناصل هالمستوى نتجمع عند باب الوزارات وننسى قيمتنا اللي حفظها لنا دينا بولاة امورنا ... ولاتقولوني شي انا ماقلته انا ماقلت مو محتشمات ولا افتيت من عندي ولا قلت اخرسوا لا تتكلموا لا تظلميني لان الله مايرضى بالظلم انا قلت عندك الصحف عندك النت عندك المحامين عندك الاقسام النسائيه عندك ولي امرك يروح لهم عندك كذا طريقه غير التجمع ... كل اللي قلته كلنا عارفينه ولكن نتغاضى عنه عشان مصالحنا ... والله يسامح كل من تهجم او افترى علي والله وحده عالم نيتي ...

بعييدا عن كلللل النقاش اللي دار حابة ابين
نقطة للاخت صاحبة الموضوع ان الله سبحانه وتعالى حرم الظلم على نفسه
فلذلك ليس لك الحق في قولك(عشان ربك مايظلمك)انتبهوا لكلاااامكم وتأدبوا
في الحديث عن الله وربي سبحانه وتعالى لايظلم اببببببدا حتى الشخص الظالم
رب العباد مايظلمه انتبهوا من هالنقطة كثير يجهلها حبيت انوه واتمنى تتقبلين
نصيحتي بصدر رحب وتبعدين عن هالكلمة مره ثانية لان فيها قلة أدب مع الله
انا متأكده اختي انك ماكنتي تعرفين بهالشي فحبيت انبهك وانبه اللي يقرون
الا هل بلغت اللهم فاشهد
معلومة عندي ولازم احطها لاني مسؤولة عنها يوم القيامة

بسم الله الرحمن الرحيم....السلام عليكم ورحمة الله وبركاته ...بصراحه من الأمور اللي تضيق الصدر وتحزن القلب ماتدعو اليه بعض الاخوات بالمنتدى من دعوات التجمعات النسائيه امام الوزارات بدعوى انهن مظلومات ويطالبن بحقوقهن !!!! طيب وين الحياء والخوف من الله ؟؟؟!!! يعني صوتك ماهو عوره خروجك لمواجهة الرجال والاختلاط فيهم بغير ضروره امر غير مقبول شرعا الدعوه لتصوير تجمعكن بالصحف اليس بمنكر ... مالكن اولياء امور يطالبون بحقوقكن اكتبن بالصحف اكتبن بالانترت بس لا تجمعن قدام الرجال والوحده لاحياء ولا خوف صوتها اعلى من صوت الرجال ... كثير مظلومات وكثير ماتوظفن ولهن عشرات السنين ولافكرن بالشي هذا لانهن بنات حمايل وعندهن شرف وغيره على انفسهن يعني عشان وظيفه انسى الحياء وانسى التربيه ؟؟؟؟!!! العيال لما تجمعوا يبقون عيال يجوز لهم مالايجوز للمرأه ورايح يقابل رجال مثله وحتى لو صوروه بالصحف ماعنده مشكله ... واقول لكل وحده تدعو لمثل هالتجمعات سوف تحملين وزرك ووزر من تنصاع لدعوتك ....ما اقول الا الله يهديكن بس ولا تخلن الوظيفه تنسيكن اصلكن وحياكن واتركن عنكن هالسوالف وارجعي لربك اللي بيده الرزق كله واحسني الظن فيه وهو خير الرازقين ..بس اللي نالنا من هالدعوات انها تقفلت مواضيع بالمنتدى حنا بحاجه لها ...وسامحوني ع الاسلوب بس حبيت اوصلكم وجهة نظري بهالأمر
طبعا مظلومات لمن يطلع اسمك وتتطابقين بياناتك وفي الاخير يقولون عفوا رشحناكم بالغلط بالله لوكنتي مكانهم ماراح تحسين بالظلم وحرق الاعصاب ولاتقولين باروح اوكل محامي الحين الوحدة تبي وظيفة تستر نفسها واهلها بدل ماتحصل الوظيفة توكل محامي!!!!!!!!!!!
وعلى فكره الكلام عن الشرف والغيرة وبنات الحمايل ابد مو بمحله ولايحق لك تنتقصين من قدر احد يعني معلمات محو الامية يوم تجمعوا وثم ثبتوهم ماهم بنات حمايل ولاعندهم شرف وغيرة ؟؟؟؟؟؟؟؟؟؟ مايجوز لك هالكلام ولاتقولين لاتقولوني شي ماقلته هذا معنى الكلام......واذا عندك احد يراجع لك موالكل ظروفهم سوا في بنات ايتام وفي مطلقات وفي اللي ابوها عاجز وفي اللي.......
وترى احتمال وارد جدا ان اللي انهوا المقابلة واثبات السكن يرجعون يفاضلون بينهم مره ثانية ومن ابسط حقوقهم طلب رفع الظلم عنهم واذا تجمعوا عند الوزارة مااحد بيقول عنهم ماعندهم شرف وغيره وترى وزارة الخدمة كلنا صرنا نعرف ان قراراتهم عشوائية ولا احد يضمن عندهم الوظيفة وفي بنات بعد ماباشروا حولوهم تعاقد بحجة ان ترشيحكم غلط وفي احق منكم بالوظيفة وحصلت حتى العام مع الرجال تخصص البيولوجيا بعد مااستلموا خطاب التوجيه ...... اتوقع فاهمة قصدي.
الله يهديك بس وياليت تحذفين الموضوع .

الله يسامحك يأم لانا يعني معنى كلامك اني ماكتبت هالكلمه الا بعد ماضمنت الوظيفه الله يسامحك الله يسامحك وربي اللي خالقني ولا ني فاجره بالحلف وانا اكذب وصايمه وربي لو اني ماترشحت حتى ولا طلع اسمي اني ما افكر مجرد تفكير اني احضر هالتجمعات وحتى لو سمحت لنفسي اني احضرها وهذا مستحيل ولي امر وعايلتي ماراح يسمحون لي ...وانا قلت بردي اللي قبل انه عانينا من هالوزاره ومازلنا نعاني وماندري وش بيصير علينا ... واذا تبين ياعزيزتي تحذفين الموضوع تفضلي اشتكي للاداره ... وما اقول الا الله يسامحك على نيتك والله يختارلك الخيره انتي وغيرك وربي يرزقك بالوظيفه انتي وانا وكل من تنتظرها ولا يحيجك لمثل هالتجمعات .